*# كَفَىٰ_بِنا_غَفَلَةً ..《03》* *#بقلم _أسرار جمعة... 💛* *♡♡♡♡ـہہہـ٨ــــہہہـــــ♡♡♡♡ـہہہـ٨ــــہہہـ♡♡♡♡* ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏تاني يوم ... صحيت الصباح بديت آقرا في سورة البقرة ... حسيت رجلي اليمين نملت وما قادرة اواصل . فتحت الرقية بقيت أسمعها ... تعبت شديد وحسيت بتعب، خمول ، كسل وجسمي سخن شديد وفي نهايتها حسيت اطرافي بردت نمت ... لمن صحيت مشيت المركز ... ضربت الباب فتحت لي بت، سلمت لي بي بشاشة كِدا، سالتها من بلسم دخلت وفاتت هي تناديها لي ... جاتني سلمت لي بي الأحضان وقالت لي: نورتينا ♡ سجلت أسمي عندهم وقلت: خلاص ببدا معاهم من الليلة. بعد فترة ... دخلنا الحلقة وطلعت الشيخة بلسم ! سبحان الله ♡. هم أصلاً فايتني وبلسم قصدي شيخة بلسم أحتراماً ليها " يا جماعة حتى لو صحبتك هي شيختك لازم تناديها بي شيخة ما بي أسمها معلم القرآن لازم يُحترم؛ لانو دي ما حاجة هينة أنو حافظ كتاب الله، حتى لو هي قالت ليكِ: ناديني بي أسمي " قالت لي : بديكِ الفات، اصلاً ما كتير شديد. بدينا الحلقة ... كانت حِلوة الحلقة أنتهت ... بعده البنات كلهم جوا أتعرفوا علي وأتونسنا مع بعض كأنوا بنعرف بعض من سنين !... _______________________________________________________________________________________________. بعد مرور شهرين ... أختمرت وهسه مُفكرة إنتقب، وخليت البناطلين والأغاني والمُصافحة، وبقيت أحاول أحسن من أخلاقي ؛ لانو حُسن الخُلق أثقل مافي الميزان و ده بعد أدونا مُخاضرات دينية كتيرة الحمد لله هذا من فضل الله ثم شيختي بلسم و بنات المركز ♡ مواصلة في الرقية وحاسة بي تحسن الحمد لله، خليت العلاقات المُحرمة، وقطعت علاقتي مع جميع الأولاد و ناس عمار، ربنا يغفر لي حرفياً القرآن هذبني، وغيرتي شديد، وبقيت عندي حياء «الحَيَاءُ شُعبةٌ من شُعبِ الإيمان♡».. في الجامعة ... قاعدة تحت شجرة كِدا جات الأء وهي لابسة بنطلون ضيق جداً البلوزة قصيرة مع الكمر وعاملة فل ميكب وريحتها سابقاها الأء: هاي شهد: وعليكم السلام ورحمة الله وبركاته الاء: كيفك شيخة شهد شهد: بخير الحمد لله، ومليون مرة قلت ليكِ ما تقولي لي شيخة الاء: معليش ياشيخة شهد: أستغفر الله العظيم كدي إنتِ مالك الليلة باين انو ... زعلانة كِدا وصارة وشك الاء: أسكتِ يس الليلة أتشاكلت مع واحد شهد: ليه شنو ؟!.. الاء: أصبري كدي النحكي ليكِ من البداية ... الليلة طلعت من البيت ركبت المواصلات حسيت الناس دي كُلها قاعدة تعاين لي المهم ما أشتغلت بيهم ... بقيت شغالة بي تلفوني وكُل ما أرفع راسي بلقى ولد قاعد يعاين لي يلا وصلت قريب للجامعة جنب المول نزلت ؛ عشان ماشة أشتري من السوبر ماركت لقيت الولد الكان قاعد يعاين لي نزل معي قلت: أحتمال محطته هنا أنا ماشة وهو ماشي معي في نفس الشارع أخر حاجة بقى يشاغلني و قال لي: إنتِ حِلوة وريحتك حِلوة فتنتني بقيت أتشاكل معاهو ولميت الشارع لمن شاف الناس بقت تعاين لينا طوالي أختفى شهد: لا حول ولا قوة إلا بالله العلي العظيم يا الاء يا جميلة مُش قُلنا: بنطلون وميكب وعطر لا ديل كُلهم حرام أول حاجة البنطلون تشبه بالرجال حتى لو واسع سؤال ما يجوز للمرأة لبسه الميكب لايجوز شخص يشوفو غير المحارم والعطر أذا اتريحتِ وطلعتِ برا والرجال شموا الريحة بتعتبري زانية معقولة بي سبب قطعة قُماش ورشة عطر عايزة تخسري الجنة ؟!! في البيت أستحمي بي العطر عديل لكن ... لمن تكوني طالعة ما تعملي ولا رشة