*#مَشْوَار _ إِلْتِزَام《16》* *#بِقلم: أسرار جُمعة 💛.* *ـہہہـ٨ــــہہہــــــہہہـ٨ــــہہہـ* ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏#بعد مرور 5 شهور : حصلتْ أحداث كتيرة فِي الخمسة شهور دي منها إنو تالين بدتْ تلتزم و تحاول تصلح مِن نفسها، طبعًا الحمد لله هي بقت كويسة و كان طلعوها مِنْ المُستشفى بعد تلاتة أسابيع مِنْ الحادث. صحيتْ بليل لِلقيام لقيت تالين صاحية و قاعدة تصلي أبتسمتَ و مشيتْ أتوضيت و صليتْ أذان الفجر أذن صلينا و صحيت أمي صلتْ طبعًا أمي بقتْ تصحى و تصلي صلاة الفجر فِي وقتها و ده بعد أتعلمتْ و بقتْ تسمع عن عقوبة تأخير صلاة الفجر عن وقتها و فضل الصلاة فِي وقتها قريتْ وردي و خلصتَ مشيتْ المطبخ؛ عشان أسوي الشاي و خليتْ تالين بعد صلت بقت قاعدة فِي المصلاية و تقرأ قرآن. شربنا الشاي و بعد خلصنا أمي قالت لي تالين أرفعي الكبابي غسليها تالين قالت ليها : كويس يا أمي بعد شوية بغسلها بس أخلص الوِرد بِتاعي مشت بقتْ تقرأ و واصلنا كلامنا أنا و أمي ساعة كاملة و تالين لسه ما طلعتْ تغسلها! أمي مشتْ الغرفة قالت ليها : يا تالين مُش أنا قُلتَ ليكِ غسلي العدة دي؟ تالين: حاضر يا أمي بس هدا قربتَ فضل لي 5 أجزاء بس أخلصهم و أمشي. أمي عاينت ليها مسافة و مشتْ جات دايرة ترفع الكبابي؛ عشان تغسلها قلت ليها : لالا يا أمي خليها أنا بغسلها شلتها غسلتها بعدين نضفتَ البيت #عِند الساعة 10:30 صباحًا : ليلى: يا تالين. ماف رد! ليلى: يا بت تااالين. ماف رد! كُنتَ قاعدة فِي الغرفة طلعتَ ليها برا .. تنزيل: يا أمي عايزة حاجة؟ ليلى: بس كان عايزة تالين دي تجي تخُتَ الفطور. تنزيل: طيب أنا بَخُتو. مشيتْ شُفتَ تالين دي وين؟ لقيتها قاعدة تصلي مشيتْ المطبخ فتحتَ التلاجة طلعتَ السلطة و قطعتها و طعمتَ الفول و الزبادي عملتَ ليهو سكر و دقيت الشطة و عملتَ البيض المُهم الفطور جهز و مشيتْ وديتو لي ناس أمي؛ عشان نفطر بس لقيت أمي براها ليلى: أختك دي وينها؟ تالين: قاعدة تصلي. ليلى: قاعدة تصلي تراويح هي أصلو. أنتظرناها لَمِن الأكل برد! جاتْ بعد مسافة .. ليلى: من قبيل أنا قاعدة أناديكِ ما سامعاني؟ تالين: سامعاكِ بس كُنتَ قاعدة أصلي. ليلى: دي صلاة شنو القاعدة تصليها مِنْ قبيل دي؟ تالين: صلاة الضحى. ليلى: و كم ركعة هي؟ تالين: أقلها أتنين و أكثرها تمنية. ليلى: و أنتِ صليتِ كم؟ تالين: تمنية. ليلى: و بِتصليها التمنية كلها بِسلام واحد؟ تالين: لا، تصلي أتنين و تسلمي أتنين و تسلمي لَمِن تَصلِي لِعدد الركعات العايزة تصليها. ليلى: طيب ما كان خلاص تجيني بين الركعتين؟ تالين: خُفتَ الوقت بتاع الصلاة يمشي و أفوتها؛ لانو هي وقتها بِنتهي قبل صلاة الظهر بِربع ساعة و أذان الظهر قرب. أمي ما علقتْ عليها سكتت و خلتها أكلتَ شوية و قمتَ بعدو أمي قامتْ و أخر واحدة تالين ليلى: يا تالين، أعملي لي شاي الفطور معاكِ، الليلة حاسة حيجيني صداع؛ لانو أخرتَ زمنو و فطرنا مُتأخرين الليلة. تالين: حاضر. تالين مشتْ غسلتْ يدها و دخلت الغرفة طوالي مشيتْ؛ عشان أشيل الشاحن من الغرفة لقيتها قاعدة في المصلاية و تسبح. تنزيل: يا تالين، ليه ما رفعتِ الصينية بعد قُمتِ و ما عملتِ لي أمي الشاي ليه؟ تالين: ثواني بس عِندي ورد تسبيح أخلصو و بمشي. تنزيل: تالين، أنتِ ما مُلاحظة لِنفسك؟ تالين"بِأستغراب": على شنو؟ تنزيل: أنك بقيتِ ما تتونسي معانا ولا بِتجي تقعدي مع أمي و أغلب الوقت بِتكوني براكِ و كُل الوقت مُنعزلة فِي الغرفة يا قاعدة تقري أو تصلي و لمن أمي تناديكِ تقولي ليها ثواني أخلص الحاجة الفلانية و بجيكِ. تالين: أي عايزة أكسب حسنات و ما عايزة أضيع وقتي فِي الونسة و الكلام. تنزيل: طيب أنتِ عارفة بِطريقتك دي مُمكن تكرهي أمي فِي الألتزام؟ تالين"بِأستغراب": كيف؟ تنزيل: مُتزكِرة قبل أسبوع وقت أمي وقت القيام نادتك؛ عشان تعصري ليها رجلها عملتِ شنو؟ تالين: مشيتْ ليها. تنزيل: لـٰكِن متين؟ تالين: كان اليوم التاني يوم الأتنين و أنا عايزة أصوم أقتداءًا بِالنبيﷺو عشان ربنا يبعدني عن النار سبعين خريفًا بِسبب صيام التطوغ، و الوقت ما كان حيكفيني أتسحر و أقرأ قرآن و أقيم الليل و أعصر ليها رجلها؛ عشان كِدا مشيتْ أتسحرتَ أول بعدين قِمتَ الليل و قريتْ قرآن حتى مشيتْ ليها. تنزيل: ده أول موقف من الحاجات الغلط البعملوها الناس الياداب داخلين طريق الألتزام أنو بِكونوا عايزين كُل الوقت يقروا قرآن و يصلوا و دي حاجة جميلة جِدًا أنو الشخص يكون همتو عالية أنو عايز رضا ربنا و عايزة يقرأ قرآن و كِدا لـٰكِن الغلط وين؟ أنو بعد مرات بِقدم سنة على فرض و برضو ما بكون دارس الأصول و بعمل حاجات كتيرة غلط و هو ما مُنتبه ليها. تالين: ما فِهمت! تنزيل: طيب بر الوالدين حُكمه شنو؟ تالين: فرض. تنزيل: و صلاة الضحى حُكمها شنو؟ تالين: سُنة. تنزيل: يلا من الأصول إنو الفرض قبل السنة، مثلاً أمي قاعدة تناديكِ و أنتِ قاعدة تصلي صلاة الضحى أو قيام الليل أو السنن الرواتب أو أيَّ صلاة من النوافل ركزي فِي كلمة النوافل دي، تقطعيها طوالي و تمشي تشوفيها عايزة شنو. تالين"بِصدمة": كيف يعني أقطع الصلاة! تنزيل: عديل كِدا، تمشي تشوفيها عايزة شنو بعد تقضي ليها أمورها حتى ترجعي تصلي صلاتك. تالين: طيب لو قاعدة أصلي صلاة الصبح كيف؟ تنزيل: لالا ما تقطعي فِي الفرض؛ عشان كِدا قبيل قُلتَ ليكِ ركزي فِي كِلمة النوافل دي سمح و لاطاعة لِمخلوق فِي معصية الخالق. تالين: طيب و لو قاعدة أقرأ قرآن؟ تنزيل: برضو توقفي قرأيتك تمشي تشوفيها عايزة شنو بعد تخلصي ليها أمورها ترجعي لِوردك، و برضو قبيل فِي خطأ عملتيهو وقت أمي قالت ليكِ أعملي لي شاي بعد الفطور ما عملتيهو و بعد أكلتِ ما رفعتِ الصينية؛ عشان تجي تسبحي، طيب يا تالين ذكر الله و التسبيح حاجة جميلة و كونو تسبحي كُل الوقت دي حاجة حِلوة و سبب لِمغفرة ﷲ لكِ و مُمكِنْ يكون سبب لِدخولك الجنة لـٰكِن كان ترفعي الصينية و تعملي لي أمي الشاي و تأخدي نية أنو العمل ده كلو لله و عشان يرضا عنك و أثناء ما أنتِ شغالة في المطبخ تسبحي و كِدا كسبتِ أجور أكتر، أولًا أجر التسبيح و الذكر، ثانيا أجر طاعة الأم، ثالثًا أجر شغل البيت و غسيل العدة بالنية الصالِحة. تالين: فعلًا. تنزيل: نجي لِنقطة انك قلتِ عايزة تقري كُل الوقت و ما عايزة تتونسي؛ عشان ما تضيعي وقت. تالين: أي. تنزيل: كونو أنك مُقيمة وقتك و أنو مُعتبراهو حاجة مُهمة فِي حياتك و ما عايزة تضيعيهو دي حاجة سمحة لـٰكِن يمكن طريقتك شوية تكون فيها غلط، مُمكن تجي تتونسي معانا شوية مدام القعدة ما فيها قطيعة و تأخدي بِنية نيل رضا الله أو نية أنو ترفهي عن نفسك شوية؛ عشان ترجعي لِلطاعة بِقوة و كِدا فِي كُل الأعمال بالنية دي و غيرها من النوايا أنحنا فاهمين مفهوم العبادة دي غلط! العبادة ما إنو أصلي و أصوم و أقرأ قرآن و الأعمال الظاهرة دي بس في عبادات غيرها ربنا بِحبها زِي حب الله، التوكل على الله، الأنابة، الرجاء.. و غيرها من الأعمال الباطنة و أيَّ عمل كان مُباح و أبتغيتِ فيهو وجه الله مُمكِنْ يتحول مِنْ عادة لي عبادة، و الدعاء و بر الوالدين و طلب العلم الشرعي برضو عِبادة، يعني لمن نجي نعرف العبادة هي أسم جامع لكل ما يرضاه الله تعالى مِنْ الأقوال و الأفعال الظاهرة و الباطنة. الظاهرة زِي الصلاة و عبادات الجوارح و الباطنة زِي التوكل و الأنابة و غيرها مِنْ أعمال القلوب. يعني زِي ما قاعدين نركز على عبادات الجوارح نركز برضو لي العبادات القلبية و أنا ما قاعدة أقول ليكِ كِدا؛ عشان تخلي قراية القرآن لا أبدًا و العياذ بالله بس قصدي قسمي يومك على تلاتة وقت لِربك و وقت لِناس البيت و تأخدي فيهو نية صالحة إنو تتونسي معاهم؛ عشان ترفهي عن نفسك شوية و ترجعي أقوى لِلعباده و كِدا أتحولتْ لِعبادة، و وقت لِنفسك تعملي ماسك لي وشك و شعرك، تهتمي بِنفسك، تكتشفي مواهبك و تنميها، تقري كُتب المُهم تطوري مِنْ نفسك و برضو تأخدي نية إنو الحاجة دي لوجه لله و كِدا أتحولتْ لِعبادة، يعني بِالمُختصر إنتِ كِدا كُل الوقت فِي عبادة. تالين: بس تحويل العادة لِعبادة ده ما فِهمتها! تنزيل: مثلاً بليل بدل تنومي؛ لأنك فترانة و عادة إنو الزول ينوم بليل مُمكن تنومي بِنية إنو؛ عشان تتقوي لِلعبادة و تصحي لِصلاة الفجر و كِدا بقت عبادة و عليها أجور. و تاني بدل تاكلي؛ لأنك جعانة و كِدا عادة مُمكن تاكلي بِنية تتقوي لِلعبادة أو تنفيذ أمر الله فِي قوله:{وكلوا و أشربوا} و كِدا بقت عبادة و عليها أجور. و فِي نظافة البيت بدل تنضفي؛ لأنك مُتعودة على أنك يومي تنضفي أو عشان