*د هلمند حوزوي لوی ریاست انجنیرانو د هلمند سیند د سېلابي اوبو د جریان اندازه ګیري ترسره کړه* نن ورځ چهارشنبه د هلمند حوزوي لوی ریاست رئیس الحاج قاري عبدالهادي "هادي" صاحب په هدایت د دغه ریاست اړوند د اوبو د سرچینو آمریت انجنیرانو د هلمند سیند د لشکرګاه استیشن په ساحه کي د کېبلوي استیشن په ذریعه د سېلابي اوبو د جریان اندازه ګیري ترسره کړه د یادي اندازه ګیرۍ څخه موخه د سېلابونو ښه مدیریت دی تر څو د کمال خان بند د سېلابي اوبو راپور پر وخت ورسیږي چې د همدي سېلابي اوبو د مقدار په اساس په بند کي د سیلاب د کنټرول لپاره امادګي ونیول سي. نېټه:۱۴۴۶/٨/۲۷ هــ ق هلمندولایت مقام درسنیو او معلوماتو مرکز.