*#لا لِلعُنصُريةْ _ لا لِلتنمُرْ ..《08》* *#الاخيـــــــــــــــــــــــــــــرة* *#بقلم _أسرار جمعة... 💛* *♡♡♡♡ـہہہـ٨ــــہہہـــــ♡♡♡♡ـہہہـ٨ــــہہہـ♡♡♡♡* ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏المُذيعة: هل فِي شخص بِدعمك ويشجعك على المُبادرة دي ؟! روان: أيوا صحبتي و زوجي شجعوني و دعموني نفسياً ومعنوياً وغيرها مِن النواحي.. صحبتي أسمها لُدن كانتْ سبب في أنو.. أثق فِي نفسي . و زوجي لؤي كان سبب فِي أنو.. الثِقة فِي نفسي تِزداد دائماً بِحسسني أني أجمل واحدة في الدُنيا دي ومافي زيي . كانوا معيَّ خطوة بِخطوة ، و بِي فضل الله ثُمَ فضلهم أنا وِصلتَ لِي المرحلة الـ أنا فيها هسه . فـ بحمد ربنا على نعمة وجودهم فِي حياتي ♡. المُذيعة: ماشاء اللَّه تبارك اللَّه ربنا يحفظكم لِي بعض . روان: أمين . المُذيعة: شايفة نفسك كيف حـ تكوني بعد خمس سنوات ؟! روان: شايفة أنو.. حـ يكون عندي تآثير كبير في المُجتمع أكتر مِن هسه ، و أكون شخصية مُوثِرة ، حـ أخلي ناس كُتار يغيروا مِن طريقة تفكيرهم ، بِي أختصار.. حـ يكون عندي بصمة خاصة بِأذن الله . المُذيعة: نتمنى ذَلِك . يا روان موضوع حلقتنا اليوم عن.. " المُخدرات " ما هو رايك ؟! روان: فِي ظِل أنتشار المُخدرات في الزمن ده خاصة.. بين الشباب . خليك عارف أنتَ كـ شخص بِتتناول المُخدرات دي أنو.. حياتك كُلياً حـ تتوقف ! ما حـ تقدر تدرُس . ما حـ تقدر تِتعلم فـ بِالتالي ما حـ تقدر تِشتغل . ما حـ تقدر تِتقدم وتطور مِن نفسك . ما حـ تقدر تكونَّ أُُسرة . ما حـ تقدر تكون شخص مسؤول سواء عن.. نفسك أو تجاه شخص آخر . بِي أختصار.. ما حـ تقدر تعيش حياتك طبيعي ذي الناس . المُخدرات حـ توديك أول حاجة لِلسجن ؛ عشان ما تشكِل خطر على الناس بعدين لِلمصحى ؛ عشان تتعالج مِن الأدمان ثم إلى الموت . و كِدا حـ تكون خِسرتَ دُنيتك وأخرتك . ما أعتقد فِي شخص واعي يوصل نفسو لِلمرحلة دي . من الأسباب التي تجعل الشخص يلجأ لِلمُخدرات .. البُعد عن الله و القُرآن بعتبر ده أقوى سبب حرفياً أيَّ شخص بكون بعيد عن الله و القرآن والذِكر حـ يكون عايش في ضنك لِقولهِ تعالى : {وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكًا} حـ تكون أغلب الوقت مُتضايق ؛ لانو الروح بِتكون تعبانة ؛ لانو هي أتخلقتْ لِلعبادة وتكون بِالقُرب مِن الله. وأنتَ أهلكتها بِالمعاصي و بعدها مِن خالقها فـ بالتالي حـ تحس بِي ضنك فـ بتلجأ للمُخدرات ؛ عشان تزيل مِنك الشعور ده و توديك عالم تاني. السبب الثاني هو.. أصدقاء السؤء.. أختاروا أصاحبكم بِي عناية ؛ لانو الصاحب ساحب ما أيَّ شخص بستاهل نقول عليهو كِلمة " صاحب " ياما ناس كُتار كانوا صالحين بِي سبب أصحابهم أنتكسوا يعني.. شخص كويس ما بشرب المُخدرات عادي بِي سبب صحبو يشربها يمكن يختها ليهو في موية أو لو قال أنو.. مهموم يقول ليهو عندي ليك حبة بِتريحك و هو بكون واثق مِن صحبو ده فـ حـ يشيل الحبة ويبلعها ومع الزمن حـ يبقى مُدمِن . بعرف لي واحد كان كويس جِداً و بعيد عن الحاجات دي سافر مِن بلدو ؛ عشان يكمل الجامعة. مع الزمن بقى يشرب المُخدرات ؛ لانو صاحب ليهو ناس ما كويسة . صاحبوا ناس كويسة خلوا أصاحبكم صالحين ؛ لانو الأصحاب ليهم دور وتآثير كبير فِي حياة الشخص . السبب الثالث هو.. الضغوطات و المشاكل الأسرية.. المشاكل ليها دور في أنو.. الشخص يلجأ لِلمُخدرات خاصة لو.. كانتْ بِصورة مُستمرة سواء كانتْ خُذلان مِن شخص قريب ، مرور بِي فِترة إكتئاب ، أو مشاكل أسرية ، و السبب الأكثر تآثيراً هو.. المشاكل الأسرية ؛ لانو الشخص بكون أغلب الوقت فِي البيت . لمِن كُل الوقت البيت يكون جوطة ، ضرب و مُشاكل.. الشخص بِكره البيئة أو الوقع العايش فيهو فـ بحاول يتخلص مِن الواقع ده عن طريق المُخدرات . فـ الناس تحاول تخفف مِن المشاكل و تتغاضى عن بعض الحاجات . كان طرف في البيت شدَّ أنتَ رِخ ما الطرفين يكونوا شادين ومُعصبين ؛ عشان تقدروا تتعايشوا مع بعض . أعملوا يوم في الشهر سموهُ " جلسة الصراحة " كُل شخص يقول لي التاني عيوبو ، صفات و تصرفات فيهو ما حِلوة ؛ عشان يغيرها يعني.. أختك بِتتغاط مِنك فِي حاجة تصارحك بيها وأنت تحاول تتجنب الحاجة الـ بِتغيظها دي . و بعدين شايف لو هِموم الدُنيا دي كُلها في رأسك.. ده ما سبب يخليك تلجأ لِلمُخدرات نهائي . وغيرها مِن الأسباب.. لـٰكِن.. ديل بعتبروا أكثر أو أقوى الأسباب الـ بِي سببها مُمكِن تخلي الناس تلجأ لِلمُخدرات . لو عايز تتعالج خليك عارف أنو.. الأدمان مرض والمُدمن مريض و مُحتاج عِلاج فـ أنتَ حـ تكون مُحتاج دكتور طب نفسي و فريق علاجي يأهلك نفسياً لِلعلاج و ده بعد توفيق مِن ربنا . و ربنا إذا شايفك بِالجد نفسك تخلي المُخدرات حـ يسهل ليك أنتَ أصدُق في نيتك بس . في النهاية.. والله كان رجعنا لي ربنا لا بجينا أكتئاب لا نحتاج المصائب دي مُشكلتنا كُلها البُعد عن الله . فـ الناس ما تلجأ لِلحاجات دي و تتقي الله فِي نفسها وتصبُر و تقرب مِن ربنا . المُذيعة: ماشاء الله ربنا يحفظك و يكملك بِعقلك. أخر حاجة.. كِلمة أو نصيحة حابة تقوليها للمُتابعين . روان: صلحوا علاقتكم مع ربنا ، و كونوا واثقين مِن نفسكم ، وما تشتغلوا بِي كلام الناس . خلوا هدفكم فِي الحياة دي.. نِيلْ رِضا الله سبحانه وتعالى ما رِضا الناس . و ما تتنمروا على شخص ؛ لانو ما