وتقولي: ما ح تظهر، صح أنتِ يمكن تكوني ما شامة لكن ... غيرك بشم العطر وريحته بتكون قوية جِداً وأعملي الميكب في البيت برضو والبسي بنطلون بي طونكة وأتظبطي تمام لكن ... أول من تطلعي الشارع ألتزمي بي حِجابك ونقابك وأحتشامك وغير أنو الحاجات دي بتعرضك للمشاغلات ما بتعمل شي ف حافظي على نفسك ؛ لأنك غالية الاء : هم ما يغضوا بصرهم مُش ربنا أمرهم بـِ كدا ؟!.. شهد: أيوا ربنا ذي ما أمرهم بي غض البصر، أمرك بالحِجاب وغض البصر ما كُلهم ح يغضوا بصرهم أكيد ف أنتِ تعملي اللي أمرك بيهو ربنا ؛ عشان رضا ربك ثم عشان تساعدي أخوكِ المُسلم لغض البصر والمواقف بتاع الولد ده خليه يبقى ليكِ درس الاء: أها بدينا مُحاضرات شهد: ما عارفة أقول ليكِ تاني شنو ربنا يهديكِ بس الاء: ربنا يهديك أنت ليه شايفاني شنو لمن تقولي لي الله يهديكِ ؟!.. «يقول أبن باز : لا تتضايق اذا قيل لك الله يهديك؛ لأنك بحاجة الي الهداية و لو كنت اتقى الناس ،و لو انت اعلم الناس، انت بحاجة الي الهداية حتي تموت». وأنتِ عاملة لي فوقك ولا الشيخة ديك و واقعة فينا نصائح وتقولي لي أنا الله يهديكِ؟!.. ليه شايفني مجنونة ؟!.. ولا قايلاني ضالة ؟!.. ولا أنتِ الخطيرة ديك نجي نتونس ونتكلم في واحدة تقولي لينا : ما تغتابوا وخلوا الناس في حالها ياخ خلينا كمان أنحنا في حالنا كرهتنا الونسة والكلام معاكِ زاتو وقامت ... أنا بقيت مخلوعة، وبقيت أبكي. بعد فترة ... شيخة بلسم جاتني حكيت ليها الحصل جابت لي موية غسلت وشي وشربت عند ألاء ... لقت أبرار حكت ليها أتفقوا الأتنين تاني ما يتكلموا مع شهد. ؛ لانو قالوا أتغيرت وبقت ما شهد الزمان اللي هم بعرفوها. نهاية اليوم ... رجعت البيت كُنت مصدعة ف نمت. _______________________________________________________________________________________________. . تاني يوم ... ما كان عندي جامعة مشيت المركز ... أصلاً انحنا بناخد السورة بي التفسير والتجويد وكُل حاجة المهم كُنا في الحلقة في سورة البقرة فجاة !... أنا أستحضرت !. بلسان بلسم ... كُنت قاعدة أقري في البنات وحاسة شهد دي ما طبيعية فجأة ... بقت تقول : يا بلسم أنا بكرهك شي تقولي لي: أقري سورة البقرة، شي أقري ألاذكار، ومرة أسمعي الرقية، كرهتينا زاتوو طوالي عرفتها قاعدة تستحضر والقاعد يتكلم ده شوشو "الشيطان😹" البنات كانوا خايفين ؛ لانو أول مرة يشوفوا حاجة ذي دي واصلت في القراية وبقيت أتكلم معاهو عديل سالتو من مكان السحر ومنو عملو كِدا وراني المكان وقال: العملت كِدا صحبتها أسمها آلاء ! عندي صحبتي قالت لي: يمكن كذاب وعايز يعمل فِتنة. المهم واصلت ... قلت ليهو: أطلع منها قال لي: ماطالع واصلت قراية وهو شغال لي خلاص خلاص قلت ليهو: أها بتطلع ؟!.. قال لي : أي طالع طالع لكن ... بشرط أنو أدخل فيكِ أنتِ ! فكرت كِدا ... وقلت ليهو: موافقة بعد فترة ... شهد بقت كويسة وسمعتو قاعد يبكى قلتو ليهو: مالك ؟!.. قال لي: ما بقدر أدخل فيكِ وما في جني بقدر يدخل فيكِ قلت ليهو: ليه ؟!.. قال لي: ؛ لأنك قلتِ «لا إله إلا الله وحده لا شريك له الملك وله الحمد وهو على كل شيء قدير » 100 مرة بعد صلاة الفجر !. " تاج الذكر ♡ " شهد داخت ونامت ... لمن صحت ... حكينا ليها كُل الحصل بقت تبكي وقالت لي: مُستحيل آلاء تعمل كِدا يمكن عايز يفتن بينا بس لكن ... آلاء ما بتعمل كِدا بلسم: أنا ما عايزة أسئي الظن لكن ... ما عارفة آلاء صحبتك دي بحس بيها بتعاين ليكِ نظرات كِدا ما حِلوة وبحس عيونها