*#فِي _ حُب_ الإسلام..《16》* *#الاخيـــــــــــــــــــــــــــــرة* *#بِقلم: أسرار جمعة💛.* *ـہہہـ٨ــــہہہــــــہہہـ٨ــــہہہـ* ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ أنا وأية طلعنا فقرة عن الحِجاب.. وجن: قبل نبدأ عِندنا توضيح بسيط.. عندنا ثلاثة أنواع مِن الزي الشرعي : ¹. المختمرة: وهي السافرة التي يظهر وجهها . ². المُنتقبة: وهي التي تغطي وجهها ويداها وتظهر عيناها . ³. المُحجبة: وهي التي لا يظهر منها أيَّ شيء ولا حتىٰ عيناها . هسه أنحنا عايزين نِتكلم عن الحِجاب بِِصورة عامة سواء كُنتِ مُختمرة، مُحجبة أو مُنتقبة أول حاجة.. الحِجاب فرضٌ على كلِّ مَن بلغت سن التكليف والدليل قوله تعالى: « وَلْيَضْرِبْنَ بِخُمُرِهِنَّ عَلَىٰ جُيُوبِهِنَّ »، أية: مواصفات الزي الشرعي : -أن يكون ساتراً لِكامل البدن -عدم تقليد غير المسلمين فِي اللباس -عدم مشابهته لِلبس الرجال -خالي مِن الزينة أو الأشكال المزركشة -واسع وفضاض -غير رقيق، ولا شفاف واسع فضفاض لا يصف ولا يشف و ليس زينة فِي نفسِه لايكون ملفت . وجن: حـ نوريكِ كيف يكون لبسك شرعي ميه ميه و حـ نمشي معاكِ خطوة خطوة مِن راسك لِحدي أصابع رجليك أولاً:- الرأس.. قبل ما تلفي طرحتك الكعكه ما تخليها كبيرة و فِي نص الراس و ظاهرة ! الرسول ﷺ قال : {مميلات مائلات رؤوسهن كأسنمة البخت المائلة لا يدخلن الجنه ولا يجدن ريحها} عندك طريقتين ؛ عشان ما تظهري الكعكة : ¹. تضفري شعرك لو.. كان كثيف أو طويل جِدًا وتلويه ؛ عشان ما يظهر تحت الطرحه ². تسوي كعكه لـٰكِن.. تنزليها تحت يعني مع رقبتك و لو حسيتيها ظاهرة تضفري أفضل حل دايره كعكه ما تخليكِ تدخل الجنه و لا تشمي ريحتها ؟! أية: ثانياً:- الطِرح.. اول حاجه يا حِلوة الطرحة لازم تكون كبييييرة أقل شي نُص توب ؛ عشان تغطي مفاتنك خلي طرحتك كبيرة و ساترة تغطي ليكِ كتفك رقبتك ضهرك و صدرك و جِسمك مِن ورا ما عِندك طرحه نص توب حاولي تشتريها و شوفي أكبر طرحه عندك البسيها لـٰكِن.. أوع تطبقيها . وجن: ثالثاً:- العبايات ما تلبسي بنطلون مهما كان واسع طبعا البنطلون حرام بالإجماع ؛ لانو بِظهر الخصر و بوضح شكل الجسم عادي تلبسي بنطلون تحت العباية لـٰكِن.. يكون ما ظاهر وما تلبسي عبايه مع حزام ولا عبايه بِلستك ولا فستان بِلستك! لمِن.. تلفي الحِزام بِنصك بِخصر جِسمك و تفاصيلهُ و العبايه ما تكون قصيرة ؛ لانو بنطلونك التحت حـ يظهر و خصوصا لو.. فِي هواء و أهم شي العبايه ما تكون مِن النوع البِتتلصق ؛ لانو بتظهر ليك كُل جِسمك . أية: رابعاً:- الشرابات.. خليكِ مِن المُنتقبة لو.. أنتِ سافرة وما بِتغطي رجولك كدا براهو ما صح فـ لاااااازم تغطي رِجلك يا السمحة . وجن: خامساً:- الاكسسوارات.. أنو.. تطلعي سلسلك، أساورك، ضاربه مناكير ، لابسه نظاره شمسيه حمراء ، جزمه صفراء و برتقالية وترقش مِن بعيد و مُلفتة شديد و الزول لو فِي أوربا بِشوفها وين إخفاء الزينه يا حِلوة ؟ نسيتِ الغرض والهدف شنو ؟ أنتبهي وأتذكري الغاية مِن الحِجاب.. السِتر و أخفاء الزينه و لو.. أنتِ عملتِ كدا معناتو.. أظهرتِ الزينه لِلاجانب و كِدا حرام الاكسسوارت ما حرام لمِن.. تلبسيها قِدام محارمك و النساء . وجن و أية: رزقنا اللَّه و إياكن السِتر وجنبنا مِن التبرج وبارك اللَّه فيكن ♡. صفقوا لينا.. تاني طلعنا 7 بنات عملنا أنشودة السبع الطوال بِالحركات و عملناها حِلوة شديد بعدهُ تسابيح طلعت ؛ عشان تحكي مواقف مزح النبيﷺ تسابيح: من مواقف مزح النبيﷺ جاءت امرأة للرسول صل الله عليه وسلم تسأل عن راجلها فرد عليها النبي صلى الله عليه وسلم و قال ليها : زوجك الذي في عينيه بياض ؟ المرأة بقت تبكي "قايلة راجلها بقى عميان" فقال عليه الصلاة والسلام اخبروها ان البياض موجود في كل عين. الموقف الثاني.. _ كان النبي ﷺ مع ابو بكر قاعدين يأكلوا التمر .. فـ حل ابو بكر الصديق أنو يمازح الرسول ﷺ فـ شال النوي القدامو و ختاهو مع نوي الرسول ﷺ - ثم قال أبو بكر الصديق: عجباً لك يا رسول الله أكلت كل هذا التمر ! - فضحك رسول الله ثم قال: بل عجباً لك انت يا ابو بكر تأكل التمر بالنوى! هنا الناس كُلها بقت تضحك.. تسابيح: جات امــرأة عجوز للنبي ﷺ تسألهُ عن الجنة، فقال لها النبي : "لا تدخل الجنة عجوز " . فالعجوز مشت وهي بتبكي .. فضحک النبي ﷺ و قال للناس : أخبروها أنها لن تدخل الجنة وهي عجوز ، بل يعيد اللّٰه لها شبابها ثم يدخلها الجنة وبدأ يرتل كلام المولى عز وجل : ﴿ إِنَّآ أَنشَأْنَـٰهُنَّ إِنشَآءً (35) فَجَعَلْنَـٰهُنَّ أَبْكَارًا (36) ﴾ دي بعض مِنْ مواقف النبي و كان مزاحهُ صل الله عليه و سلم حق يعني ما هظار بالكذب ؛ لانو المزح و تضحيك الناس بِالكذب حرام و بارك الله فيكُم رجعت مكانها و الناس صفقت ليها.. بعدها طلعوا تيسير و جنات فقرة اسئلة سالوا الناس أسئلة دينية و التجاوب صح بدوها سبحة ألكترونية و معاها ورقة فيها كلام لطيف بعدهُ حصل حِوار بين سيدة و مُزدلفة.. مُزدلفة كانتْ لابسة عباية واسعة و لابسة الخِمار و قاعدة فِي كرسي قاعدة تسبح جات سيدة لابسة بنطلون و طونكة و خاتة الطرحة فِي نص راسها و فاكة شعرها جاتْ مارة بِجنبها عاينت ليها مِنْ فوق لِتحت و قالت ليها : يا مُخمخمة مُزدلفة وقفتْ تسبيح و قالت ليها : لو سمحتِ أنتِ معي؟! . سيدة: هو فِي زول مُخمخم هنا غيرك باللَّه ؟ . مُزدلفة: على فِكرة أنا عاجباني خمخمتِ دي شديد . سيدة: ليه أنتِ كاتمة نفسك كِدا و مُتخمخِمة ؟ مُزدلفة: عشان أحفظ نفسي . سيدة: يا زولة عيشي حياتك زِي ما أنا عايشة حياتي . مُزدلفة: العيشة الحقيقة بِالقُرب مِنْ اللَّه أستيقظي مِن الـ انتِ فيهو ده . مُزدلفة: أستيقظ ! شايفاني نايمة ؟! . مُزدلفة "وهي بِتشيل حلاوتين فتحتْ واحدة وخلتْ التانية مقفولة ومدتهم الاتنين لِسيدة " : حـ تختاري ياتها فيهُم ؟ . سيدة: ده شنو السؤال الغبي ده ؟ اكيد حـ أختار دي " و أشرتْ لِلمقفولة " . المنتقبة: يلا البت المستورة زِي.. الحلاوة المقفولة دي عكس البِت المُتبرجة بِتكون زِي.. الحلاوة المكشوفة دي وماف زول بِكون راغب فيها . مُزدلفة" وهي بِتأشر لِتلفون سيدة": هسه تلفونك ده إنتِ عاملة ليهو أستيكر ليه ؟ . سيدة: عشان أحافظ عليهو . مُزدلفة: يلا انا برضو لابسة الحِجاب ؛ عشان أحافظ على نفسي . سيدة" بِتأثُر": بِالجد أنا أسفة و مِن اليوم أنا قررتَ أكون زيك . مُزدلفة: أن شاء اللَّه تبقي أحسن مني . سيدة: أن شاء اللَّه هسه أنا عايزة ألبس زِي لبسك ده . مُزدلفة: طيب . جابتْ العباية بتاعت الدبابيس لبستها ليها و جابت طرحة نُص توب و كوزتها ليها و ورتها نفسها فِي المراية سيدة "وهي بِتعاين لِنفسها": يا اللَّه حِلو و مُريح شديد وبعدهُ حضنتها و أشتغلتْ أنشودة " لا تسمحي أبداً لهُم ... كوني كـ شيئاً مُختلِف " مشينا عملنا دائرة حولهم وبقينا نغني مع الانشودة . ياخ الناس دي أنفعلتْ و عجبهُم الحِوار شديد أنبسطوا مِننا شديد بعدهُ جاتْ فقرة التتويج.. طبعاً البنات لمِن شافوا الحِوار و الكلام عن الحِجاب أتشجعوا انو.. يلبسوا و فِي كُتار مِنْ الحضور لبسوا الخِمار وتوجناهم و رشينا فيهم الرغوة و كرمتَ بنات الجِمعية بِمُناسبة ختمهُم لِلقران و فتحنا ليهم أنشودة " يا حامل القرآن قد خصك الرحمـٰن" ياخ البنات ديل بِكوا بكى! و جنات قامتْ ؛ عشان تحكي قِصتها بِتاعت الحِفظ جنات: عايزة أحكي ليكم قصة حِفظي لِلقران.. أول حاجة مِنْ المُديرة قالت نعمل جمعيات و مِنْ ضمنهُم القرآن الكريم طوالي و لا التفتَ أخترتها ؛ لانو كان نفسي أحفظ القرآن و أكون مِنْ أهله المُهم بدينا الحِفظ كان فِي اليوم بِناخد وجهين و الجمعة و السبت نراجع الصفحات الـ أخدناها خلال الخمسة آيام و صراحة واجهتني صعوبات كتيرة و كان الشيطان يوسوس لي أنو ما حـ تقدر تحفظي ؛ لانو قراية المدرسة و كِدا مستواكِ حـ يتدهور... الخ طوالي عِرفتَ مدخلو و قُلتَ ليهو : هييي يا شوشو زِح مِني بعيد أهم الدُنيا و لا الأخرة ؟ هل الفيزياء و الكيمياء حـ تنفعني فِي أخرتي ؟ أها كُل ما يوسوس لي بقول ليهو كِدا تاني نفسي بقت تقول لي وقفي و ما تضغطي نفسك و الوقت ما يكفيكِ للأتنين... الخ بقول ليها : ما زاحم القُرآن شئ الا باركه يعني حـ ألقى بركة فِي وقتي و فعلًا قد كان! وقت الحلقة كُنتَ بطلع شبه حافظة و بعد صلاة الفجر فِي البيت براجع و آثبتو و اللهم بارك كان قاعدة أحس بِبركة فِي وقتي و راحة فِي يومي! و الحمد للَّه مستواي الأكاديمي ما نزل بِالعكس زاد ! و جبتَ 91 و زمان كان بجيب فِي التمانينات بعد فِترة حصل لي فتور لـٰكِن.. شيختي