مرت الجيران ما تجي تلقى البيت وسخان و تشيل حالك مُمكن تنضفي بِنية نيل رضا الله و كِدا بقتْ عبادة وعليها أجور. يعني فِي أعمال كتيرة مُمكن نكسب عليها أجور بِنيتنا بس أنحنا بِنضيعها علينا. تالين: الكلام ده كلووو أول مرة أعرفو! تنزيل: أقري كُتب دينية كتيرة و أتفقهي عن الدين و فِي كتاب أسمو أصول الوصول لِمحمد حسين يعقوب رهيب شديد أقريهو، الكتاب ده لِلناس بِصورة عامة و لِلمُلتزمين بصورة خاصة و برضو كتاب حلية طالب العلم فيهم توضيح كتير لي حاجات غلط الناس البادين طريق الألتزام جديد قاعدين يعملوها. تالين: القاهم وين؟ تنزيل: داخلة قناة فِي التليجرام حقت كتب بعدين برسل ليكِ الرابط. تالين: تليجرام؟!! تنزيل: ما بِتعرفي تطبيق التليجرام؟ تالين: لالا. تنزيل: يا حليلك يا بتي نص عمرك ضايع كان كِدا! ياخ ده أحلى تطبيق و مُفيد شديد! مُمكن تدخلي معاهد فيهو أو تدرسي فيهو عادي و تدخلي قنوات حسب مجالك أو تِتعملي عن طريقو عِلم شرعي و فيهو خصوصية عالية و مُميزات كتيرة رهيبة. تالين: حمستيني أشوفو، أرح حولي لي. فتحتَ الشير و حولتو ليها عملتْ الحساب و رسلتَ ليها روابط قنوات، بقتْ تتصفح فيهو و عجبها سالتني إذا عِندي روابط قروب فتاوى تنزيل: ثواني بس عِندي قناة أسمها "قطوف" بتاعت فتاوى برسلها ليكِ. دخلتَ التليجرام و نسختَ رابط القناة. تنزيل: ده رابط قناة الفتاوى https://t.me/Qutooff و ده رابط قناة الكُتب الدينية https://t.me/Islamicbookssss تالين: تاني ما عِندك قنوات مُفيدة؟ تنزيل: عِندي قنوات كتيرة مُفيدة ديل روابطهم، قناة خُطواتٌ لِلأجر https://t.me/qqqqqqqqqqqqqwqqqq قناة محمد سيد الحاج https://t.me/Saidhaj قناة د. تيسير الصادق https://t.me/tayseerelsadigo أما البوتات المُفيدة بوت الشامل و زاد الحفاظ بِساعدك فِي حفظ القرآن @athrrrrBot @ZadAlhoffathbot تالين: طيب عِندك قناة روايات دينية؟ تنزيل: أي ثواني بس عِندي قناة روايات دينية بِقلم أسرار جُمعة ،ده الرابط https://t.me/asrarsr تالين:جزاك الله خير الجزاء. تنزيل: و جزاكِ. قفلتَ التلفون طبعًا كُنا قاعدين ندردش و انحنا جنب بعض، عادي بِنعملها كتير. مشيتْ قعدتَ مع أمي؛ لانو كانت قاعدة براها و حسيتْ بيها زِي الزهجانة ونستها لمن خليتها تضحك و لمن شفتها قاعدة تضحك تلقائيًا أنا بقيتْ أتبسم و حاسة نفسي أنو عملتَ أنجاز عظيم أنو أسعدتَ قلبها. قُمتَ من أمي و دخلتَ الغرفة، لقيتْ تالين قاعدة تبكي! تنزيل"بِخوف": تالين، مالك قاعدة تبكي؟! تالين: ............................ #على_الهامِشْ : اللهُمَّ أجبر بِخاطر كُل مكسور و فرّح قلب كُل حزين و فُك كرب كُل مهموم و حقق حلم كُل متمني يا الله. #كبروا💛🌻. .*يتبــــــــــــــــــــــــــــــــــــــــــــع*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