پارٹ: 191 حمص اور قنسرین کے مسائل کو عارضی طور پر حل کر لینے کے ساتھ ہی حضرت ابوعبیدہ بن الجراح رضی اللہ عنہ نے اپنی فوج کی اکثریت کو کئی حصوں میں تقسیم کر کے شمالی شام پر حملہ کرنے کے لئے روانہ کر دیا۔ مسلم سپاہ نے شمال میں حلب تک سفر کیا اور قنسرین کے صوبے کو چھوڑے بغیر باقی ہر اس آبادی پر حملہ کیا جو راہ میں آئی۔ اس طرح مال غنیمت اور قیدی جمع کر کے حمص کے فوجی مرکز میں لائے۔ قیدیوں میں سے ہزارہا نے معافی چاہی۔ انہوں نے جزیہ دینے اور وفاداری کا وعدہ کیا تو ان کو مع ان کے کنبے اور اسباب کے آزاد کر دیا گیا اور اس بات کی بھی ضمانت دی گئی کہ وہ آئندہ مسلمانوں کے حملوں سے محفوظ رہیں گے۔ ان سب باتوں میں کئی مہینے لگ گئے اور موسم گرما یونہی گزر گیا۔ اس عرصے میں حضرت عمر فاروق رضی اللہ عنہ مدینے میں بے چین ہونے لگے۔ فلسطین کے محاذ پر مہم برابر آگے بڑھ رہی تھی مگر شمالی شام میں یعنی حضرت ابوعبیدہ بن الجراح رضی اللہ عنہ کے علاقے میں اس وقت کچھ نہیں ہوتا نظر آرہا تھا۔ بالآخر 635 عیسوی کے موسم خزاں میں حضرت عمر فاروق رضی اللہ عنہ نے حضرت ابوعبیدہ بن الجراح رضی اللہ عنہ کو ایک خط لکھا اور ان کو کنائتاً یاد دلایا 👇