حبيبتي شجعتني و نصحتني أنو أستغفر و أدعي كتير و عملتَ بِنصيحتها و الحمد للَّه رجعتَ لِلحفظ تاني و أقوى مِنْ أول و كان أكتر شئ بِتنصحنا بيهو هو.. العمل بِالقُران وجاتْ ساعة الختمة! و اللَّه اللَّه على لحظة الختمة! الأحاسيس بِتكون مُلخبطة توتر على خوف على فرح على قلق لـٰكِن أحساس حِلو شديد و زمان أنا كُنت زولة رداحة شديد و أقل شي بردح أسأل اللَّه أن يغفر لي ؛ لانو صِفة ما حِلوة نهائي! و المؤمن ما بِكون فاحش اللِسان لـٰكِن الحمد للَّه القران هذبني و خليتو و لو عملتَ تصرف ما حِلو بقعد أعاتب نفسي و أقول ليها : ليه تعملي كِدا ؟ دي ما أخلاق أهل القُران طوالي ببعد مِنْ الحاجة دي و بتوب و بِستغفر و كُنتَ كُل الوقت بتلقيني مُركبة السماعة و بسمع أغاني لـٰكِن بعد القران بقيتْ بكره الأغاني شديد لِدرجة بحس بِضيق وقت أسمعها فِي مكان فعلًا ما بِجتمع حُب الغناء و القرآن فِي قلب واحد و تاني خليتْ البنطالين و بقيت أجي المدرسة بِعباية و تحتها لِبس المدرسة وقت أصل المدرسة بطلعها و بعد فترة.. وقفت المُصافحة و بقيتْ وقت أشوف بت و ولد قِدامي بِتصافحوا ساي بحس كيف كيف! و الحمد لله ذلك مِنْ فضل اللَّه و اللَّه القرآن أدبني و هذبني شديد حتى ناس البيت لاحظوا لي حرفيًا لو عايزة خير الدنيا والأخرة "عليكِ بالقُرآن" و القرآن ما حفظتو بِفلاحتي و لا حاجة ده أصطفاء و توفيق مِنْ ربنا و الحمد للَّه أنو أصطفاني اللَّه مِنْ بين عباده لِحفظ كِتابه آسال اللَّه أن يجعلنا مِنْ أهل القُرآن العاملين به . فجأة !.. مُزدلفة، سيدة و أية كُل واحدة مسكتْ مايك و وقفوا فِي المسرح أستغربت طبعاً ! ؛ لانو ما فِي فقرة مُشتركة بينهم التلاتة مُزدلفة: عايزين نقول كِلمة شُكر لِي مَن علمتنا كِتاب اللَّه . سيدة: إلى قلبها المُعطاء : ومن الذي يوفي المعلم حقّهُ ؟ لا سيّما من علَّمَ الآياتٍ . أية: هي شيختي ولها عليّ فضائلٌ . مُزدلفة: وحبيبتي، وحبيبة الفتياتِ . سيدة: إني أحب حديثها، و حِوارها . أية: و لِصوتها وقتَ التلاوةِ نبرةٌ . مُزدلفة: عُرفت بها عن سائرِ الأصواتِ . سيدة: وأحب تعتعتي لأسمعَ ضبطَها . أية: لِمخارجِي بتلاوةِ الآياتِ . مُزدلفة: وأحبُّ تذكيراتها بِالله لي . سيدة: إمَّا رأت طيفَ التكاسُلِ آتي . أية: وأحبُّ تحفيزاتِها لي إن بدا . مُزدلفة: منِّي الفُتورُ، فتستردُّ ثباتِي . سيدة: هي من سقتني بالكتابِ وتابعت . أية: سُقياهُ بالتذكيرِ والنفحاتِ . مُزدلفة: وتُسرُّ، والقُرآن في صَدري إذا . سيدة: ما زدتُ مِن وردي و مِن صفحاتِي . أية: وتقول لي: كيما أثَبِّتَ: «كرري -أبُنيّتِي- المحفوظَ بالصلواتِ . مُزدلفة: وتحثُّني وتشد من أزري لكي . سيدة: أعطي لذا القرآنِ كلّ حياتي . أية:: هي معلمتي، إمَّا تذَكَّرتُ اسمُها . مُزدلفة: قلبي يرفُّ لـهُ معَ النَّسماتِ . سيدة: مني