-أسهل معادلة لتصليح الصوديوم فى حالة نقص الصوديوم hyponatremia اللى بيبقى ليه اعراض زى التشنجات واضطراب الوعى وغيرها ودا بيحصل لو الصوديوم قل عن 120 meq وفى بعض المرضى لو اقل من 117 meq . -التصليحة دى حسب نوع المحلول اللى عندك وتركيز الصوديوم فيه فكلنا نقدر نستعملها وهاقول مثال ان شاء الله. -الموضوع خطير وحيوى ومش نادر والتصليح السريع لا قدر الله ممكن يودى الى الوفاة مباشرة بما يسمى ب central pontine myelinolysis او brain rupture انفجار حاد فى خلايا المخ. -قبل ما اقول المعادلة لازم نعرف تركيز الصوديوم فى المحاليل المعتادة عندنا: -محلول %Nacl 5 ودا مش متاح عندنا بمصر بس موجود فى بعض الدول العربية وفيه 856 meq لكل لتر. -محلول % Nacl 3 ودا اللى بيسموه hypertonic saline وفيه 513 meq لكل لتر -محلول الملح العادى % Nacl 0.9 وفيه 154 meq لكل لتر. -محلول ringers lactate وفيه 130 meq لكل لتر. -المعادلة بتحسب تعويض الصوديوم soduim deficit .. -soduim deficit= total body water *(125-actual soduim). total body water in pediatrics=0.6*body wt . -مثال طفل وزنه 20 كيلو وصوديوم 115 وعاوز احسبله تعويض. يبقى 0.6 فى 20 فى (125-115) يساوى 120 meq . -طيب التصليح على زمن اد ايه ..معدل الرفع الامن 0.5 meq فى الساعة يبقى كدا محتاج ارفع هنا على 20 ساعة عشان اعوض فرق ال 10 meq دا. -اخر حاجة يتفضلى احسب معدل المحاليل فى الساعة ودا بقى اللى حسب نوع المحاليل: المعادلة دى مهمة وهاقول عليها امثلة لنفس الطفل اللى 20 كيلو وصوديوم 115. rate per hour= calculated soduim deficit*1000/(soduim concentratin in fluid* duration of correction). -المثال بتاعنا اللى اتفقنا التصليح بتاع الصوديوم فيه 120 meq وهاصلحهم على 20 ساعة هاعمل مرة تصليح على ملح عادى Nacl 0.9 ومرة على hypertonic saline %3. 1. بالملح العادى تركيز 0.9 فى المية : rate per hour=120*1000/(154*20) هيطلع المعدل 39 سم فى الساعة. 2.لو ب hypertonic saline تركيز 3 بالمية: rate per hour=120*1000/(513*20). هيطلع المعدل 11.7 سم بالساعة. -تصلح نفس المعادلة فى البالغين بس مع حساب total body water فيهم 0.5 فى السيدات بدال من 0.6 كما فى الرجال والاطفال وكمان فى elderly women بتبقى 0.45 وال elderly men بتبقى 0.5 دا الفرق الوحيد. -المعادلة دى ان شاء الله على بساطتها هتساعد فى الحفاظ على حياة اطفال وناس كتير لو فهمتها صح والله المستعان. د عمرو عمر Amr Omar #دليل_النايب_الجينيور