🇭🇹 #bonjou_konpatriyòt 🇭🇹 Fè kòmsi ou pa wè jan mantalman nou fin depatcha Gade byen pou w wè jan majorite nan nou ap kilbite nan espere chanjman Epi nou tèlman fin delala Nou sanble ak yon pil moun fou K ap fè lèsanpa Pale koze tèt anba Yon bann pawòl san destinasyon/san adrès Pa di w pa remake nou pèdi lisidite n Anba gwo bri katouch gwo kalib k ap toufonnen n Andedan tankou deyò Katouch tèlman ap fè bri se tankou yo ta vle di nou pou n : - Rete lakay nou - Pa ale chita lekòl - Pa ale nan inivèsite Pandan y ap fè nou kouri pasi pala Pandan menm kadav sa k te deja mouri pa menm alabri Si nou pa mete n alabri bal pèdi Men mezanmi... 🤔 Alabri ki bò ? Alabri ki kote ? Pwiske menm alabri nan kouri Menm si n konnen trè byen anyen pa janm pèdi isit la vre Se nou menm k ap pèdi tout bon sans nou Lè n pa wè se sèvèl nou yo vize Nou pa wè se nou menm k ap brize Domaj nou pa menm ka analize Konbyen mantal ki prale ti kal pa tikal ak kalite krèm sèvo n ap pèdi tout bon Ebyen gade pou n wè si tout bagay pa fini vre Apre yo fin pase men pran lekòl Inivèsite vin pa ka jwe okenn wòl Lopital yo plat atè tounen pousyè Ebyen tout timoun mèt rete bèkèkè Entèlektyèl te mèt kenbe kwiy Pandan maladi ap pete fyèl manman ak pitit Epi...epi kisa yo toujou di nou apre sa ? Tout bagay sou kontwòl. #sherly_tanis_cator ✍🏽 https://x.com/SherlyTanis/status/1891104163666280590?t=QP2O6UxTnSsN0g1IY1Ctmg&s=09