ای مسلمانانو! څو ورځې وروسته یو مبارک میاشت راځي، دا یوه بې‌ساري موقع ده چې د پیسو سره نه‌شي برابرېدای. د هدایت رسول ﷺ د دې میاشتې زیری ورکړی، او د توحید پیروانو یې په تودو زړونو هرکلی کړی. 📝 رسول الله ﷺ وفرمایل: "کله چې رمضان راشي، د جنت دروازې پرانیستل کېږي، د دوزخ دروازې بندېږي، او شیطانان تړل کېږي." 📘 (بخاري ۳۲۷۷، مسلم ۱۰۷۹) ✅ کله چې رمضان راشي، د جنت دروازې د نیکو بندګانو لپاره تیارې شي. ✅ د دوزخ دروازې بندېږي، څو ګناهکاران توبه وباسي. ✅ سرکشه شیطانان تړل کېږي، څو د الله بندګان دوکه نه کړي. ای مسلمانه! 1⃣ په دې مبارکه میاشت کې د نیکو کارونو طرف ته لاړ شه! ✅ د لومړۍ شپې څخه د نېکۍ کارونه پیل کړه. 📝 رسول الله ﷺ وفرمایل: "کله چې د رمضان لومړۍ شپه شي: ☑️ شیطانان او سرکشه جن تړل کېږي. ☑️ د دوزخ دروازې بندېږي، هېڅ دروازه یې نه‌پاتې کېږي. ☑️ د جنت دروازې پرانیستل کېږي، هېڅ دروازه یې نه‌بندېږي. ☑️ یو ندا کوونکی وایي: ای د نېکۍ غوښتونکی! راشه، او ای د بدۍ غوښتونکی! ځان ودروه. ☑️ الله هره شپه خلک له دوزخ نه ازادوي." 📕 (ترمذي ۶۸۲، نسائي ۲۱۰۸، احمد ۱۸۷۹۴) 2⃣ هره شپه دې منادي ته ځواب وایه! ✅ ژوند کم‌دی، مرګ نژدې دی. څوک نه‌پوهېږي چې راتلونکی رمضان به ویني که نه. ✅ د قرآن تلاوت، تسبیح، تکبیر، دعا، صدقه، امر بالمعروف، نهي عن المنکر، علم زده‌کړه، او د اسلام خپرولو ته ملا وتړه. 3⃣ په دې میاشت کې ځان وازمویه! ✅ عمر رضي الله عنه وفرمایل: "خپل ځان حساب کړئ، مخکې له دې چې حساب درڅخه واخیستل شي." 📘 (ترمذي) 4⃣ په ریښتیني توګه توبه وباسه! 📝 الله ﷻ فرمایي: ﴿ ای مومنانو! الله ته خالصه توبه وباسئ، شاید الله ستاسې ګناهونه وبخښي او تاسې جنت ته داخل کړي. ﴾ 📘 (تحریم ۸) 5⃣ الله توبه ګاران بښي او ګناهونه یې په نیکیو بدلوي! 📝 الله ﷻ فرمایي: ﴿ الله د دوی بدۍ په نیکیو بدلوي، ځکه الله ډېر بخښونکی، مهربان دی. ﴾ 📘 (فرقان ۷۰) 6⃣ رمضان دې د بدلون میاشت وګرځوه! ✅ د الله لور ته وګرځه، د غفلت څخه بیدار شه، د آخرت د بریا لپاره هڅه وکړه. 📝 الله ﷻ فرمایي: ﴿ دنیا یوازې یوه دوکه ده. ﴾ 📘 (حدید ۲۰) 📝 رسول الله ﷺ وفرمایل: "دنیا خوږه او زرغونه ده، الله تاسې ته ورکړې، څو وګوري چې تاسې څه کوئ، پس د دنیا فتنې او د ښځو فتنې څخه ځان وساتئ!" 📗 (مسلم ۲۷۴۲) 7⃣ له ګناهونو او بدو مجلسونو ځان وساته! 📝 رسول الله ﷺ وفرمایل: "یو ندا کوونکی وایي: ای د نېکۍ غوښتونکی! راشه، او ای د بدۍ غوښتونکی! ځان ودروه." 📋 (ترمذي ۶۸۲) ✅ بازار ته د اړتیا په صورت کې لاړ شه، خو هلته بې‌ځایه غږ او شخړه مه جوړوه. 📝 رسول الله ﷺ وفرمایل: "تر ټولو غوره ځایونه جوماتونه دي، او تر ټولو بد ځایونه بازارونه دي." 📘 (مسلم ۶۷۱) ✅ د بې‌ځایه جنجال او فحش خبرو څخه ځان وساته، ځکه رسول الله ﷺ د داسې کارونو نه کرکه درلوده. 📒 (ترمذي ۲۰۱۶) ⛔ له غیبت، محرماتو، او نورو ناوړو کارونو ځان وساته! الله دې موږ ته توفیق راکړي چې د رمضان میاشت په نیکو اعمالو تېره کړو. ---------------------------------------------- الله دې موږ ټول ته د رمضان برکتونه راکړي! ✍️ ليکوال : م۔م نقيب الله حليم https://whatsapp.com/channel/0029VaMXr4u8F2pBHKwaaM3q