*#مَشْوَار _ إِلْتِزَام《14》* *#بِقلم: أسرار جُمعة 💛.* *ـہہہـ٨ــــہہہــــــہہہـ٨ــــہہہـ* ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ليلى: دي يُسرا مرت عمك حسن قالتْ بعدين عيد ميلاد علي ولدها و عازمانا. تنزيل: قال رسول اللهﷺ: {. . . فإنَّه من يعِشْ منكم من بعدي فسيرَى اختلافًا كثيرًا, فعليكم بسنَّتي وسنَّةِ الخلفاءِ المهديِّينَ الرَّاشدينَ, تمسَّكوا بها, وعضُّوا عليها بالنَّواجذِ, وإيَّاكم ومحدَثاتِ الأمورِ فإنَّ كلَّ مُحدثَةٍ بدعةٌ, وكلَّ بدعةٍ ضلالةٌ, زاد في حديثٍ آخرَ : وكلَّ ضلالةٍ في النَّارِ }. أمي مُتذكرة الحديث ده كان سمعنا شرحو مع بعض؟ ليلى: أي. تنزيل: طيب مِنْ الحاجة النهانا عنهاﷺ فِي الحديث ده شنو؟ ليلى: عن الأبتداع فِي الدين. تنزيل: و البدعة هي شنو؟ ليلى: هي الزيادة أو النقصان فًي الدين بما ليس فيه. تنزيل: و الحديث ده فوائدو شنو؟ ليلى: بظهر لينا أهمية الالتزام بِالسنة النبوية و يورينا الابتكار في الدين يعني ما لم يُشرع في الإسلام يُعتبر ضلالة و يستند إلى أهمية الحفاظ على نقاء الدين واتباع ما أُُمرنا به مِنْ قِبل النبي ﷺ و الحَثُّ والتأكيدُ الشَّديدُ على التمسُّكِ بسنة النبي صلَّى الله عليه وسلَّم وسُنَّةِ الخُلفاءِ الرَّاشِدين، والنَّهيُ عن الابتداعِ في الدِّينِ والتحذيرُ الشَّديدُ مِن ذلك. تنزيل: و أنا و أنتِ قلنا عايزين نطبق شنو من الحديث ده؟ ليلى: قلنا عايزين نحاول نلتزم بالسنة فِي جميع أمور حياتنا و نبتعد عن البدع. تنزيل: طيب يا أمي يا غالية عيد الميلاد يُعتبر بدعة. ليلى: بري طوالي ما ماشة. تنزيل: صح معناتو حنبتعد عنو و أصلًا أنحنا في الإسلام عندنا عيدين عيد فطر و عيد أضحى أما عيد الميلاد، عيد الأم، عيد رأس السنة، عيد المولد.. الخ كلهم بدع، وبعدين هو أسمو يوم أو ذكرى ميلاد وليس عيد و الحق الزول يزعل مش يحتفل و يفرح؛ لانو عمرو قاعد ينقص. تالين"بِأنفعال": كيف يعني عيد المولد بِدعة؟! أنا قاعدة أحتفل بِمولد النبيﷺ تقولي بدعة؟ تنزيل: أول حاجة براحة و بوضح ليكِ ماف داعي لِلأنفعال، طيب أنا بسألك أسئلة و جاوبي عليها لـٰكِن شرط إنو تكون الإجابة مِنْ القرآن أو السنة أو أقوال الصحابة أو حتى التابعين. تالين: أها. تنزيل: كم مرة احتفل النبي ﷺ بيوم مولده؟ تالين: .................. تنزيل: من هم أشهر الصحابة الذين أقاموا الاحتفال بالمولد النبوي؟ تالين: .................. تنزيل: فِي أي الأماكن احتفل الصحابة به؟ تالين: .................. تنزيل: ما أشهر الحلوى التي كانت تقدم في ذلك اليوم؟ تالين: .................. تنزيل: ماهي الأناشيد التي كانت تردد فِي ذلك اليوم؟ تالين: .................. تنزيل: شايفة ما لقيتِ أجوبة و ما حتلقي أصلًا!، فوريني بالله عليكِ مِنْ وين جيتِ بِالبدعة دي؟ بدعة الأحتفال بِالمولد النبوي. تالين: خلاص التلفونات و المكيفات و العربات ديل كُلهم بدع؛ لانو فِي زمن النبيﷺ كان ماف. تنزيل: أول حاجة البدعة بِتكون فِي أمور الدين و ليس الدنيا، ف المُكيف و الحاجات دي ما دخلها. تالين: طيب عيد رأس السنة مالو؟ تنزيل: أول شيء قبل ما نحتفل باليوم لازم نفهم هو شنو بالضبط؟ طيب فِي البداية اليوم ده خاص بالنصارى - ليهم حريتهم ولا ننتقص منهم لهم دينهم ولنا دين - عِندهم فِي ديانتهم شخصية أسمها يسوع، يسوع دا فِي زعمهم ابن الرب - تعالى الله عن ذلك علوًا كبيرًا! - يوم 25 بيحتفلوا بِميلاد يسوع و يوم 1/1 هو ختان يسوع، يسوع دا ياهو ابن الرب ذاته كما يزعمون - تعالى الله عن ذلك علوًا كبيرًا - الموضوع فِي أساسه دين وعقيدة ما عبادات ونوافل، يعني شيء أساااااااااسي وما ينفع نعمل رايحين، و نرجع لي سورة مريم ونقرأ الايات دي بي تدبر قال تعالى: { وَقَالُوا اتَّخَذَ الرَّحْمَنُ وَلَدًا (88) لَقَدْ جِئْتُمْ شَيْئًا إِدًّا (89) تَكَادُ السَّمَاوَاتُ يَتَفَطَّرْنَ مِنْهُ وَتَنْشَقُّ الْأَرْضُ وَتَخِرُّ الْجِبَالُ هَدًّا (90) أَنْ دَعَوْا لِلرَّحْمَنِ وَلَدًا (91) وَمَا يَنْبَغِي لِلرَّحْمَنِ أَنْ يَتَّخِذَ وَلَدًا (92) إِنْ كُلُّ مَنْ فِي السَّمَاوَاتِ وَالْأَرْضِ إِلَّا آتِي الرَّحْمَنِ عَبْدًا (93)} الموضوع خطير لي درجة إنو يغير قوانين السماء والأرض والجبال فما بال قلبك يا مؤمنة؟ لي قلبك ما صابه ولا هزة؟ طيب نرجع لِلسنة، شوفي أنا أصلي ما بقول ليكِ شيخ فلان قال وشيخ علان قال بس آيات وأحاديث تمام؟ النبي عليه الصلاة قال: {لَتَتَّبِعُنَّ سَنَنَ مَنْ قَبْلَكُم شِبْرًا بشبْر، وذراعًا بذراع، حتَّى لو سَلَكُوا جُحْر ضَبٍّ لَسَلَكْتُمُوهُ؛ قلنا: يا رسول الله؛ اليهودُ والنَّصارى[1]؟ قال النَّبيُّ صلى الله عليه وسلم: فَمَن؟!}. تالين: يعني شنو؟ تنزيل: النبيﷺ قال إنه حيجي يوم وتتبعوا سنن من قبلكم وقصده اليهود والنصارى بدل ما نتبع سنة النبيﷺ ودا الحاصل للأسف، قال ليهم لو دخلوا جحر الضب الما بشيل غير ضب واحد ومافي فايدة مِنْ دخوله أصلا إنتوا حتدخلوه فالصحابة لأنو كان عِندهم عزة قالوا بي إستغراب قصدك اليهود والنصارى يا رسول آلله ؟ فال فمن، يعني منو غيرهم أصلًا ؟! فدا الحاصل حاليًا للاسف! راس السنة، أعياد الميلاد، عيد الأم، عيد الحب ..الخ هل الاعياد دي موجودة في دين الإسلام؟ تالين: لا. تنزيل:خلاص هل موجودة فِي عاداتنا وتقاليدنا وثقافتنا ك سودانين ؟ تالين: لا. تنزيل: طيب نحن مفترض نكره النصارى و نعاديهم يعني؟ مش الإسلام دين تسامح؟ النصارى وحسب آيات سورة المائدة أقرب مودة لينا واليهود أشد عداوة "لَتَجِدَنَّ أَشَدَّ النَّاسِ عَدَاوَةً لِّلَّذِينَ آمَنُوا الْيَهُودَ وَالَّذِينَ أَشْرَكُوا ۖ وَلَتَجِدَنَّ أَقْرَبَهُم مَّوَدَّةً لِّلَّذِينَ آمَنُوا الَّذِينَ قَالُوا إِنَّا نَصَارَىٰ ۚ ذَٰلِكَ بِأَنَّ مِنْهُمْ قِسِّيسِينَ وَرُهْبَانًا وَأَنَّهُمْ لَا يَسْتَكْبِرُونَ" فجارك وصديقك وقريبك مِنْ النصارى إذا كان غير معادي لِلإسلام بتعامله أحسن معاملة وتبارك ليهو النجاح والزواج وتعزيه فِي الحزن وتكفر ليهو المرض بس لمن تجي للأعياد لا؛ لأنو دي عقيدة و دا دين، وهو ذاته ك نصراني فاهم وعارف جوهر الاختلاف بين الإسلام والنصرانية ولا بيزعل منك بل بيحترم ذلك لكن البقنعك إنت ك مسلم بي دينك منو؟ وبسبب اتباع ثقافات وعقائد غير المسلمين انطمست معالم أعياد المسلمين وبقينا نشوف فِي عيد الفطر والأضحى الناس حزينة وزهجانة وما ضايقة لِلعيد طعم، إنت مُسلمة دي أكبر نعمة من الله عز وجل مفترض تشكريها وتقدريها، وتنصري الإسلام بي ترفعك عن كل ما يطمس الهوية الإسلامية وإلا ؟ "يَا أَيُّهَا الَّذِينَ آمَنُوا مَن يَرْتَدَّ مِنكُمْ عَن دِينِهِ فَسَوْفَ يَأْتِي اللَّهُ بِقَوْمٍ يُحِبُّهُمْ وَيُحِبُّونَهُ أَذِلَّةٍ عَلَى الْمُؤْمِنِينَ أَعِزَّةٍ عَلَى الْكَافِرِينَ يُجَاهِدُونَ فِي سَبِيلِ اللَّهِ وَلَا يَخَافُونَ لَوْمَةَ لَائِمٍ ۚ ذَٰلِكَ فَضْلُ اللَّهِ يُؤْتِيهِ مَن يَشَاءُ ۚ وَاللَّهُ وَاسِعٌ عَلِيمٌ (54) إِنَّمَا وَلِيُّكُمُ اللَّهُ وَرَسُولُهُ وَالَّذِينَ آمَنُوا الَّذِينَ يُقِيمُونَ الصَّلَاةَ وَيُؤْتُونَ الزَّكَاةَ وَهُمْ رَاكِعُونَ (55) وَمَن يَتَوَلَّ اللَّهَ وَرَسُولَهُ وَالَّذِينَ آمَنُوا فَإِنَّ حِزْبَ اللَّهِ هُمُ الْغَالِبُونَ (56) يَا أَيُّهَا الَّذِينَ آمَنُوا لَا تَتَّخِذُوا الَّذِينَ اتَّخَذُوا دِينَكُمْ هُزُوًا وَلَعِبًا مِّنَ الَّذِينَ أُوتُوا الْكِتَابَ مِن قَبْلِكُمْ وَالْكُفَّارَ أَوْلِيَاءَ ۚ وَاتَّقُوا اللَّهَ إِن كُنتُم مُّؤْمِنِينَ" تالين: لكن الليلة كان ما مشينا يمكن يزعلوا! تنزيل: طيب و طاعة ربنا و النبيﷺ؟ هل أقدم زعل الناس على ربنا؟ تالين: أنا ماشة أساعدهم و أشاركهم الفرحة بس لـٰكِن ما عشان شي تاني. تنزيل: "مَن رأى مِنكم مُنكر فليغيره" مش مَن رأى مِنكم مُنكر فليساعد عليه! تالين: أنا نيتي صافية و ربنا عالم بنيتي و الأيمان فِي القلب. تنزيل: النية الصالحة لا تُصلح العمل الفاسد ربنا فِي كتابه فِي الأيات بِتلقي دائمًا :"الذين آمنوا و عملوا" ركزي فِي كلمة "عملوا" دي سمح يعني ما مُمكن تتبرجي أو تصافحي أو تعملي بِدع و غيره مِنْ المعاصي و تقولي الإيمان فِي القلب! و الإيمان هو قول بِاللسان و عمل بِالجوارح، يعني لازم يظهر إيمانك فِي جوارحك و أعمالك. هل مُمكن ما أصلي و أقول ربنا عالم بنيتي أنو عايزة أصلي؟ هل مُمكن ما البس الحِجاب و أكون مُصرة على التبرج و أقول ربنا عالم بِنيتي أنو عايزة البس الحِجاب؟ خلاص جربي أدى زول ضربة و قولي ليهو معليش نويتها طبطبة، بِرأيك حيقول شنو بس؟ أقل شي حيقول ليكِ أنتِ هبلة ولا قاعدة تتهابلي و تستعبطي علىَّ إذا ما شمطك كف و رجعو ليكِ أضعاف. تالين: ربنا يهدينا. تنزيل: أمين. مشيتْ أرتحتَ و العشاء عملتَ لي امي عصير و بقيت أونس فيها. أثناء ما قاعدين نتونس جات تالين طالعة و هي قاشرة! قالت ماشة عيد الميلاد. ما سألتها و لا قلتَ ليها حاجة؛ لانو حنفتح باب جدال و هي أصلاً مُقررة، و أنا بينتَ ليها الحُكم و ناقشتها لكن هي مُصرة تمشي! و أنا وضحتَ ليها ف التوفيق مِنْ ربنا و هي ما عملتْ بِالأسباب؛ عشان ربنا يوفقها لِلهداية، يعني ما مُمكن أكون قاعدة فِي مكاني و ما قاعدة أسعى لِلهداية و أقول ربنا يهديني؛ عشان أسكت الناس بس،الزول يعمل بِالأسباب و يكثر مِنْ الدعاء أنو ربنا يهديهو بِالجد و ربنا إذا رأى مِن العبد صِدق فِي نيته بِوفقه و ربنا يهدينا جميعًا. قالت أسيل حتجي تمر عليها و تغشاها يمشوا سوا، واصلنا ونستنا أنا و أمي و تالين شغالة بِالتلفون الجرس ضرب .. تالين مشتْ فتحتْ الباب و دخلتْ أسيل و هي عاملة أخر ميكب ولابسة بنطلون و فاكة شعرها و الطرحة فِي الكتف أما ريحة العطر دي سابقاها، والله المُستعان! سلمتْ علينا و طلعوا، بقيتْ أحكي لي امي عن المركز، و بنات المركز و كيف هم بِالجد نِعمة الصُحبة،و أسلوب الشيخة اللطيف جِدًا و كيف بِتقدر توازن بين الحزم و اللين، يعني فِي شيخات بِتعاملوا بِلين بس و ده ما صح؛ لانو كِدا حيبقى فِي تساهل فِي الحفظ، و فِي شيخات كُل الوقت بِستخدموا الحزم و كِدا حتنفر البنات مِنها و حتخليهم يكرهوا الألتزام، فِي بنات كُتار بِخلوا الحِفظ بِسبب أسلوب شيخاتهم و العكس فِي بنات بحبوا الألتزام و حِفظ القرآن بِسبب شيخاتهم و أثر القران الشافوا فيهم، و فِي ناس عِند بعض المواقف بِتطلب مِنك تِتعاملي معاهم بِحزم و وقت تحزمي يقولوا ليكِ النبيﷺ كان لين ليه تِتعاملي كِدا؟ صح إن الأصل فيهُ كان الرفق و اللين لكن النبيﷺ كان فِي مواقف بِتعامل فيها بِشدة و ده برضو مِنْ الحكمة. لو أتبعنا النبيﷺ فِي أي حاجة بِنمشي صح و حنعيش فِي سعادة ما بعدها سعادة! فجأة تلفون أمي ضرب! عاينتْ فِي الشاشة لقتْ المُتصلة تالين فتحتْ الخط .. ليلى:ألو تالين. تالين: ................ #على_الهامِشْ : يحتفلون بمولدهِ وَيكرهون سُنّته وَلحيتهُ وقميصه ونقاب زوجاته.. إن مُحمدًا ﷺ يُطالبكُم بإقامة الدِين لا بإقامة المُولد.. فـ ياراقصًا طربًا بِحفلِ المَوْلدِ يا زاعمًا حُبَّ النّبيّ محمّدٍ لو كانَ حُبّكَ صادقًا لأطَعْتَهُ قولًا وفعلًا دُونَ أيّ تَردُّدِ #صلوا على الحبيب ﷺ💛🌻. .*يتبــــــــــــــــــــــــــــــــــــــــــــع*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