فيها حقد وحسد ليكِ والله اعلم. مشيت البيت ... وحاسة راسي ح يطق من التفكير والصداع. تاني يوم ... مشيت الجامعة حضرت المُحاضرات، كان فضل مُحاضرة واحدة ونطلع، طلعت أنا وشيختي بلسم، مشينا الكافتريا ... قعدت لي في طاولة كِدا سامعين بنات وراي يتكلموا وذي صوت آلاء وأبرار عاينت وراء فعلاً لقيتهم هم لكن ... ما شايفني ما أشتغلت بيهم لكن ... سمعت ألاء و أبداً ما كان قصدي أسمعهم قالت لي أبرار: الشيخ الوريتيني ليهو ده ما بعرف يشتغل ياخ، و شهد دي لسه قاعدة تجي الجامعة ! أبرار: ده انا ورتني ليهو صحبتي لكن ... هسه بضرب ليها تورينا واحد ألاء: أي ياخ أبرار ضربت لي صحبتها وأدتها رقم واحد تاني، أدت الرقم لي ألاء وقالت ليها: ده واحد قالت شاطر ومن أول مرة بجهجهها ليكِ آلاء: أيوا كِدا ظابط. أنا كُنت مصدومة، وقاعدة أرجف وبلسم قاعدة تحاول تهديني فجأة !... قمت مشيت ليهم شهد: ليه تعملوا فيني كدا أنا أذيتكم في شنو ؟!.. "وهي بتبكي" الأنين أتخلعوا آلاء: ش ش ش شهد ؟!.. شهد: أي شهد الأذيتيها ألاء: يا بت بتتكلمي عن شنو ؟! و أذى شنو ؟!.. شهد: ما تتغابي أنا سمعت كلامكم تعملي لي عمل يا آلاء أنا أذيتك في شنو ؟! معتبراكِ ذي أختي وأكتر آلاء"بي توتر" : يا بت هي ما تتخرفني فيني عمل شنو كمان ؟!.. شهد: ما تحاولي تنكري. بعد جرجرة حتى أعترفت، أعترفت أنو هي حاسداني💔. آلاء: أي يا زولة أنا عملتو ليكِ، مشيت لي الشيخ عملو ليكِ لكن ... أول مرة ما عمل لي نفس اللي أنا عايزاه تاني مشيت ... لكن ... طلب مبلغ كبير وأنا ما عندي، ف أضطريت أسرق دهب أمي وأبيعه ومشيت لي الشيخ وهو عملو لي تاني والدور ده كان ؛ عشان ما تشوفي السعادة وتكوني دائماً حزينة، عملتو لاني كُنت بكرهك ؛ لأنك محبوبة و حِلوة والناس دي كُلها بتحبك في البداية كُنت بغار منك لمن الغيرة اتحولت لي حسد وحقد وكراهية شهد: إنتِ عارفة أوجاعي ؟!.. عارفة الحاجات اللي أنا فاقدتها ؟!.. بس ... ؛ عشان إنتِ شايفة اني حِلوة تعملي كِدا ! ما قاعدين تشوفوا لمن أنا بنوم وأنا حزينة ودموعي في خدي ما بتشوفوا وقت أنا مكسورة بس ... بتشوفوا لمن سعيدة وتحسدوني على السعادة دي هل انا عاينت للحاجات العندك ليها وأنا ما عندي ليها وحسدتك ؟!.. ليه ما بتعايني لي النعم العندك ليها وأنا ما عندي ليها وتحمدي ربنا عليها بدل الحقد ده، أبرار دي ما عندي ليها كلام ؛ لانو علاقتي معاها ما قوية زيك لكن ... يا ألاء أنا كُنت يعتبرك أكتر من أخت أحتمال بحبك أكتر من نفسي عديل تجي تعملي لي كِدا ؟! ليه بس؟! ليه الحقد ده ؟! آلاء"وهي بتبكي" : أعفي لي يا شهد الشيطان غشاني أعفي لي شهد: هه أعفي ليكِ ؟! بي كُل عين قوية بتقولي أعفي ليكِ ؟! بلسم قومتني منهم وخليناهم قاعدين يبكوا ... أنا أبيت أبكي تاني رغم أني موجوعة وحاسة بي غصة لكن ... أبيت أنزلت تاني ولا دمعة، يمكن دي الصدمة. زمن المحاضرة جا قلت لي بلسم الا ندخل، دخلنا ... المحاضرة أنتهت ... طلعنا سوا ؛ عشان ماشين المركز وكل مرة تسالني إنتِ كيف ؟! بقول ليها كويسة وصلنا ... بعد مسافة أخدنا الحلقة والبنات طلعوا بقينا أنا وشيختي بلسم قاعدين كُنت سرحانة ... بلسم: شهد سرحانة وين ؟! من قبيل قاعدة أتكلم معاكِ بالجد أنتِ كويسة ؟! شهد: .......................... *‏"كُفَّ عَيْنَيْكَ* *عَنْ رِزْقِ غَيْرِكَ* *تُرْزَقْ"* *#حولقوا 💛🌻.* .*★★★★★يتبــــــــــــــــــــــــــــــــــــــــــــع★★★★★*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