*# كَفَىْ _ بِنَا _غَفَلَةََ ..《10》* *#بقلم _أسرار جمعة... 💛* *♡♡♡♡ـہہہـ٨ــــہہہـــــ♡♡♡♡ـہہہـ٨ــــہہہـ♡♡♡♡* ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏بعد شهر ... حِلمت بي ألاء ! وكانت في حِتة خضراء ، ومكان جميل جِداً ، قالت لي : يا شهد صدقاتك طلعتني من العذاب الكُنت فيهو . صحيت مخلوعة بقيت أبكي وأقول : الحمد لله، الحمد لله . ما قدرت أصبر للصباح ضربت لي خالتو فاطمة ؛ عشان أطمنها في جرس لكن ... ماف رد عاينت للساعة ، لقيتها 1 صباحاً !. قُلت : بتكون نايمة ، خلاص الأفضل الصباح بمشي ليها . الصباح ... بدري قُمتَ أتجهزت و طلعتَ طوالي ، وصلت ... دخلت البيت ضربت الباب ... فتحت لي أخُت خالتو فاطمة ، سلمت عليها ، دخلت الغرفة شكلها قالت ليها : عندك ضيفة جاتني، حضنتني سبحان الله دائماً سلامها معي كِدا ، وبتريدني شديد♡!. ضيفوني ... وبقيت أتونس معاهم بعدين قُلت لي خالتو فاطمة عندي ليكِ خبر سمح أختها إستاذنت ، وخلتنا برانا ، شهد: أنا من وفاة ألاء ، قاعدة أعمل ليها صدقات ، وأكتر شي بركز في الصدقات الجارية ، وفي اليوم بطلع كذا صدقة ، وكأن عملت ليها 2 كولر بتاع موية ، المهم ... أمبارح جاتني ألاء في المنام يا خالتو ، وكانت في حِتة خضراء ، والمكان جميل جِداً ، قالت لي: يا شهد صدقاتك طلعتني من العذاب الكُنت فيهو . « تصدقوا لموتاكم ولو "بمئة جنيه" ، لاتدري ماذا يحدث لهم تحت التراب، قد يكونوا مُحتاجين لها جداً ». خالتو فاطمة بقت تبكي ، وتحمد ربنا ، وسجدت سجدة شُكر ، بعدين حضنتني وقالت لي : ما عارفة أشكرك كيف يا بتي نعمة الصُحبة والله أنا أمها ما عملت ليها حاجة ذي دي ، ولا فكرت أعمل ليها ، شهد: في أم بتشكر بتها ؟!.. العفو ما عملت حاجة يا خالتو فاطمة: ربنا يحفظك ، تتعلي ما تتدلي يارب شهد: أمين ويحفظك يارب ، أمبارح كان ضربت ليكِ بليل لكن ... ماف رد ، معليش لو أزعجتك لكن ... ما قدرت أصبر ، وقُلت : الا أبشرك فاطمة: لالا ماف أزعاج ، تضربي لي في كُل وقت حبابك ، بس كُنت نايمة ، والصباح شُفت المُكالمة لكن ... ما كان عندي رصيد أرجع ليكِ. شهد: أيوا ، يلا بعد ده أنا برجع البيت . أصرت عليَّ الا أفطر !... قعدت فطرت معاهم بعدين طلعت ... ___. وصلت البيت ... لقيت أمي وأبوي موجودين ... كُنت فترانة فتر ! رفعت نقابي و جبت موية وقاعدة أشرب . قعدت معاهم ... أبوي قال : ماشي السوبر ماركت ؛ عشان يجيب أحتياجات البيت وجاي ، أصلاً السوبر ماركت قريب من البيت ، طلع وخلانا أنا وأمي . بعد فترة ... فجأة أمي جات نزلت لي النقاب ! اتحيرت ليه عملت كِدا ! فجأة سمعت صوت ود خالتي أتاري هي ؛ عشان قاعدة قصاد الباب شافته وقت دخل ! كِرهت حركتو ، بايخة جِداً ! كيف يعني يدخل كِدا بدون أستئذان ؟!.. داخل زريبة هو ؟!.. زعِلت زعل . هسه هو يرضى ولد يدخل بيتهم كِدا و البيت فيهو نسوان ؟!.. أكيد لا طيب ليه داخل في بيت الناس ساي كِدا ؟!.. حتى لو بيت خالتو الحق يستأذن . « بالجد الحركة دي بايخة شديد وين أخلاق الأسلام ؟!.. رسولنا الكريم مُش علمنا أنو لمن نمشي