بتكون عارف كِلمتك دي مُمكن تأثر فيهو قدر شنو ! حتى لو هو عامل فوقها ما شغال بيك أكيد كلامك الجارح حـ يمسو و يأثر فيهو ولو.. مُظهِر العكس . و أجبروا الخواطر يا عباد الرحمـٰن . و في الختام.. حـ تلقي أحد المُقربين ليك بِتنمر فيك ، ما حـ تسلم و ما حـ يسلم زول فِي الحياة دي مِن كلام الناس ، أمشي فِي طريقك و خلي كُل زول يتكلم خلف ظهرك ♡. المُذيعة: نورتينا يا روان سعيدنا بيكِ جِداً و فخورين أنو.. فِي ناس لسه واعية ، و بتفكر بالطريقة دي ، و نتمنى لكِ مزيداً مِن التقدُم و النجاحات . بعد اللقاء أنتهى سلمت عليها و ودعتها قالت لي : أن شاء الله حـ أستضيفك تاني قُلت ليها : أن شاء الله . وطلعت لي لُدن و لؤي . لُدن من شافتني جات حضنتني و قالت لي : كُنتِ رهيبة شديددد اللهم بااااارك روان : يا قلبي إنتِ أنا وصلت هنا بي فضل الله ثُم بِي فضلك لولا الله ثُمَ كلامك معي كُنت لسه حـ أكون فِي الظلام و في عدم ثقتي في نفسي كُان لسه حـ يكون هدفي نِيل رضا الناس دائماً بتحاولي تحببيني فِي روحي وتحسسيني إنِي عظيمة وأنو.. إنتِ محظوظة إنِي فِي حياتك شُكراً في كُل مرة وقفتِ جنبي شُكراً في كُل مرة دعمتيني شُكراً في كُل مرة شجعتيني شُكراً في كُل مرة سندتيني شُكراً في كُل مرة وقت أحتاج لي شخص ؛ عشان يطبطب علىَّ و بلقاكِ إنتِ بالنسبة لي ملجأ الطمانينة مِنك بستمد القوة والطمأنينة لِقلبي بحبك ♡!. لُدن : كان ما وقفت جنبك أقيف جنب منو ؟! بعدين أنتِ أختي قبل صحبتي ومرت أخوي كيف ما أقيف جنبك ؟! حرفياً إنتِ أجمل حاجة حصلت لي في الدنيا دي انسانة نقية وقلبك أبيض و صافي بقيتِ لي أخت وسند ما شُفت مِنك الا السمح ربنا ينور دربك ♡!. روان" وهي بتبكي" : ربنا يحفظك لي ♡. لؤي:شايفة يا لُدن بكيتِ لي مرتي مالك يا زولة ياخ ؟! لُدن: هيي ما تنسى أنو هي صحبتي قبل تكون مرتك . لؤي: ما تكتري كلام قومي أمشي بيتكم زاتو . لُدن: أبيت . لؤي: خلاص بيتي هنا أنحنا ماشين . طلعنا... لُدن ركبت عربيتها و مشت بعد ودعتنا و أنا و لؤي رِكبنا العربية وأتحركنا.. .. في الطريق ... لؤي: قُلتِ لي لُدن ملجأ الطمأنينة حقتك ؟! روان" بِبلاهة ": أي . لؤي: لالا كويس والله طيب وأنا ؟! روان" بِأستغباء " : أنتَ مالك ؟! لؤي " بِغيظ " : و لا شي . روان " وهي بِتضحك " : أنتَ زوجي و قرة عيني . لؤي: بس كِدا ؟! روان: و سندي البتسند عليهُ وقت الشدائد ، ملجئي حين ضعفي ، قوتي ونور عيوني . لؤي: وتاني ؟! روان: رفيق دربي ♡ لؤي: الله الله وعارفة إنتِ شنو ؟! روان: شنو ؟! لؤي: روح الروح ♡. *النهـــــــــــــــــــ💛ـــــاية*‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