💜 المريض الواعي 💜 🟩 مريض عنده تليف كبدي فبيروح يعمل أشعة سونار و تحليل دلالات أورام (AFP) كل 6 شهور للكشف المبكر عن اورام الكبد لا قدر الله ...... 🟩 مريض عنده تليف كبدي و تضخم بالطحال و نقص عدد الصفائح الدمويه فبيروح يعمل منظار تشخيصي للكشف المبكر عن دوالي المرئ .... 🟩 مريض عنده دهون علي الكبد فيعمل نظام غذائي و يخسس وزنه و يظبط أكله عشان ميحصلش تليف كبدي ... 🟩 مريض فشل كبدي عنده استسقاء و تورم بالقدمين بيأكل من غير ملح خالص عشان يساعد مدرات البول و ميحتاجش يعمل بزل من البطن .... 🟩 مريض عنده فيروس بي فبيخلي زوجته و أولاده ياخدوا التطعيم عشان يحميهم من انتقال العدوي ... . 🟩 مريض عنده سكر فبيعمل تحليل سكر تراكمي كل 3 شهور و فحص قاع عين و زلال في البول علي الاقل كل سنه ( للاطمئنان علي الشبكيه و الكلي)..... 🟩 مريض ضغط بياخد العلاج بانتظام و يقيس الضغط بصفه منتظمه ولا يعتمد علي وجود الصداع من عدمه للحكم علي معدلات ضغط الدم ..... 🟩 مريض عنده دور برد خفيف بدون أي عوامل خطوره فبيقرر يتحدي كل العادات و التقاليد و مياخدش مضاد حيوي 😄 🟩 مريض سكر (خصوصا النوع الاول) عنده ألم شديد بالبطن و ترجيع فبيروح يكشف و يتأكد انها مش غيبوبة سكر 😥 و مبيقولش شوية برد في المعده ... 🟩 مريض عنده أنيميا بيحاول يبحث عن سببها و يعالجه حتي لو احتاج يعمل منظار مش بياخد حديد و خلاص .... 🟩 مريض سكر ملتزم بكلام الدكتور وبياخد الانسولين 40 وحده الصبح و 20 بالليل (علي سبيل المثال) و مش بيريح دماغه و ياخد ال 60 الصبح و خلاص .... 🟩 مريض مش بيروح من نفسه يعمل تحليل جرثومة المعده بدون أي اعراض و يروح للصيدلي يكتبله العلاج بعد ما يلاقي التحليل ايجابي .... 🟩 مريض عنده امساك مزمن فبيزود كمية السوايل (2-3) لتر يوميا و الالياف ( الخضروات و الفاكهه خصوصا الخس ، الخيار ، ....) قبل اللجوء للملينات ( و ده طبعا بعد الكشف و التأكد ان مفيش سبب عضوي للامساك ) 🟩 مريض عنده ارتجاع مرئ فبيحاول يلتزم بالتعليمات ( وجبات صغيره متعدده ، ممنوع الشطه و التوابل الحاره ، ممنوع النوم بعد الاكل مباشرة ، بلاش الملابس الضيقه لانها بتزود الضغط داخل البطن ، يرفع راس السرير اثناء النوم ، يمنه المنبهات القهوه ، الشاي و النسكافيه) 🟩 مريض عمره أكتر من 50 سنه بياخد ادويه للمعده و مش بيتحسن فبيروح للدكتور يقوله انا مش بتحسن و عايز اعمل منظار تشخيصي .... 🟩 مريض عمره 60 سنه بيشتكي من امساك من فتره و وزنه بيخس و انيميا نقص الحديد فبيروح يعمل منظار قولون و يكتشف ورم بالقولون و يعمل عمليه استئصال للورم في البدايه و يعيش طبيعي بفضل الله( تخيل لو كان صدق الناس اللي بتقوله ده قولون عصبي ؟!!!) 😥 ...منقول .. د محمد الجمال https://www.facebook.com/share/p/1GBngwmKwc/ #مبادرة_أنا_طبيب_أنا_معك 🏨 كل يوم يتم نشر معلومات طبية ✅ قناة واتساب 🔻👇 https://whatsapp.com/channel/0029VaCMnGCFi8xcG9PHNB2y مجتمع 🔻👇 https://chat.whatsapp.com/CiUDDTLrEchK8Qc6bIvp4z لتقديم استشارة طبية ارسل الى الرقم : 773014445 https://wa.me/967773014445 ممكن نشر عندكم ولمجموعاتكم💙