لي شخص نضرب الباب ثلاث مرات ، ولمن يقولوا ليك أتفضل و يفتحوا ليكِ الباب حتى تدخل ، ولو في الثلاثة ماف رد ترجع طوالي ، يمكن البنات ما لابسين كويس ، المسافة دي يمشوا ينستروا ، بي دخلتك البدون أستئذان دي بتخليهم يتجاروا ويتبشتنوا يعني الواحدة بتكون في بيتهم وقاعدة في الحوش ما مرتاحة وخايفة أنو واحد فجأة يجي داخل ! أختك الفي البيت الحق تستأذن منها قبل تدخل غرفتها ، لازم نرجع لي القرآن و السنة؛ عشان نمشي صح ». أنا بي تحت النقاب صارة لمن ... حسيت شوية و وشي ح يقع ، دخل الصالون دخلت غرفتي ... فجأة أتزكرت حركة أمي وقت نزلت لي النقاب قُلت : ياربي تكون رضت ؟!.. المساء كِدا وقت قاعدين نشرب في الشاي بتاع المغرب ، قلت لي أمي : إنتِ رضيتِ عني في موضوع النقاب ؟!.. سعاد: أي ، وأعفي لي يا بتي كُنت جاهلة ربنا نور بصيرتي ، كيف يعني أمنعك من حاجة ذي دي ؟!.. الستر سمح ، وأنا ما كان عندي مشكلة في النقاب زاتو ، بس ... كُنت خايفة من موضوع الزواج ، وأنو ما يجيكِ عريس ، ونسيت أنو ... ربنا هو الرزاق !. ربنا يغفر لي بس واللي غير نظرتي ... أمبارح كُنا عاملين لمة ، وقاعدين نتونس ، وحكيت ليهم أنو منعتك من النقاب ، وكان في واحدة بتبقى لي عرفة مُلتزمة كِدا أدتنا مُحاضرة ، وأتكلمت لينا عن الموضوع ده . وقالت : أنو الكلام ده خلاف العقيدة ؛ لانو هو مكتوب أنو ح تتزوجي منو ... ومتين ... و اي حاجة مكتوبة ، ولمن أعينك في الطاعة ح تكوني في ميزان حسناتي والنقاب سبب أنو ... يجيب ليكِ الشخص الصالح وحكت لينا قصة أنو ... في شخص كان بِعاند لي بتو أنو ما تلبس النقاب و يضربها ، بعد فترة مات ... شافتو في المنام انو قاعد يحنسها وفضل يبوس يدها بس ؛ عشان تسامحو جاي وهو مخلوع وندمان أنو هو ظلمها و طردها وضربها ؛ عشان إنتقبت ! قاعد يحنسها فيها ؛ عشان يُرفع عنهُ العذاب ، بي سبب أنو ... منعها مِن طاعةِ الله ، ووقف قدامها بي سبب ده ، وندمان شديد !. وقالت : لمن أنا أقول ليكِ لا ... كأنو كِدا قُلت ليكِ: ما تطيعي ربنا . و النقاب ح يكون سِتر لي و ليكِ و بتكوني صدقة جارية لي ، وقالت : حُكم النقاب على الراجح فريضة . والدليل: لمن أية الحِجاب نزلت كُل نساء الأنصار وأمهات المؤمنين أختمرن ، وغطوا وشوشهم في وقتها . وأدتنا أدلة كتيرة ... و بعد المُحاضرة دي طوالي مشيت جبت ليكِ نقابات بي نفسي ، وهسه قاعدين في دولابك شهد: سبحان مُغير الأحوال عافية ليكِ يا غلاي والحمد لله أنو رضيتِ ربنا أستجاب لي دعواتي في القيام وبُكايَّ ، الحمد لله الحمد لله😭♡ « القيام والدعاء بصنعوا المُعحزات ♡». جبت النقابات ، وبقيت أجربهم وأريهم ليها ... قالت لي : حِلوين عليكِ يا الدُرة المصونة ♡!. ‏ *‏" فإني قريب أجيب دعوة الداع إذا دعان "* *لا أدري أيهما أكثر دفئاً وطمأنينة، لفظ "قريب" أم "أجيب" ؟!* *وفي كليهما الخير كله♡!...* *#أدعوا ربكم بيقين.* *#أطمئنوا سيستجيب.* *#سبحوا💛🌻.* .*★★★★★يتبــــــــــــــــــــــــــــــــــــــــــــع★★★★★*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