🇭🇹#bonjou_konpatriyòt 🇭🇹 Mezanmi !!! Tande vwa k ap pale nan zòrèy mwen Yon seri nanm san vwa Yon dividal moun san rele ni reponn k ap tann yon kout klòch pou fè vwa yo klewonnen Yo anvi di Ase ! kote moun ap tonbe pa bann ak pa pakèt bò isit Nan tout lari silans fè nou bèbè Nou tande kri ki pa ka di non Nou wè lonbraj ki pè di non k ap pèdi non Yo nan lanmò san antèman Nou santi laperèz k ap travèse tan an Pandan n ap kontinye poze menm kesyon yo chak maten : - Kilè solèy la va leve san rigòl san pa bade lakou lakay nou ? - Kilè n ap sispann tann yon van lapè nan pil masak men je m men je w ? Elas ! Bouch nou fann pou bon tan Nou pa ka manje ale wè pou n ta fòse pale Nou la n ap gade n ap tande Jodi a nou pa sèlman tande Nou pa sèlman ap gade Men nou leve men nou pou nou sonnen kòn lanbi nou : - Pou l ka rezonnen pou tout san vwa - Pou l pale pou tout lonbraj ki vle reprann eskanp figi yo - Pou l fè fòs limyè tanmen klere - Pou lavi ka di l bouke anba vag lanmò pye poudre. #sherly_tanis_cator ✍🏽 https://x.com/SherlyTanis/status/1891474494960652646?t=lteLoZJ96IHGuzkTH8UP8Q&s=09