د حرمين الشريفين رسمي ادرس وايي، د راتلونکې پنځنۍ/پنجشنبې يا عرفې په ورځ به «ذوالحجه نهمه ۱۴۴۶» د حج خطبه د نړۍ په ۳۴ ژبو وژباړل شي. پښتو ژبه هم د ځينو نورو ژبو تر څنګ، د دې لېست په ۲۵ نمبر کې ذکر شوې، چې د سږني حج خطبه به ورته وژباړل شي. پښتو ژبه په دې وروستیو کې په ډېرې چټکۍ سره نړیوالتوب ته روانه ده، دوه ورځې وړاندې د مې په ۲۹ مه د پښتو ورځ وه چې د نړۍ په ګوټ ګوټ کې پښتنو ونمانځل او د پښتو ژبې پرمختیا ته یې ژمنتیا وښودل.