*# كَفَىْ _ بِنَا _غَفَلَةََ ..《01》* *#بقلم: أسرار جمعة... 💛* *♡♡♡♡ـہہہـ٨ــــہہہـــــ♡♡♡♡ـہہہـ٨ــــہہہـ♡♡♡♡* ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏شهد: أنا ما شايفة شي يا دكتور، ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏الشيت ده فاضي ! "وهي بتبكي" الدكتور: كيف يعني ما شايفة ؟!.. شهد: عديل كدا ما قادرة أشوف شي ! الدكتور جا شاف ورقتها لقى فيها كتابة ! الدكتور: يا بت كدي قولي باسم الله، ما شايفة الخط العريض اللي بالأسود ده ؟!... شهد: لا ماشايفاهُ "و مواصلة بكى" فجأة مسكت راسها جاها صداع شديد. طلعوها من القاعة، و صحباتها طلعوا معاها ما قدروا يمتحنوا والقاعة دي كلهم أتاثروا؛ خاصة أنو شهد دي محبوبة وشاطرة جداً والدكتور قال: بمتحنهم براهم الاء: أنتوا شهد دي مالها ؟! فجأة كدا أتغيرت ! مصطفى: شهد مالها ؟!.. عمار: وشها شاحب عديل وباين أنو تعبانة أبرار : أنحنا زاتنا أحترنا ! انا شهد في تانية جامعة بقرأ طب، وديل أصحابي، بحب الدراسة والتفوق جِداً، والحمد لله مستوايي مُمتاز لكن ... ما عارفة حصل لي شنو فجأة كدا بقيت ما بحبها، وبضايق من أمسك الكِتاب !. بعد فترة حسيت نفسي كويسة شهد: أنا بقيت كويسة ما تقلقوا عليي الاء: كيف يعني ما نقلق، إنتِ ما شفتِ حالتك كانت كيف !... مصطفى: الحمد لله أنك بقيتِ كويسة علي: حمد الله على السلامة شهد: الله يسلمك. أصريت عليهم يمشوا يمتحنوا، وأنا برجع البيت، و بعد تحنيس حتى رضوا. رجعت البيت ... سعاد "أمي" : يا بت ده شنو عيونك ديل واقعات كدا ؟!... أيمن " أبوي" : كدي أقعدي أرتاحي في الكرسي ده، يا سعاد جيبي ليها عصير. أمي جابت لي العصير وبقت تشربني ♡!. شهد: تاني تعبت يا أمي، في الإمتحان ماشفت حاجة في الورقة سعاد: كرررر علي يا بتِ، أنا قلت ليكم دي عين، بقول لي أيمن ده كدا لكن ما عايز يصدقني. إيمن: عين شنو يا مرا كدي أستهدي بالله سعاد: العين حق و البت دي أيام بتتعب، ومن تمسك الشيت بجيها صداع، تفتكر دي حاجة طبيعية ؟!... إيمن: هسه كدي نخليها ترتاح، بعدين نتفاهم في الموضوع ده. دخلت غرفتي نمتَ. عند أمي ... جاتها عرفة "جارتنا" وسالت مني، سعاد: شهد دي تعبت شوية، ونايمة جوا عرفة: البت دي أنا قلت ليكم لبسوها كمون، ماشاء الله شاطرة وسمحة، وطيبة الناس كلها بتحبها، سعاد: كمون شنو بالله ما بحمي ولا شي، دي خرافات وشركيات بالله بس وهي من التمائم، العلاج بكون بالقرآن والتحصين. __________________. غبت ثلاثة أيام من الجامعة. يوم نزلت ... قبل أدخل الجامعة بتاع البوابة سلم عليي وسأل مني ليه كُنت غايبة وكدا. وخالتو الشغالة، والدكاترة حرفياً كُل الجامعة، جات سلمت عليي لمن يديني وجعتني😹. أصلاً أنا دائماً وقت أجي أشاغل ده، وأتونس وأهظر مع ده، وبساعد خالتو وقت أجي بدري والمُحاضرة لسه تكون ف حرفياً أغلبهم بعرفوني. الاء: وأنا أقول الجامعة دي ليه مُضلمة كدا ؟!.. شهد: قصدك مُنورة مش ؟!.. الاء: لالا شهد: ح أعمل نفسي ما سمعت شي علي: الجامعة نورت بيكِ رفعت راسي بي غرور كدا وقلت ليهو أدري أدري. علي: خلاص دايرة تقوم النرجسية بتاعتها شهد: أكسيوزمي ، دي أسمها ثقة بالنفس مصطفى: خلاص قامت للفلسفة أسيل: خلاص أسكتوا خلوني أسلم عليها، وجات حضنتني ... من جيت خاشة القاعة كلهم قاموا سلموا لي وحمدلوا لي السلامة، وقالوا أنو كانت الجامعة مسيخة بدوني شهد: كسروا لي تلج سمح لمن أصدق قالوا لي صدقي دي الحقيقة لمن راسي كِبر. في كافتريا جوا الجامعة عزموني ... شهد: تاني كل مرة أغيب ولا شنو ؟!.. أسيل: بدقك شهد: غايتو الزول الا يبقى عيان؛ عشان تِعزوا كدا الاء: يا زولة ما هو ح نتقسم القروش ونعمل شير، حتى إنتِ ح تدفعي معانا. شهد: يا جماعة أنا عيانة، وبعدين أنتوا عازمني كيف يعني أدفع ؟!.. الاء: يا ختي هدا ذي الحصان نصيحة بلا عيانة معاكِ علي: كدي هسه نطلب أول، بعدين