هلمند ولایت مقام رسنیو او معلوماتو مرکز
344 subscribers
Similar Channels
Reflexões Diárias
Ruang' Galau💫SLOT SITUS | RTP SLOT ONLINE PRAGMATIC PG SOFT|SLOT JACKPOT VIP ANTI RUNGKAD
Router Protocol MP ✅
Library (کتابخانهٔ عمومی - د افغانستان پرانيستی پوهنتون )
Nusaly
ابو☜ Social media ☞عمر
RS LEARNING PLATFORM
Aljazeera.net | الجزيرة نت
دفتر مطبوعاتی قوماندانی امنیه ولایت غور
سیب سبز سلامت
ELLATHERIA
Loquito Del Centro
Ujuzi blog
MayreMartinez
Afghanistan Cricket Board
Swipe to see more
Posts
*د باغران او موسی قلعه ولسوالیو د مسوولینو،علماءکرامو او قومي متنفذینو په منځګړیتوب ددوه"۲" کورنیو ترمنځ شخړه حل او په دوستۍ بدله سوه:* څه موده وړاندي د هلمند ولایت باغران ولسوالۍ جغتو سیمه کي ددوه"۲" کورنیو ترمنځ شخړه راغلې وه چي په نتیجه کي یې یو تن وژل سوی ؤ. نو د یادو ولسوالیو د مسوولینو په همکارۍ او همږغۍ د علماءکرامو او قومي مخورو په منځګړیتوب او زیار تېره ورځ ددغه دوه"۲" کورنیو ترمنځ راغلې شخړه د سولي له لاري حل او دښمني یې په دوستۍ بدله سوه. د علماءکرامو او قومي مخورو د پرېکړي په اساس د مقتول کورنۍته اتلس"۱۸" لکه افغانۍ ورکړل سوې او ددواړو کورنیو ترمنځ سوله وسوه. نېټه:۱۴۴۶/۹/۱ هــ ق هلمندولایت مقام درسنیو او معلوماتو مرکز.
*مرکز لښکرګاه کي له حیواني درمل پلورنځیو څارنه وسوه* نن ورځ دهلمند ولایت کرني اوبولګولو او مالدارۍ ریاست اړوند د مالدارۍ او حیواني روغتیا آمر مولوي محمدعمر ابویاسر او اړوند کارکوونکو له لوري مرکز لښکرګاه کي له حیواني درمل پلورنځیو څخه نظارت او څارنه تر سره سوه. دیادي څارني په ترڅ کي د حیواني درملو پلورنځیو جوازونه ، ددرملو کیفیت او تاریخونه وکتل سول او یوه اندازه تاریخ تېر او بې کیفیته درمل راټول کړل سول. همدارنګه حیواني درمل پلورونکو ته سپارښتنه وسوه چي د خپل کار او فعالیت قانوني جوازونه ترلاسه کړي ترڅو چاري یې په اصولي ډول مخي ته ولاړي سي. نېټه:١/ ٩/ ١٤٤٦ هــ ق هلمندولایت مقام درسنیو او معلوماتو مرکز.
*لښکرګاه کي د اطفائیه مدیریت نوې څانګه پرانیستل سوه:* د هلمند ولایت امنیه قوماندانۍ داطفائیه مدیریت له لوري د مرکز لښکرګاه درېيمي امنیتي حوزې بولان سيمه کي د اطفائیه مديريت نوې څانګه پرانستل سوه. دامنیه قوماندانۍ ویاند ملاعزت الله حقاني په خبره یاده څانګه د روزل سوو کارکوونکو سربیره په پرمختللو وسایلو مجهزه ده، کولای سي د بولان او شا او خوا سیمو اوسېدونکو ته په بیړنیو حالاتو کي لازم خدمات وړاندي کړي. د بولان او شا او خوا سیمي اوسېدونکي چي تر دې وړاندي یې د اور وژني خدماتو ته لاسرسی کم وو د دې څانګي په پرانیستلو سره به د یادي سیمي د اوسېدونکو شته ستونزي حل سي. نېټه: ۱۴۴۶/۹/۱ هـ ق. هلمندولایت مقام درسنیو او معلوماتو مرکز.
