*WEEKLY POETHERAPY: POETRY OUR INTANGIBLE CULTURAL HERITAGE* *RUNYARARO* *BY -* *Mimie Gold* Ehunde magarikwa Ehunde runyararo Mufaro bedzi pasina Mhesaniswa kana bopoto Rugare rusina mugumo Runyararo kugarisana navamwe zvakanaka Zvisina kupokana kugwa kana kukakavadzana Runyararo kuwadzana navavakidzani, vapfuvuri navatogwa Runyararo hudzamu nohuchenjeri hwokuzvininipisa nokuzvidzora Runyararo ruzivo rwekuchengeta nhaka tsika namagariro Runyararo kutevedza gwara nouchenjeri pasina mhesanwa Zvino kwedu hakuna Yangova mazvake mazvake kufamba kwebenzi Aita chake tosvora Ada rubatsiro, tosema Hatichina mwoyo worudo hwokuhwisisana nokurayana Kupomerana nekunenerana kwawanda Kunyombana pachedu, kupinza muvengi mumusha Deno runyararo ari munhu taimudana, Zvino zvarangova besanwa risina mudzori Rupatsu rwava pakati pedu Hatichawadzani paukama kuri kufungirana Runyararo wakaindepiko? Pakaresvwa ndepi? Deno tadzokera kumavambo kwaiva norunyararo noruwadzano pakati pedu Tiri hama! #noculturenofutur