پاکستان ۾ پاڻي جي وسيلن ۽ انهن جي ورڇ هميشه کان حساس مسئلو رهيو آهي، خاص طور تي درياھِ سنڌ جيڪو ملڪ جي زراعت ۽ معيشت جو اهم جز آهي. تازن ڏينهن ۾ حڪومت درياھِ سنڌ تي ڇهه نيون نهريون ٺاهڻ جو اعلان ڪيو آهي، جنهن سان سنڌ جي عوام، کسانن ۽ پاڻي جا ماهر پريشان آهن. ان منصوبو جو مقصد زرعي پيداوار وڌائڻ ۽ آبي مسئلن کي حل ڪرڻ آهي، پر سنڌ لاءِ ان جا منفي اثر نظرانداز نٿا ڪري سگهجن. سنڌ جي تاريخ پاڻي جي مسئلن سان جڙيل آهي، جتي 1947 کان پوءِ درياھِ سنڌ تي مختلف ڊيم، بيراج ۽ نهري نظام ٺاهيا ويا، جنهن سبب سنڌ جو حصو گهٽيو ۽ زراعت متاثر ٿي. سنڌ جي زراعت، معيشت ۽ ماحول درياھِ سنڌ تي منحصر آهي. نيون نهريون پنجاب ۽ خيبرپختونخوا لاءِ فائدي وارو ٿي سگهن ٿيون، پر سنڌ لاءِ انهن جا اثر تباه ڪندڙ ٿي سگهن ٿا. پهريون وڏو مسئلو سنڌ جي حصي ۾ وڌيڪ پاڻي جي گهٽتائي آهي، جتي ٺٽو، بدين ۽ سجاول جهڙا علائقا اڳ ۾ ئي پاڻي جي گهٽتائي سبب متاثر آهن. ٻيو مسئلو ماحولياتي توازن آهي، جتي درياھِ سنڌ جو پاڻي سامونڊي علائقن ۾ قدرتي ماحول کي برقرار رکڻ لاءِ اهم آهي. ٽيون مسئلو سنڌ جي زراعت سان جڙيل آهي، جتي اڳ ۾ ئي پاڻي جي گهٽتائي سبب ڪسان مشڪلات ۾ آهن. چؤٿون مسئلو پاڻي جي ورڇ جو معاهدو آهي، جنهن ۾ سنڌ کي هميشه گهٽ پاڻي مليو آهي. انهن سڀني مسئلن کي نظر ۾ رکندي، سنڌ جي عوام، کسانن ۽ سياسي اڳواڻن کي گڏجي ان منصوبي خلاف آواز بلند ڪرڻ گهرجي، ته جيئن سنڌ جي پاڻي جا حق محفوظ رهن ۽ ماحولياتي توازن برقرار رهي.