*دمرستي په موخه:* یو ناروغ د لښکرګاه فاطمه بیات روغتون کي -o ګروپ ویني ته اړتیا لري. که هرمسلمان ورور وینه ورکولای سي نو دغه یې د پایواز شمېره ده اړیکه دي ورسره ونیسي. 0706419321
*برېښنا ریاست کارکوونکو ته د برقي تجهیزاتو د عایقیت معلومولو په برخه کي درې "٣" ورځنۍ سمېنار ور کړل سوه:* د هلمند برېښنا ریاست اړوند د عملیاتي معاونیت کارمندانو د یوه "١"اونۍ په جریان کي د هلمند برښنا ریاست په تالار کي د ټیټ ، متوسط ،لوړ ولتاژونو ، کیبل د عوارض ځایونو د ژر پیدا کول او د برقي تجهیزاتو د عایقیت د معلومولو په موخه د هلمند برښنا مسلکي پرسونل ته درې ورځنۍ سمېنار ترسره کړ چې په یاد سمېنار کي د هغو ماشینونو نظري تدریس او عملي تجربې ترسره سولې کوم چې د عوارضاتو په لا ژر پیداکولو کي ترې کار اخیستل کیږي. او هم دارنګه په تېره اونۍ کي د بارانونو او طوفانونو له وجي د لاندي خروخي فیدرانو شارټي اصلاح سولې 1- د LG08 فیدر شارټي اصلاح سول چې د بولان په ساحه کي یو (20kv) لین شکېدلی وه. 2-د LG03 فیدر شارټي اصلاح سول چې د قلعه کهنې په ساحه کي یوه (20kv) انسلیټر تخریب سوی وو. 3-د LG06 فیدر شارټي اصلاح سول چې د تورټانګ په ساحه کي دوه (3.3kv) لینونه شکېدلې وه. 4-د LG09 فیدر شارټی اصلاح سول چې د صافیانو په ساحه کي یو (20kv) لین د براکیټ سره ارت سوی وو. 5- د LG09 فیدر شارټي اصلاح سول چې د صنعتي پارک په ساحه کی درې( 20kv) پایې نړېدلي وې. 6- د لښکرګاه ښار په مختلفو ساحو کي د (12)پایو ترانسفارمرانو عوارض اصلاح سول . نېټه:۱۴۴۶/۹/۱ هــ ق هلمندولایت مقام درسنیو او معلوماتو مرکز.
*د نوزاد ګورز سیمه کي د تابعیت تذکرو"پېژندپاڼو" د وېش لړۍ پای ته ورسېدل:* د هلمند ولایت مقام اواحصائیې او معلوماتو ملي ادارې د هدایت په اساس د هلمند احصائیې او معلوماتو ریاست رئیس الحاج حافظ محمدرباني"حاجي هېواد"صاحب د خپل کاري او مسلکي ټیم په ملتیا د نوزاد ولسوالۍ ګورز سیمي ته سفر وکړ او هلته یې د یادي سیمي خلګو ته د پېژندپاڼو د وېش لړۍ پیل کړه؛ چي د څلورو"۴" کاري ورځو په جریان کي ددې سیمي خلګو ته زر"۱۰۰۰" جلده کاغذي پېژندپاڼي د اصولو او مقرراتو سره سم ووېشل سوې او نن پنجشنبه دغه لړۍ پای ته ورسېدل. ښاغلی حاجي هېواد وایي چي د پېژند پاڼو د وېش دغه ګرځنده لړۍ به د اړتیا وړ مواردو کي نورو لېري پرتو ولسوالیو ته هم وغځول سي. د یادولو ده چي د نوزاد ګورز سیمه ددې ولسوالۍ له مرکز څخه په لېري واټن کي پرته سیمه ده چي خلګو یې د اقتصادي ستونزو له امله نسوه کولای په اسانۍ سره د ولسوالۍ مرکز ته د تذکرو اخیستلو په موخه ولاړسي نو د یادي ولسوالۍ مسوولینو او ولسي خلګو د ولایت مقام څخه د مرستي غوښتنه کړې وه.چي پر اساس یې یاد اجراات ترسره سوه. نېټه:۱۴۴۶/۸/۲۸ هــ ق هلمندولایت مقام درسنیو او معلوماتو مرکز.
