*Ribrik Espas Sante* ---------------------------------------------- '' *PWATRINÈ* '' Se yon tèm kouran yo itilize nan kreyòl Ayisyen pou kalifye yon moun ki soufri Tibèkiloz (TB) pilmonè. *Èske w te konnen detay sa yo sou Tibèkiloz ?* 🦠 Tibèkiloz se yon maladi ki koze pa enfeksyon pa bakteri _Mycobacterium tuberculosis_ (bacille de Koch). 🫁 Fòm ki atake poumon yo se li menm ki ka transmèt moun a moun. Poumon moun se pi gwo rezèvwa bakteri sila a. 🗣️ Boulèt k ap soti nan bouch on moun ki pwatrinè chaje ak jèm Tibèkiloz la ladan l. Si l touse : gen 3 500 ti goutlèt, si l etènye : gen 1 milyon. 🔆 Chalè reyon solèy la tiye bakteri sila a byen rapid, sa ki ka diminye transmisyon an. ⚠️ ATANSYON *Pwomiskite* : Si anpil moun pataje yon espas ki pa byen ayere pandan gen moun ki enfekte, lòt yo riske kontamine tou *Afeblisman sistèm defans lan*: Malnitrisyon, lòt enfeksyon (tankou VIH/SIDA), maladi dyabèt ak kèk trètman ki afebli sistèm iminitè a konn pèmèt enfeksyon an pran chè pou fè maladi a deklare. ✅ *SA N KA FÈ MENM ?* 🏥 *ALE LOPITAL* si w ta remake w gen sentom sa yo : fyèv, tous san rete ak doulè torasik, fatig, amegrisman ak pèt apeti (ankouraje lòt moun tou) 🫧 *FÈ PWÒPTE* kote n abite, kite lè solèy rantre nan pyès yo 💉 *VAKSINEN* timoun yo : Mennen yo al pran _Vaksen BCG_ , ki ap pwoteje yo kont bakteri sila a. _Se mèt kò ki veye kò. Malgre jan sitiyasyon yo ye, ann prevni yon epidemi !_ https://whatsapp.com/channel/0029VaDGtiDHVvTUDlQ0uj1S *#bondoc* *#espace des Étudiants*