*WEEKLY POETHERAPY:POETRY OUR INTANGIBLE CULTURAL HERITAGE* Join our community for more updates https://whatsapp.com/channel/0029Vai0FQJ11ulJHRRO3r0l *MISODZI* *By* *Mimie Gold* Kuturuka kwayo misodzi Kurwadzwa kwemwoyo nonyama Kushungurudzika kwomweya Kubaiwa panyama nhete kwaiturutsa Mufaro wadova mweni nhaka Ndakareswa wokupamwoyo Kupa bhinya ndokuponda nokuinda nawo Sare ndave guru rakapinda nyoka Kubaiwa norakagomara ndokwandakaitwa Kusasikwa muutsi nowandada Ndaiti zvimwe rudo rwedu ruchava gwendo Izvo yuwi kutamba nodzviti romwoyo, mharadzi Ndaiti divi rorudo rwangu rwazadziswa, Izvo munyengeri wakavuya sengirozi Mufunge tainge taronga ramangwana tose Ndichiti tadzika midzi, Ndaiti zvimwe ndazomuwana iye chaiye Mhume yakabva kumatenga Izvo bodo ibere rakafuka dehwe rehwai, munyengeri Hino, misodzi yoyerera siku nesikati Kushaya zano, kutsvaka pakatyokera chitsidzo Ndobvunza, ko zvatisina kuburana? Ko, zvataiva tose madeko? Ko, ndaiti uri mumwe wangu? Nyamba uri munyengeri, nhume yowakaipa! Wandisiya ndine ronda risina murapi Kuitisa mutana nhova, chishamiso Kuputsa gare romufaro rwatakange tavaka Zvokwadi wandigura Yangova misodzi nondangariro Kundi siya ndino mibvunzo isina mhinduro Kundi siyira huni nyoro, ndife noutsi Kundi bviraudza mwoyo, misodzi yoyerera zvayo Ko zvino, hauzvitongesi here? Unomwoyo wakasindimara usingacheuki Ko deno wakanditaurira waibvei? Wakazvifunga woga, ndokusiya misodzi mune angu matama. Ko zvino zvichakupei? Misodzi yangu inokurapei? Hameno, Ishe ndivo muzivi wazvose Wakasiya mibvunzo isina mhinduro Hurongwa husina zadziso. Ndozvibvunza kuti, ko zvose zviye, kwaidova kutungana kwembudzi? Wandisiyira misodzi! Zvino kwauriyo, handishuvi rakaipa kuvupenyu hwako Asi ziva wakasiya ndaremara mwoyo Kuyedza kuipukuta yaramba kupwa, iyo misodzi. Ko deno wakandi taurira kuti waisada, waibvei? Zvino yangova misodzi mangu mumwoyo, Kusaziva achapwa here?. #artsandculture *NB: MIMIE GOLD IS ZICH POET* Follow us on:- *FACEBOOK* *@Zimbabwe Intangible Cultural Heritage* https://www.facebook.com/share/17zXZ2WNmG/?mibextid=wwXIfr *INSTAGRAM* @ *ZICH TV MEDIA* https://www.instagram.com/zichtvmedia/profilecard/?igsh=d3N3ZmlkbTZ4a3E= *TIKTOK* *@ zichtvmedia* https://www.tiktok.com/@zichtvmedia?_t=ZG-8srTiO9lFYH&_r=1 *YOUTUBE* *@ ZICH TV* https://youtube.com/@zichtvmedia?feature=shared 🔄🔄🔄Share our Articles and documentaries with Family and friends