*🔸 ”#تکبیر_مسلسل“ 🔹* *🎯 قربانی ضروری کیوں؟* جس طرح کائنات کی ہر چیز میں ایک صورت ہے اور ایک روح ہے، اسی طرح اعمال شرعیہ میں بھی ایک روح ہے اور جیسے وہاں ہر صورت کی ایک خاص روح ہے جو دوسری صورت میں نہیں آسکتی۔ اسی طرح یہاں ایک روح دوسرے میں نہیں آسکتی۔اب سمجھیے کہ سارے اعمالِ شرعیہ کا مقصود تقویٰ ہے۔ مثلاً نماز سے عاجزی وانکساری کی صورت میں تقویٰ حاصل ہوتا ہے۔ روزے میں تزکیہٴ نفس کی صورت میں۔ جہاد میں شجاعت کی صورت میں، صدقہ میں انفاق مال کی صورت میں اور قربانی سے جاں نثاری کی صورت میں تقویٰ حاصل ہوتا ہے۔ اگر آپ نے قربانی کی بجائے نماز پڑھ لی،تو نماز سے عاجزی اور بندگی کا تقویٰ تو ملا۔ مگر قربانی(کی صورت حاصل ہونے والا تقویٰ) کا تو نہ ملا۔ پس اگر کوئی شخص قربانی نہ کرے اور صدقہ دے دے تو قیامت کے دن اس کو صدقہ کا ثواب ملِ جائے گا، مگر قربانی کا مطالبہ باقی رہے گا۔ اور یہ سوال ہو گا کہ قربانی کیوں نہیں کی؟ *✍️ حضرت مولانا قاری محمد طیب قاسمی رحمۃ اللہ علیہ* _(سابق صدر آل انڈیا مسلم پرسنل لا بورڈ)_ 🎁 پیشکش: *سوشل میڈیا ڈیسک آل انڈیا مسلم پرسنل لا بورڈ*