*دوه عرادې بند سوي موټران د امنیتي ځواکونو په مرسته را وایستل سوه:* تیره ورځ ناوخته د هلمند ولایت مارجې ولسوالۍ تاګرشک مانده سیمه کي دوه عرادې لوکسل موټران چي د هیوادوالو څخه بند سوي وه د همدې ولسوالۍ امنیتي ځواکونو له لوري سیمي ته تر رسېدلو وروسته را وایستل سوه او پکښي سپاره درې تنه هیوادوال د مرګ څخه وژغورل سوه. دامنیه قوماندانۍ ویاند ښاغلی حقاني وایي: دا په داسي حال کي ده چي امنیتي ځواکونه شپه او ورځ د هیوادوالو د خدمت لپاره پرځان یوه کړې او د ستونزو پر وخت د هیوادوالو سره د مرستي په موخه ځانونه د پېښي ځای ته رسوي تر څو هیوادوال وژغورل سي. باید یادونه وسي چي تا ګرشک یوه دښتي سیمه ده او هلته امکانات شتون نلري که خدای مکړه وسایطو ته کومه تخنیکي ستونزه پېښه سي سپرلۍ یې د اوبو د نشتون او نه امکاناتو له امله د مرګ سره مخامخ کیږي. نېټه: ۱۴۴۶/۸/۲۸ هـ ق. هلمندولایت مقام درسنیو او معلوماتو مرکز.
*سنګين پوهني آمر د رواني يوې اونۍ په جریان کي د پنځه"۵"بابه مدرسو د اداري او تدریسي چارو څخه ليدني ترسره کړې:* د هلمند ولایت پوهني ریاست اړوند دسنګین ولسوالۍ پوهني آمر مولوي احسان الله منصور دیوې"۱" اونۍ په جریان کي د یادي ولسوالۍ له پنځه"۵" بابه نورالهدای دارالحفاظ، لوی کندهار دارالعلوم حنفیه، فیض القرآن، دارالعلوم حقانیه، منظمه حقانیه، د تدریسي چارو، دهاشم سارواني مرکزي لیسې او د پوهني آمریت د ودانۍ دودانیزو چاروڅخه لیدنه وکړه. همداراز د هاشم سارواني لیسې مربوط دوکانو څخه یې دغصب مخنیوی وکړ. نوموړي د یادي ولسوالۍ دپوهني دسیستم دپرمختګ او اداري کارونو کي دچټکتیا لپاره نوي طرحي په کار اچولي. مولوي منصور صاحب د ښوونکو او زده کونکو لپاره د غوره تعلیمي چاپېریال رامنځته کولو په هدف له خپلي ادارې سره د همغږۍ په چوکاټ کي د مختلفو ابتکاراتو اوپلانونو لپاره کار روان کړی تر څو په زده کړیيز بهیر کي لاهم چټکتيا راسي. یادوني:وړده چي ښاغلي منصور د یادي ولسوالۍ د پوهني مسؤولینو،علماء کرامو، او مخورو مشرانو سره د علمي پرمختګ په اړه مجلسونه ترسره کړي دي. نېټه:۱۴۴۶/۸/۲۸ هــ ق هلمندولایت مقام درسنیو او معلوماتو مرکز.
*د هلمند ولایت ناوې ، مارجې او ګرمسېر ولسوالیو "٦٥" کورنیو سره د شیدو د پروسس توکو مرسته کېږي* د هلمند ولایت کرني، اوبولګولو او مالدارۍ ریاست لخوا ، د افغانستان لپاره د هالینډ کمیټې په مالي همکارۍ ، څه موده وړاندي د ناوې ، مارجې او ګرمسېر ولسوالیو پر "٦٥" بې وزلو او اړمنو کورنیو دشیدو بزې او حیواني خوراکه ووېشل سول چې په ترکیب کې یې هرې مستحقي کورنۍ ته ٢ رأسه د شیدو بزې ، ١٠٠ کیلوګیرامه خوراکه او د اوبو او خوراک لوښي شامل و. دیادې پروسې په تعقیب نن ورځ همدغو کورنیو ته د شیدو د پروسس په برخه کي د اړینو توکو وېشلو چاري هم پیل سوي دي. ددغو مرستو موخه د بې وزله کورنیو لاسنیوی ، په کور دننه بې کفالته کورنیو ته د کاري زمینې برابرول او د ناداره کورنیو د لومړنیو اړتیاو پوره کول دي. نېټه: ٢٨/ ٨/ ١٤٤٦ هـ ق هلمندولایت مقام درسنیو او معلوماتو مرکز.