چیف سیکرٹری خیبر پختونخوا شہاب علی شاہ کا پشاور شہر کا دورہ، شہر میں صفائی صورتحال کا جائزہ لیا چیف سیکرٹری خیبر پختونخوا شہاب علی شاہ نے پشاور شہر کے مختلف علاقوں کا دورہ کیا۔چیف ایگزیکٹو آفیسر ڈبلیو ایس ایس پی یاسر علی خان ان کے ہمراہ تھے۔ چیف سیکرٹری نے یونیورسٹی روڈ، کینال روڈ، اولڈ باڑہ روڈ، کوہاٹی، بیرون یکہ توت، وزیر باغ اور لاہوری سمیت مختلف مقامات پر جاری عیدالاضحیٰ صفائی آپریشن کا جائزہ لیا اور مجموعی کارکردگی پر اطمینان کا اظہار کیا۔ چیف سیکرٹری نے ڈبلیو ایس ایس پی حکام کو ہدایت کی کہ عید کے تینوں دن ہمہ وقت صفائی یقینی بنائی جائے اور آپریشن کی مسلسل نگرانی کرتے ہوئے عملے کو دن رات الرٹ رکھا جائے۔