*#لا لِلعُنصُريةْ _ لا لِلتنمُرْ ..《05》* *#بقلم _أسرار جمعة... 💛* *♡♡♡♡ـہہہـ٨ــــہہہـــــ♡♡♡♡ـہہہـ٨ــــہہہـ♡♡♡♡* ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏اليوم التالي ... بعد طلعنا مِن الجامعة قُلتَ لي لُدن تمشي معي البوتيك ماشة أشتري شوية حاجات قالت : ما عندها مُشكلة . طلعنا من الجامعة طوالي مشينا بِي عربيتها . .. وصلنا البوتيك ودخلنا لقينا بت... روان ولُدن: السلام عليكم . البت: وعليكم السلام ورحمة الله وبركاته . روان: عندكم أبرة أو حِبوب تفتيح ؟! البت: لالا خلصوا . روان: طيب صابونة ؟! البت: للأسف برضو أنتهت . روان: خلاص في كريم للتفتيح أسمو "......." موجود ؟! البت: أي في ثواني بس أجيبوا من المخزن جوا.. بعد فاتت.. لُدن قالت لي : عايزة تشتري الكريم ده لي منو ؟! قُلت ليها : بفهمك بعد شوية عاينت لي وسكتت . بعد شوية البت جات ... البت: السعر "........" . روان: ما قايلة ده سعرو ! هسه ما جايبة القروش تامة لـٰكِن.. خليه بجي بشيلو بُكرة . البت: طيب ما عندك مُشكلة . طلعنا ... مِن وصلنا جنب الباب كِدا لُدن قالت لي : أحكي . قُلت ليها : على الأقل خلينا نصل العربية . لمن وصلنا قالت لي : أها وصلنا العربية . أخدت نفس وطلعتو حتى.. قُلت ليها : أشتريت الكريم لي نفسي ؛ عشان عايزة أفتح لوني ويبقى أبيض ؛ عشان أتخلص مِن التنمر عشان أتخلص مِن العُنصرية ؛ عشان الناس تاني ما يتكلموا فيني ويعايروني بي لوني ؛ عشان أتخلص من الكلام البقولوا لي أمي.. أنو أنا ما بتها ؛ لانو ما بشبهها ولا بشبه أخواني ؛ لانو هُم لونهم فاتح وأنا غامق . عرفتِ لي أنا عايزة أعمل كِدا ؟! لُدن طوالي هاجت فيني.. َلُدن: أنا مصدومة فيكِ ياروان ! معقولة عايزة تعملي كريم ، وتفتحي لونك ؛ عشان الناس و رضاهم ! طيب ربنا و رضاهو ؟! يعني عشان الناس مُستعدة تخسري رضا ربنا ؟! وبعدين أمك ما طابعة ؛ عشان تطلعوا كُلكم تتشابهوا عادي بعد مرات فِي واحد بِطلع مُختلف وإنتِ لو عملتِ شنو شنو ما ح تقدري ترضي الناس !.. كان طويلة بقولوا : دي مالها طويلة كِدا عاملة ذي.. عمود الكهرباء . كان قصيرة بقولوا : دي مالها قصيرة كِدا عاملة ذي.. فتيل الريحة !. كان عِندك قروش بقولوا : مُفترية . و كان ما عِندك بقولوا : مُفلسة وجعانة ساي !. كان سمينة بقولوا : بقرة و جنها أكل . و كان ضعيفة بقولوا : ما عندها حيل ميتانة وجعانة !. يعني الناس حـ تتكلم فيكِ فِي كُل الحالات ! و مهما عملتِ الناس ما حـ يريحوكِ . الشيطان قال لي ربنا : *"ولآمُرنهُم فَلَيُغيرنَّ خلقَ اللهِ"* و الكريم فيهو تغيير لِخلق الله ! يعني ده فخ وكيد مِن الشيطان عايز يوقعك فيهو ؛ عشان تعصي ربنا . وأنتِ عارفة أنو تبييض البشرة بأستخدام إبرة أو حبوب التبييض لا يجوز.. إذا كان ذلك بغرض زيادة الحسن ؛ لأنو يعتبر تغييراً لخلق الله . قال رسول الله ﷺ : *" لعن اللهُ الواشماتِ والمستوشِماتِ، والمتنمِّصاتِ والمتفلِّجاتِ لِلْحُسْنِ، المغَيِّراتِ خَلْقَ اللهِ، ما لي لا ألعنُ مَن لعنه رسولُ اللهِ ﷺ"* ركزي فِي " لعن الله " ، و فِي " المغيرات خلق الله " يعني.. مِن