`تكملة المقال` *شراء المواد الخام* عملية الشراء بتتم من خلال مستندات بيتداولها الأقسام والإدارات المختلفة اللي بتقوم بدورها في عملية الشراء حسب طبيعة كل إدارة. وبتتم عملية شراء المواد الخام من خلال مجموعة من المستندات والسجلات والإجراءات اللي بتختلف من مشروع لآخر حسب طبيعة الهيكل التنظيمي للمشروع وطبيعة المواد المستخدمة في الإنتاج وعمرها. بشكل عام، الإدارات اللي بتشترك في عملية شراء المواد الخام في الشركات الصناعية بتتكون من الإدارات التالية: القسم الإنتاجي للمصنع، إدارة المشتريات، قسم المخازن، قسم مراقبة المخازن، قسم المراجعة، إدارة الحسابات المالية. عملية الشراء بتتم من خلال عدد من المستندات اللي بيتم استخدامها في مرحلة شراء واستلام المواد وبيتم قيدها في الدفاتر والسجلات وبيتم الاحتفاظ بيها في الإدارات والأقسام دي. `ممكن نقسم عملية الشراء إلى قسمين رئيسيين:` *أولاً: مرحلة الشراء والتخزين:* وتبدأ المرحلة دي عادة في الشركات الصناعية لإحدى الأسباب الآتية: 1. وصول المخزون للحد الأدنى المسموح به للمادة الخام بمخازن الشركة. 2. طلب شراء مادة خام جديدة لم يسبق شراؤها وبيحددها القسم الإنتاجي أو الخدمي بالشركة. ويجب مراعاه المواعيد المحددة لعمليه الشراء وتكون في وقتها المناسب والكمية المناسبه لتجنب الأخطاء الاتيه: - *زيادة كمية المواد المشتراة عن الحد المطلوب للعمليات الإنتاجية:* زيادة كمية المواد المشتراة عن الحد المطلوب للعمليات الإنتاجية بيؤدي لتَعطيل جزء من رأس المال المستثمَر، وكمان بتتعرض المواد للتلف والتكدس في المخازن والضياع، وكمان بيسبب زيادة في تكاليف التخزين. - *نقص كمية المواد عن الحد المطلوب:* نقص كمية المواد عن الحد المطلوب بيؤدي للعجز عن تلبية احتياجات العملية الإنتاجية، مما يترتب عليه التوقف عن الإنتاج وبالتالي فقدان الأرباح الناتجة عن توقف المبيعات. *ثانياً: مرحلة تسعير المواد الخام المشتراة:* الخطوات والإجراءات اللي بتتبعها الشركات الصناعية لما بتشتري المواد الخام بتهتم بعملية الشراء من حيث الكمية بس، من غير ما تاخد في الاعتبار قيمة المواد الموردة. إدارة المشتريات دورها بيقتصر على تحديد ثمن شراء المواد الخام المشتراة. هنا بييجي التساؤل عن سعر الشراء اللي جاي في أمر التوريد: هل ده بيمثل تكلفة المواد الخام المشتراة؟ ممكن تكون إن تكلفة المواد الخام هي التكلفة اللي جات في أمر التوريد. بس الواقع بيتطلب فحص الظروف والملابسات اللي بتحيط بكل عملية من عمليات الشراء وتأثير ده على التكلفة. تسعير المواد الواردة بيعتمد على الاتفاق المبرم بين الشركة والمورد بخصوص مكان تسليم البضاعة. - ممكن يكون التسليم في مخازن المورد - أو في مخازن الشركة - أو في الميناء الطبيعي ```وعشان الرساله متبقاش طويله هنزل تكمله المقالة في رساله تانيه وهتتضمن شرح تلك الحالات للتسليم بالتفصيل وكذلك انواع الخصومات بالأمثلة والارقام أن شاء الله ❤️``` *متنساش تصلي علي نبيك محمد وتتفاعل علي الرساله عشان اعرف هل حد مستني التكمله ولا لا* https://whatsapp.com/channel/0029VajZXa6BlHpaBGBxG00d