"هر اړخیز معلومات"
May 16, 2025 at 07:31 AM
په حج کي هغه (14) ځایونه چي دعاء پکښي قبلیږي:
ليكنه: مفتي حکيم الله صابر - كندهار.
کله چي حضرت عمر رضي الله عنه و عُمرې ته تلی نو نبي کریم ﷺ ورته وویل چي موږ په دعاء کي مه هېروه.
۱: کله چي د لومړي ځل لپاره و کعبې شریفې ته مخامخ سې دعاء قبلیږي.
۲: کله چي حجر الاسود ته مخامخ ودریږې دعاء قبلیږي.
۳: میزاب رحمت یعني د رحمت د ناوې لاندي چي و دریږی دعاء قبلیږي.
(د رحمت ناوه په حطیم شریف کي ده).
۴: ملتزم شریف چي د کعبې شریفي د دروازې او حجر الاسود تر منځ دی هلته دعاء قبلیږي.
۵: د زمزم د اوبو چيښلو او د زم زم د څاه سره چي و دریږی دعاء قبلیږي.
۶: کله چي د صفا پر غونډۍ باندي و دریږئ دعاء قبلیږي.
۷: کله چي د مروه پر غونډۍ باندي و دریږئ دعاء قبلیږي.
۸: په عرفات کي دعاء قبلیږي.
۹: په مزدلفه شریفه کي د وقوف مزدلفې په وخت کي دعاء قبلیږي.
۱۰: په منی کي کله چي جمرة الصغرا (کوچنی شیطان) وویشتل سي وروسته دعاء قبلیږي.
۱۱: کله چي جمرة الوسطی (میانه شیطان) وویشتل سي دعاء قبلیږي.
۱۲: د مقام ابراهیم سره دعاء قبلیږي.
۱۳: په حطیم شریف کي هم دعاء قبلیږي.
۱۴: د صفاء او مروه په منځ کي چي شنه میلونه او ګروپونه دي او هلته نارینه منډه وهي هلته هم دعاء قبلیږي.