الذين عليهم لعنة الله.. المغيرات خلق الله و اللعن: هو الطرد مِن رحمة الله . عايزة تنطردي مِن رحمة ربنا بسبب كلام الناس ؟! عارفة أنو ربنا عندو مئة رحمة ! واحدة عايشين بيها هسه فِي الدنيا والـ تسعة وتسعين لي يوم القيامة . يعني أتخيلي الرحمة الـ فِي الدنيا دي كُلها رحمة واحدة بس !! يعني عايزة تطلعي مِن المئة رحمة دي ؟! رحمة ربنا الواسعة البتشمل الكافر ، ، المسلم، المؤمن، الحيوانات وكُل مافي الكون مِن مخلوقات عايزة تنطردي مِنها و ما يكون ليكِ نصيب منها ؟! ليه بس ؟! وعشان شنو ؟! أنحنا في الدُنيا دي لولا رحمة الله لهُلِكنا ! وما كُنا حـ نقدر نعيش و نِتعامل مع بعض زاتو . و ده دليل أنك ما واثقة مِن نفسك ؛ عشان كِدا عايزة تفتحي لونك و بي حركتك دي كأنك مُا مُقتنعة بِي خلقة زينا والعياذ الله ! ما تشتغلي بالناس وما تخليهم ينسوكِ مراقبة ربنا ليكِ ، خلي همك في الدنيا دي رضا الله بس . وهسه لمن كُنتِ عايزة تشتريه.. شفتِ سعرو كيف ؟! لي درجة قروشك ما كفتْ ! يعني أبوكِ يتعب ويشقى وإنتِ عايزة تخسري القروش فِي حاجات ذي دي ؟! وغير بتضرك ما بتعمل شي . إنتِ عارفة أضرار المصائب دي شنو ؟! كدي نوريكِ.. _ مِن أضرار كريمات التفتيح : ١- تحتوي على المواد والمركبات الكيميائية، منها مركب الكورتيزون الذي يسبب أضرارًا بالغة لِلجسم ، مِثل : أمراض الكلى والفشل الكبدي . ٢- تسبب أمراض خطيرة و أضرار جسمية ، و تزيد مِن خطر الإصابة بِعدد كبير مِن الأمراض الجلدية المُزمنة مِثل : مرض البهاق . ٣- تسبب هيجان وألتهاب الجِلد . ٤- تؤدي إلى تغيُر لون الجسم والأحمرار . عايزة تجيبي لي نفسك أمراض ذي دي عليك الله ! هسه أنا أكون قاعدة نصيحة كِدا أقوم أمشي أجيب لي نفسي أمراض ! في ناس بتتمنى بشرتك ولونك ده أقرب مثال.. الشخص البكون عِندو برص "نسال الله السلامة و الشفاء العاجل لِكُلِ مريض" بكون مُتمني أنو بشرتو تكون طبيعية ذي حقتك دي . وبعدين إنتِ ضمنك شنو أنو لمِِن تأخدي الأبرة أمورك حـ تكون باسطة ؟! أتخيلي معي أثناء ما قاعدين يدوكِ ليها دخل عليكِ ملك الموت وأخد روحك ومُتِ ، كِدا تبقى ليكِ سؤء خاتمة والعياذ بالله حـ تقابلي ربنا كيف ؟! و بـِ يأتو وش ؟! لو سألك مِن السبب.. تقولي ليهو : ؛ عشان الناس ؟! ياخ حريقة فِي الناس وكلامهم ، يمشوا فِي ستين داهية و حسبي الله في أيَّ شخص يوصل أنسان لِلحالة دي ، ويخليهو يفقد الثقة فِي نفسو ، و يلجأ لي حاجات بتأذي نفسو ! حسبي الله ، حسبي الله " وبقت تبكي بِحرقة " . طول كلامها معي أنا قاعدة أبكي ، وما وقفت بكى ، وكلامها حسيتُ بقع عليَّ ذي السهم . و صحاني مِن الـ أنا كُنتَ فيهو و خلاني أتقبل نفسي ؛ لانو عِرفت أنو فِي ناس كُتار بِتتمنى أنو.. تكون فِِي مكاني . و ياداب حسيت بِي حجم المُصيبة الكُنتَ حـ أقع فيها !. هدت شوية و قالت لي : هسه عايزاكِ توعديني أنو.. لا بُكرة ولا بعدو ما تجي تشتريهو ، و ما تفكري ذاتو أنو تعملي كِدا . قُلت ليها : وعد . قالت لي : يا روان لِلمرة العُشرومية أقول ليكِ فيها.. إنك حِلوة ذي ما أنتِ ، أتجملي وأتدلعي أيوة بس.. بما يرضي