🇭🇹 #bonjou_konpatriyòt 🇭🇹 Tan an p ap kanpe pou l tann pèsonn Tan an pa mache ni devan ni dèyè pyès moun Li kouri san pran souf san poz San l pa janm bouke Si ou pa eksplwate tan an nan chak moman lavi w Pou w reyalize tout rèv ou ti pa ti pa Se pa sèlman tan w ou gaspiye Men se pwòp resous ou w ap mal etilize Ki ka lakoz efò w yo disparèt nan yon bat je Toudayè pèsonn pa ka gaspiye tan an Men ou ka gaspiye tan w nan tan lavi a te sere pou ou Paske tan an ap toujou dire 24 è chak jou Si w rete san w pa fè anyen nan chak opòtinite tan an pote ba ou Se atravè tan an ankò ou pral regrèt Paske se sa ou fè kounya ki pral ba ou rezilta nan yon ti tan ankò Pwiske chak segonn ou genyen se yon gwo sous richès pou ou Ebyen sèvi ak tan ki depann de ou : Pou w kreye Pou w pataje Pou w grandi Pou demen ou pa di : "Tan an ale kite m li p ap janm retounen Tan an kouri kite m San m pa menm wè sa m regle pou laj mwen" Paske tan an fè tan pou li toujou gen tan Se sa k fè gen yon tan pou chak bagay akonpli nan linivè Men tan ki pase p ap janm retounen pou lòm mòtèl. #sherly_tanis_cator ✍🏽 https://x.com/SherlyTanis/status/1887840323596099900?t=u4lO7rvX_IWwzB2anU8KAw&s=09