👌🕳 بخصوص إن المطرب أحمد سعد طالع يتمسخر على المسرح بعد الحج بعد يومين من فيدوهات توبته، حابب أوضح كذا نقطة مهمة بعد البوست اللي فات.. • كلنا بعد مواسم الطاعة بنعصي لأننا بشر، ولكن لما بنعصي بنحاول نستر نفسنا لعل الله يسترنا، وكلنا بندعي إننا نموت على طاعة وتوبة مش على معصية، ومحدش فينا يأمن على نفسه. • المغني أحمد سعد طلع في فيديوهات في المدينة المنورة مع شيخ في المسجد النبوي على إنها إعلان توبة، الفيدوهات دي اتأثر بيها مئات الآلاف، ورغم كدا هو كان عارف إنه هيرجع من الحج على حفلة في الساحل كلها قرف. • المشكلة التانية والأكبر إنه طاله على المسرح وقدام الكاميرات بيتريق وبيتمسخر، وبيقول “على فكرة أنا جاي من الحج تايب”.. الحاجات دي بالذات مفيهاش هزار ﴿ولئن سألتهم ليقولن إنما كنا نخوض ونلعب قل أبالله وآياته ورسوله كنتم تستهزئون لا تعتذروا..﴾ • ثالثًا وأخيرًا اللي حصل دا ما تستهونش بيه، لأنه ممكن يكون سبب في انتكاس شباب كتير بسبب إنهم اتأثروا وصدقوا فيديوهاته وتوبته في المدينة، وبعدها يشوفوه وهو طالع بعد بأيام يسخر من توبته حتى ولو بهزار. ﴿إن الذين فتنوا المؤمنين والمؤمنات ثم لم يتوبوا فلهم عذاب جهنم ولهم عذاب الحريق﴾ إحنا مش دورنا جلد البشر على ضعفهم أمام المعصية، لأننا كلنا ضعفاء وبنستعين بالله، إنما طالما طلعت وأعلنت وبعدين طلعت واتمسخرت، يبقى محدش يلوم علينا لو طلعنا حذرنا، من باب غيرتنا على الدين وحرصنا على شبابنا. ويعلم الله إنّي أتمنى له، ولأي عاصي وأنا منهم، التوبة والثبات على التوبة حتى أن نلقى الله الباحث مصطفى كامل