🌙 رمضان د ژوند غوره فرصت، څنګه یې وکاروو؟ 🌙 رسول الله ﷺ وفرمایل: "چا چې د ایمان او ثواب نیت سره د رمضان روژه ونیوله، د هغه پخواني ګناهونه به بښل شي." (متفق علیه) ✨ ایا تاسو کله دا احساس کړی چې رمضان ډېر ژر تېرېږي، او تاسو خپلې موخې پکې نه ترلاسه کوئ؟ رمضان یوازې یو میاشت نه ده، بلکې یو طلایي فرصت دی چې ممکن بیا درته رانشي. دا ممکن ستاسو لپاره وروستی رمضان وي، ځکه هېڅوک نه پوهېږي چې بل کال به ژوندی وي که نه! 🔹 ولې رمضان د ژوند تر ټولو ښه فرصت دی؟ 1️⃣ نیک عملونه څو چنده زیاتېږي: په رمضان کې هره نېکي عمل د نورو وختونو په پرتله ډېر اجر لري، سنت لمونځ د فرض لمونځ برابر اجر لري، او فرض لمونځ بیا ۷۰ چنده اجر لري! 2️⃣ د مغفرت دروازې خلاصې دي: رسول الله ﷺ وفرمایل: "چا چې د ایمان او ثواب نیت سره د رمضان لمونځونه ادا کړل، د هغه پخواني ګناهونه به بښل شي." (متفق علیه) 3️⃣ پکې د قدر شپه شته، چې د ۸۳ کلونو عبادت څخه غوره ده: که څوک دا شپه ومومي، نو داسې ده لکه چې تر ۸۳ کلونو ډېر عبادت یې کړی وي! 4️⃣ شیطانان تړل کېږي: دا میاشت د نیکیو لپاره چمتو چاپېریال لري، نو د غفلت هېڅ عذر نه شته. دا بهترین وخت دی چې خپل ژوند بدل کړو. 🔹 څنګه کولی شو رمضان ګټور تیر کړو؟ 🔸 1. روښانه پلان جوړ کړئ رمضان بې هدفه مه پیل کوئ! له ځانه وپوښتئ: زه څه غواړم چې پدې میاشت کې ترلاسه کړم؟ بیا د عملي پلان جوړولو هڅه وکړئ. لکه: ✅ یو یا څو ځله قرآن ختمول. ✅ د تهجد او قیام اللیل پابندي. ✅ له بدو عادتونو ځان ژغورل. ✅ د خیرات او صدقې زیاتوالی. 🔸 2. خپل عبادتونه متنوع کړئ یوازې روژه او لمونځ مه کوئ، بلکې: 🔹 د قرآن تلاوت ته تدبر سره توجه وکړئ. 🔹 زیات ذکر او استغفار وکړئ. 🔹 د دعا لپاره ځانګړي وختونه وټاکئ، ځانګړي د افطار او سحر وختونه. 🔹 د مور او پلار خدمت وکړئ او خپلوانو سره اړیکې ټینګې کړئ. 🔹 فقیرانو او بېوزلو ته مرسته ورکړئ. 🔸 3. د "رمضان غله" نه لرې اوسئ! 🚫 بې ګټې سریالونه او فلمونه مه ګورئ. 🚫 بې ځایه ویښ پاتې کېدل او بیا ټوله ورځ ویده کېدل. 🚫 بې فایدې مجلسونه، غیبت او چغلي. 💡 زرین اصل: مخکې له دې چې یو کار وکړئ، له ځانه وپوښتئ: "ایا دا کار ما الله ته نږدې کوي که لرې کوي؟" 🔸 4. د دعا قبلېدو ځانګړي وختونه مه ضایع کوئ! ⏳ ایا پوهېږئ چې د افطار پر وخت دعا نه ردېږي؟ 📖 رسول الله ﷺ وفرمایل: "روژه دار ته د خپل افطار پر مهال دعا نه ردېږي." (ابن ماجه 1753، حسن الحدیث) ✨ د افطار پر مهال دعا ته خاصه پاملرنه وکړئ، ځکه یوه دعا مو ټول ژوند بدلولی شي! 🔹 د نن پیغام: 🎯 رمضان د جنت د ترلاسه کولو لپاره یو مسابقه ده، او بریالی هغه دی چې هره لحظه پکې ښه وکاروي. سږ کال رمضان ځانګړی کړئ، او همدا اوس خپل پلان جوړ کړئ! کتبه م۔م نقيب الله حليم https://whatsapp.com/channel/0029VaMXr4u8F2pBHKwaaM3q