السلامُ مع المحبة مُرسلٌ . أية: لفؤادها المجبولِ بالخيراتِ . مُزدلفة: ولئن عجزتُ بأن أرد جميلها . سيدة: فلها عليَّ الحقُّ بالدّعواتِ . أية: يا ربُّ أكرمها وأترع عُمرها . مُزدلفة: باليُمن والأفراحِ والبركاتِ . سيدة: و املأ إلهي بالسرورِ حياتها . أية: واختم لها بالخلدِ في الجَنّاتِ . التلاتة : فجزاك الله خير الجزاء وبارك لكِ فيما تقدميه مِن عطاء : شيختنا الحبيبة وجن . و أدوني بوكس هدية البوكس كان فيهو .. مُصحف بِِرواية حفص عن عاصم سجادة صلاة، أسدال، كرت أذكار الصباح و المساء و سبحة إلكترونيه غايتو التعبير غلبني حضنتهم و شكرتهم على لُطفهم و هديتهُم أخر حاجة.. وقفنا كُلنا بنات الجِمعية جنب بعض و بقينا نطقطق و نغني أنشودة " يا حبيبي يا شفيعي يا رسول اللَّه " طفوا الأنوار خلوا نور خفيف كِدا و الجمهور فتحوا فلاشات تلفوناتهم و بقوا يلوحوا بِالتلفونات فِي الجو و كُلهم وقفوا وبقوا يغنوا معانا لمِن خلصنا الناس دي كُلها بقت تصفق بِحماس و أنبسطوا شديددد صراحة أنِحنا أبدعنا نِزلنا مِنْ المسرح و رجعنا مكاننا.. يارا: ماشاء اللَّه أبدعتوا . وعد: حصل . سمر: حبيت جِدًا . وجن: مِنْ ذوقكم يا حِلوات . نجلاء: صراحة أنا قايلة حـ تكونوا حديث و دعاء بس ما قايلة مُمكِن تطلعوا فقرات كِدا! . وجن: للأسف الناس فاهمين ديننا الإسلامي غلط فاكرين أنو.. المُلتزمين محصورين فِي القرآن و الدعاء فقط و ما ينفع يعملوا حاجة تانية و ماف فعاليات لا ديننا الإسلامي حِلو شديد عادي تسمعي أنشودات دينية بدون موسيقى وتعملي النفسك فيهو بس.. فِي حدود الشرع بدل الاغاني بِنسمع قرآن و أنشودات دينية بدون موسيقى بدل الاعراس المُختلطة و الأغاني والحفلات بنعمل عرس إسلامي مفصول وبِي أنشودات و نغني لِلعروس نفسي الناس تفهم ديننا صح . و جات اللحظة الحاسمة.. لحظة أعلان النتيجة ! رِكبنا المسرح كُلنا المُديرة: بعد تشاورنا أنا و باقي الحُكام أخترنا أنو الفائزين هُم... و لا أنتوا تتوقعوا الجِمعية الفائزة ياتها ؟ . الناس كُلها بِصوت عالي قالت : جِمعية القرآن الكريم المُديرة: الجِمعية الفائزة هي.. جِمعية القرآن الكريم مُبارك لكُن تستاهلن أبدعتن و اللَّه . مُجرد ما المُديرة قالت أسم جمعينا انو.. هي الفائزة.. القُصاصات جات نازلة فينا ! و الناس بقوا يصفقوا و بنات باقي الجِمعيات جوا باركوا لينا لجنة التحكيم جوا المنصة.. سلمنا عليهم و لبسونا ميداليات و الكأس أدوني ليهو أنا ؛ عشان أنا الرئيسة و كِدا يعني قالوا لينا أنحنا بنات الجِمعية نقيف ؛ عشان يصورنونا وقفنا كُلنا المُديرة قالت : مَن هُم الأفضل ؟ قُلنا بِحماس : جِمعية القرآن الكريم و تم ألتقاط الصورة و سيظلُ ذَلِكَ اليوم مُخلَد فِي القلبِ ♡. *النهـــــــــــــــــــ💛ـــــاية*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