*_Minisiteri y’Ubuzima yatangaje ko muri iyi minsi mu gihugu hari ubwiyongere bw’indwara zifitanye isano n’ihindagurika ry’ikirere, zirimo na COVID-19._* Byatangajwe na Minisitiri w’Ubuzima, Dr Sabin Nsanzimana, mu butumwa yanyujije ku rubuga rwe rwa X. Yagize ati: “Muraho! Muri iyi minsi tuva mu itumba tugana mu cyi; hari ubwiyongere bw’ indwara zifitanye isano n’ ihinduka ry’ ikirere.” Minisiteri w’Ubuzima agaruka ku bicurane, yavuze ko mu bicurane biri kugaragara mu gihugu harimo ibiterwa “na virus ya influenza na Covid”, mbere yo gusaba Abaturarwanda kwirinda kwanduzanya no kugira isuku. Usibye COVID-19, MINISANTE yanavuze ko mu gihugu hari kugaragara ubwiyongere bwa Malariya, isaba ubufatanye mu kurwanya imibu no kwisuzumisha ku gihe. Cc: BWIZA.COM #tedrosinfo