نتفاهم طلبنا وملينا الطاولة دي من كُل ما لذ وطاب. فجأة علي قام قال ماشي وجاي، أسيل تلفونها ضرب قامت ترد، وغمزت لي وأنا والاء قلنا لي مصطفى ماشين نجيب الإسكريم وجايين. وتمت الشردة بنجاح✅. مشينا ليهم برا وبقينا نضحك كُلنا علي لي بتاع الحِساب: شايف الولد القاعد براه في السفرة ديك، يلا الحاجات الطلبتها، الحساب عليهو تمام يا مان ؟!.. بتاع الحِساب: طيب بعد فِترة جانا مُصطفى، و شامي الوضع ... مصطفى: أصبروا تاني اليتفق معاكم منو ؟! شردتوا كمان وخالين لي الحساب وأنحنا بنضحك لا أحساس ولا ضمير وهو يصر ويحمر لينا أسيل: بعد ده وشك بقع الاء: خلي روحك رياضية علي: أفردها يا فردة مصطفى: أنتَ أسكت خالص يا علي عارف دي حركاتك. بقينا نتونس ونحاكي ليهو في منظرو كان كيف لمن ضحك معانا😹. بعده كل زول فات على بيتو، وأنا حارسة السواق يجيني، جات واحدة أسمها بلسم معي في نفس الدفعة، مُلتزمة و مُنتقبة كدا ماشاء الله. بلسم: السلام عليكم ورحمة الله وبركاته شهد: وعليكم السلام ورحمة الله وبركاته بلسم:: هنيئاً لكِ الثلاثون حسنة يا جميلة كيف حالك ؟!.. شهد: بخير الحمد لله وأنتِ كيفك ؟!.. بلسم: تمام الحمد لله، أن شاء الله بقيتِ كويسة ؟!.. وتاني ما تعبتِ، شهد: لالا الحمد لله في عافية بلسم: الحمد لله كُنت عايزة أتكلم معاكِ في موضوع ... شهد: أتفضلي بلسم: ح أسألك شوية أسئلة تمام وجاوبيني شهد: تمام بلسم: إنتِ من زمان بتتعبي كدا ؟!.. شهد: لالا خالص، قريب بقيت كدا بلسم: و بالضبط متين كدا بتتعبي ؟!.. شهد: كُل ما أكون عايزة أقرأ بصدع شديد وبعد مرات بحس نفسي شايفة طشاش طشاش. بلسم: طيب ولمن تكوني ما بتقري هل بجيكِ نفس الصداع ده ؟!.. شهد: صراحة لا بلسم: شكلو توقعي في محلو شهد "بأستغراب" : في شنو ؟!.. بلسم: عايني أنا حاسة أنو إنتِ مُصابة بي عين أو عاملين ليكِ عمل والله أعلم شهد: لالا ما أظن ياخ يكون أرهاق بس وبعدين منو بيعمل لي عمل، وحاجة تضرني، يعني أنا ما عندي أعداء، ومشاكل مع شخص. بلسم: يا حِلوة ما تثقي في زول ثقة عمياء، أتوقعي أي حاجة من أي شخص، يعني عادي صحبتك روح بالروح تضرك ! والله المُستعان المهم أبقى عشرة على نفسك وأتحصني كويس، والآذى عادي بجي من شخص قريب، وشخص بتكوني واثقة فيهو جداً، ف لمن تعرفي أنو هو آذاكِ وإنتِ واثقة فيهو شديد وما متوقعة حاجة ذي دي منه... بتنصدمي والصدمة بتكون قوية وبعيدها ليكِ ما تثقي في زول ثقة عمياء، وأعملي حسابك أنا ما عايزة أخوفك أو كدا بس ... عايزة أنبهك ؛ عشان عايزاكِ تفتحي عيونك كويس شهد: طيب بأذن الله بلسم: عندي رقية عايزة أرسلها ليكِ دائماً أسمعيها، وحافظي على سورة البقرة، والتحصين وخاصة أذكار الصباح والمساء من التلفون في تطبيقات كتيرة للأذكار منها ... "أذكاري، حصن المُسلم، أنيس المُسلم، أنا مُسلم، علمني رسول الله " شهد: حاضر بلسم: لو ممكن رقمك بتاع الواتس أرسل ليكِ الرقية هناك شهد: سجلي عندك 09 ........ بلسم: يلا بعدين ح أنور ليكِ الواتس نوري ما يجهرك بس شهد: عجبتني الثقة لالا ما تخافي بلبس نظارات؛ عشان النور ما يآذي عيوني بلسم: أيوا شاطرة😹 يلا مع السلامة شهد: الله يسلمك. *اللهم دروب خضرَاء يسقِيها ودّك ،* *و خُطى مُسددّه بعونك ،* *و حيَاه هانِئه يحفُهَا رضاك.* *#حوقلوا💛🌻.* _♡___. *#ملاحظة* *ده رابط قناتي على التليجرام خاصة بِجميع رواياتي⤵️💛:* https://t.me/asrarsr البارت ده لو لقيتو في الواتساب أو الفيس وحابي تدخل القناة بتاعت التليجرام دي الا تنسخ الرابط بتاع القناة وترسله لي نفسك او أي شخص في التليجرام حتى يفتح ليك الرابط وتقدر تدخل من هناك. بتمنى تكونوا فهمتوني😹♡ يلا نوروا القناة، وقولوا : باسم الله وأدخلوا بي رجلكم اليمين😹♡ *تنوروا جِداً💛🌻.* .*★★★★★يتبــــــــــــــــــــــــــــــــــــــــــــع★★★★★*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