د الجزیرې د راپور پر بنسټ تېرو ۲۴ ساعتونو کې په غزه تړانګه د صهیونیستي رژیم په بریدونو کې د ماشومانو په ګډون لږ تر لږه ۲۱ فلسطینیان شهیدان شوي دي. راپور کې راغلي، چې دغه بریدونه د غزې په ښار، دیرالبلاح او رفح کې د کډوالو په پنډغالو شوي دي. دغه بریدونه داسې مهال کېږي، چې اشغالګرو اسرائیلو له تېرو دوو میاشتو راهیسې غزې ته د هر ډول بشري مرستو د لېږد مخنیوی کړی او د ۲.۳ میلیونه فلسطیني وګړو ژوند یې له جدي ګواښ سره مخ کړی دی. #ملي‌تلویزیون