الله، سمح يا بتي ؟! قُلت ليها : سمح يا أمي . قشينا دموعنا وبقينا نضحك . لُدن: أنتِ ما مُحتاجة تفتحي لونك شايفة ماسكات بس بِتظبطك ، هسه سايقاكِ كم مشوار كِدا . روان: وين سايقاني ؟! لُدن: إنتِ مالك بس . روان: ما ماشة زاتو . لُدن: وهو إنتِ قايلة على كيفك ؟! على فكرة أنا ما قاعدة أشاورك و دورت العربية ... وقفت جنب صيدلية أسمها " صيدلية د. وفاء أحمد " وقالت لي : أنزلي . روان: ليه جينا الصيدلية ؟! لُدن: ما بوريكِ يا زولة مُش قبيل وقت سالتك أبيتِ توريني الا بعد طلعنا يلا خلي الشمار يحرقك . روان: الليلة ما حـ أنزل الا توريني . لُدن: يا بت سيبي العباطة وبعدين ياهو وصلنا هسه بتعرفي لمن ندخل . بعد عوارة حتى نزلنا.. دخلنا الصيدلية شُفنا بِت اللهم بارك جميلة جمال ! لمِِن قُلتَ بِي قلبي : هسه دي بت وأنا بت . مِِن شافت لُدن قامت وسلمت عليها شكلهم بيعرفوا بعض ، و بعدها سلمت عليَّ سلام حِلو كأنها بِتعرفني . وتبارك الرحمـٰن يدينها ناعمة لمِن.. خُفت يدي تجرحها . لُدن: يا ولاء الليلة جاياكِ ؛ عشان تشوفي صحبتي دي وتدينا عروكات و ماسكات تنفع مع بشرتها . ولاء: مِن عيوني . أول حاجة عاينت لي بِي تفحص كِدا وقالت لي : ماشاء الله ملامحِك حِلوة . قُلت ليها : حِلوة عيونك . قالت لي : شايفة بس مُحتاجة ترطيب أدتني مِرطبات لِلجسم والوش و ورتني عروكات، و أسماء المُرطبات البتنفع مع بشرتي غايتو ملت لي كيس كامل بعدين لاحظت لي الفرق بين يدي و وشي.. قالت لي : ما قاعدة تعملي واقي شمس قبل تطلعي مُش ؟! قُلت ليها : أي . قالت لي: اتوقعت ؛ لانو يدك أفتح من وشك بي درجتين ولا تلاتة . يمكن الشمس برضو تكون سبب لي أنو لونك يغمض أكتر . أدتني مرطب قالت لي أنو.. بودي ضربة الشمس وبرجع لوني الأصلي و فِي النهاية.. أدتني واقي شمس هدية قالت لي : لازم تعمليهُ قبل تطلعي مِن البيت ؛ عشان الشمس ما تغمض ليكِ لونك و أعملي الحاجات دي وما لازم تكسلي نهائي . لُدن: انا أصلاً ما حـ أديها فرقة أنو تكسل . ولاء: ياريت كان عملتِ كِدا تكوني ما قصرتِ ، و بعد فترة حـ تلاحظوا فرق شديد أتشكرناها وطلعنا.. بعد ركبنا العربية حضنت لُدن وقُلت ليها : أنا بحبك شديد وشكراً لي أيَّ حاجة عملتيها لي ، والحمد لله أنك صحبتي ، يا بختي بيكِ والله . لُدن: يا قلبي وأنا بحبك أكتر . روان: ربنا يحفظك لي . لُدن: ويحفظك يارب . روان: أمين . لُدن: هيي تاني عندنا مشوارين . روان: َكُنتَ عايزة أسألك ماشين وين لـٰكِن... عارفاكِ ما حـ توريني . لُدن: أصلاً ما حـ أوريك ودورت العربية ... *" يُمة الصُحاب طاقات أمان* *مَزروعة فِي جُوف الوجَع بِملُوك فرَح ..* *يِتّوسَدوُك طُول الطَريق* *ويِشيُلوا عنك كُل ترح* *باقِين؛ عشان كُل الشروخ تتِعافى* *ويِصۡبح ماف جَرِح* *قاعَدِين؛ عشان ضَحكات عُيونك* *وإِنّو قلبك كِيف صِبح ؟!* *لا يُوم بِكّلُوا لا بِمّلُوا ولا فِي يُوم بقولوا...* *كفانا أرح ♡!. "* *#أحمدوا ربنا على نعمة الأصحاب💛🌻.* .*★★★★★يتبــــــــــــــــــــــــــــــــــــــــــــع★★★★★*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