*#مَشْوَار _ إِلْتِزَام《17》* *#بِقلم: أسرار جُمعة 💛.* *ـہہہـ٨ــــہہہــــــہہہـ٨ــــہہہـ* ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏تالين"وهي بِتبكي": شهد يا تنزيل، شهد ماتت! تنزيل "بِأستغراب": شهد منو؟ تالين: شهد البطلة فِي رواية كفى بِنا غفلة. تنزيل: يااااخ طيرتِ لي قلبي، أنتِ قصدك الرواية و أنا قُلتَ البت حاصل ليها شنو! تالين: يا حليلك يا شهد كُنتِ فعلًا أسم على مُسمى، ربنا يرحمك. تنزيل: أنتِ الحق تزعلي على شهد و لا على آلاء يا بت؟! ما شُفتِ الاء خاتمتها كانتْ كيف! تالين: واي ما تذكريني أما موقف موت آلاء ده بكيتْ فيهو لَمِنْ جاني صداع مِنْ البكا! و أكتر لحظة أثرتْ فيني لمن أمها قالت ليها قولي : أشهد أن لا إله إلا الله و آشهد أن محمد رسول قالتْ ليها : يا أمي ما قادرة أنطقها و فجأة بقت تصرخ وتقول : أنا ما عايزة أدخل النار ما عايزة أدخل النار أبعديهم عني، يا ماما أبعديهم عني وتكرر الجملتين ديل تقريبًا كانت خلاص شكلها شافتْ الملائكة لـٰكِن ملائكة العذاب! و كان رُفع عنها الغطاء و أخر حاجة قالتها : أُشهدك إني أرى مقعدي فِي النار! ياخ الموقف ده خلاني أفكر فِي الحاجات الغلط القاعدة أعملها و أرجع نفسي عشرومية مرة و إنو ماف حاجة تِستاهل أخسر الجنة بِسببها، و برضو فِي معلومة أرعبتني جِدًا! تنزيل: اللي هي؟ تالين: تفسير الأية الفي سورة المرسلات، قوله تعالى: "إِنَّهَا تَرْمِي بِشَرَرٍ كَالْقَصْرِ (32)". تشير إلى نار جهنم وهي جاءت فِي القرآن الكريم فِي وصف النار وعذابها، و المعنى هنا أن النار تُطلق كالنيران شررًا كبيرًا يشبه حجم القصور أو قريبة منه! يعني أتخيلي الشرارة بس قدر القصر!! و ده يدل على قوتها وعظمتها، و مما يدل على بشاعة العذاب الذي يناله الكافرون والمذنبون فِي الآخرة! بِالجد حثتني الأية على الجهاد فِي سبيل الله و إنو أتخلى عن المعاصي و أصبر على الطاعة. تنزيل: الحمد لله أنو أثرتْ فيكِ. تالين: شديد، الحمد لله. تنزيل: خلاص رسليها لي صحباتك؛ عشان هم زاتهم يستفيدوا و الدال على الخير كفاعله. تالين: أصلًا رسلتَ ليهم الرابط بتاع القناة قبيل فِي الواتس و رسلتَ لي صحباتي فِي الفيس برضو لـٰكِن قالوا الرابط ما فتح ليهم! تنزيل: يلا لمن الرابط يكون حق تطبيق التليجرام و رسلتِ فِي الواتس أو الفيس و غيرها مِنْ التطبيقات و عايزة تفتحيهُ الا تعملي لِلرابط نسخ و ترسلي فِي التليجرام؛ عشان يظهر ليكِ و تدخلي بعدو. تالين: و نسمة صحبتي قالت لي ما عِندها تليجرام قالتَ أسألك إذا عِندها قناة فِي الواتساب. تنزيل: أي عِندها، ثواني أرسل ليكِ الرابط. فتحتَ التلفون دخلتَ الواتساب تحديدًا قناة أسرار جُمعة و نسختَ رابط قناتها و دخلتَ الشات بتاعنا أنا و تالين .. تنزيل: https://whatsapp.com/channel/0029Vacbme6DeOMzZHmMH12m تالين: ما عِندك رقمها؟ تنزيل: لالا لـٰكِن عِندي مُعرفها حق التليجرام. تنزيل رسلتْ لي تالين المُعرف و تالين دخلتْ فيهو طوالي و رسلتْ "السلام عليكم" و كانت أونلاين فطوالي ردتْ ليها .. أسرار: وعليكم السلام ورحمة ﷲ وبركاته. تالين: شيخة أسرار جُمعة؟ أسرار: عيوني بس ياريت لو كُنتَ شيخة. تالين: واي ما بصدق ياخ! يا بت، أنتِ بقيتِ قدوتي. أسرار: ربي يسعدك، بس أسرار دي زولة ساااااااي و ما بِتصلح لِلقدوة ف أفضل يا ست البنات ما تأخدي إنسان زيك قدوة، خلي قدوتك النبيﷺ و الصحابة. تالين: أنتِ عارفة مُتوقعاكِ ما تردي لي. أسرار"بِأستغراب": ليه؟ تالين: لأنك كاتبة و كِدا و نادرًا الكُتاب بردوا. أسرار: أول حاجة أنا لسه ما وصلتَ مرحلة الكُتاب الرهيبين ديلاك بس دي شوية معلومات حابة أوصلها لِلناس، و يمكن القاعدة ترسلي ليهم يكونوا فِي اللحظة ديك مشغولين و كِدا فنلتمس العذر لِلناس. تالين: واي ده كُلو و ما كاتبة رهيبة؟! مُتواضعة شديد أنتِ! أسرار: ده ما تواضع دي الحقيقة! #بِلسان أسرار : ما بحب الرسائل الزِي دي و لَمِنْ زول يمدحني بِستحي مِنْ ربنا جِدًا و بِتعجب مِنْ ستره! حرفيًا عجِزتُ عن تخيُّل العالَم بدون سَتر ربنا لينا! ماذا لو كان للذُّنوب روائح تخرُج مِنّا على قدرِ معاصينا؟! ماذا لو كُتِبَ على جِباهِنا المعصية التي ارتكبناها؟ ماذا لو وُجِدَ على باب بيوتنا شرحًا لِما فعلناه! ماذا لو عَلِمَ الناس بِما سترَهُ الله علينا!! نحن جميعنا عيوب لولا ستر ﷲ فاللهم أُستُرنا فوق الأرض وتحت الأرض ويوم العرض. .. #بعد مرور أسبوع : أتقدم لي صاحب أخوي و الليلة الرؤية الشرعية قريب المغرب كِدا الضيوف وصلوا .. كانوا خمسة نسوان ناس أمي أستقبلوهم و ناس أبوي أستقبلوا الرجال فِي الصالون. بعد مسافة طلعتَ سلمتَ ليهم و فِي واحدة قالتْ لي : يا بتي، تعالي أقعدي جنبي مشيتْ قعدتَ جنبها و طلعت دي أم العريس، و ماشاء ﷲ ظريفة آسمها "غادة" و عرفتني على باقي النسوان كان عمتو و خالتو و أتنين أخواتو، الكبيرة و أسمها "نجاة" دي أكبر واحدة مُتزوجة. و تاني فِي واحدة بِتكون فِي نفس عمري أسمها "سجى" بِتقرا فِي الجامعة. ظريفات طلعوا خاصة سجى دي حبيتها. بعد شوية امي قالت لي اخوي قال زمن الرؤية الشرعية مشيت برا مع توفيق عِندنا حديقة كِدا فِي البيت و فيها كراسي توفيق كان معانا فِي نفس المكان بس شوية بعيد مِننا صراحة كُنتَ خجلانة و مُدنقرة راسي الساعة الزول قال لي السلام عليكم ثواني؟!! الصوت ده أنا سمعتو وين؟ رفعتَ راسي؛ عشان اشوف ده منو لكن ما عِرفتو. لكن ليه أنا حاسة إنو الصوت ده مألوف علىَّ! رديتْ ليهو السلام. غيث"بِأبتسامة": كيف حالك يا تنزيل؟ تنزيل: بخير الحمد لله و أ أ أ أنتَ كيفك؟ غيث"أبتسم على خجلها و توترها": كويس الحمد لله. تنزيل: الحمد لله. غيث"و هو بِعاين لِلسماء":الجو الليلة حِلو، صح؟ تنزيل: أي دائمًا بحب الأجواء دي. غيث: وأنا كمان، الجو الهادي بيخفف التوتر و الضغوطات، تحبي تقرأي كُتب أو تسمعي موسيقى في الأوقات الهادية الزِي دي؟ تنزيل: بحب أقرأ كُتب، أما بالنسبة لِلأغاني الحمد لله ما قاعدة أسمعها بِفضل ﷲ. إبتسم لِأجابتها و كِدا عِرفها إذا بِتسمع أغاني ولا لا بِطريقة ظريفة. غيث: طيب بِتحبي تسمعي شنو؟. تنزيل: بحب أسمع قرآن و بودكاستات زِي بودكاست أنس أكشن، بودكاست قمم، بودكاست إيه المشكلة، و غيرهم كتير. غيث: أنس أكشن ده أسمو مُلفت بِتكلم عن شنو؟ تنزيل: بِيحكي فيهو عن السيرة النبوية بِطريقة رهيبة و مُشوقة. غيث: بحاول أسمعو أن شاء ﷲ. تنزيل: و أنتَ بِتسمع شنو؟ هل بِتسمع أغاني؟ غيث: لا الحمد لله ما بسمع أغاني، بحب أسمع قرآن. تنزيل: بِصوت منو؟ غيث: بِصوت الشيخ نورين و الزين محمد. تنزيل: حِلو، أنا بحب أسمع بِصوت أحمد خضر. غيث: ما حصل سمعتٌ ليهو. يعني هسه هوايتك القراءة صح؟ تنزيل: أي، القراءة دي بِِتوديني لعالم تاني خالص! غيث: طيب أسم كتاب قريتيهُ و عجبك؟ تنزيل: كُتب كتيرة شديدة منها، حديث الصباح حديث المساء علىى خطى الرسول ﷺ. السلام عليك يا صاحبي إلى المنكسرة قلوبهم لأنك الله، ثاني أثنين كوني أنتِ صحابية رسائل مِنْ النبيﷺ لكن أكتر كتاب أثر فيني شديد أسمو "رسائل من القرآن" لـِ أدهم شرقاوي و غير مِنْ طريقة تفكيري كتير. غيث: الكتاب ده مشهور، قريتو قبل كدا و عجبني. تنزيل: أصلًا كُتب أدهم شرقاوي كُلها جميلة اللهم بارِك. غيث: صح. تنزيل: القوامة يعني شنو؟ غيث: ذُكرتْ فِي سورة النساء لقوله تعالى: ﴿الرِّجَالُ قَوَّامُونَ عَلَى النِّسَاءِ بِمَا فَضَّلَ اللَّهُ بَعْضَهُمْ عَلَى بَعْضٍ وَبِمَا أَنْفَقُوا مِنْ أَمْوَالِهِمْ ..} و القوامة هي مَنْ يقوم على الشيء مِنْ حيث الرعاية و الحماية و الأصلاح، و الرجل قوام على المرأة يعني يرعاها و يلتزم بِالنفقات و الرئاسة عليهُ هو رئيس عليها و تكون رئاسة شرعية و قال ابن الباز : " الرجال قوامون على النساء لفضل الرجل على المرأة، وبما أنفق من ماله، وأنفق عليها، أعطاها المال، وأعطاها النفقة، فهو القوام عليها، وليس لها الخروج من بيته إلا بإذنه، وليس لها معصيته فيما أباح الله، عليها السمع والطاعة في المعروف، وهو القائم عليها في توجيهها وإرشادها، والإذن لها بالخروج، أو عدمه، إلا في المعصية، فليس لها أن تطيعه في المعصية؛ لأن الرسول قال -عليه الصلاة والسلام-: إنما الطاعة في المعروف لا طاعة لمخلوق في معصية الخالق. تنزيل: حِلو اللهُمَّ بارِك. غيث: هل مُحافظة على صلواتك؟ تنزيل: أي الحمد لله، و أنتَ هل بِتصلي الفروض الخمسة؟ غيث:أي بفضل ﷲ. تنزيل: فِي الجامع ولا البيت؟ غيث: فِي الجامع كلهم و لله الحمد. تنزيل: هل عِندك أهداف قاعد تحاول توصل ليها؟ غيث: أكيد، كُل واحد فينا الحق يكون عِندو أهدافنا و يحاول أنو يصل ليها و لازم كُل شخص يحاول كيف يصنع مُستقبل أفضل و كل واحد فينا عنده فرصة لِلنجاح و هنا بيجي دور الإصرار والطموح. تنزيل: صح. غيث: الحمد لله أنا عِندي طموح أطور نفسي في مجال العمل وأكون مُستقر في حياتي العملية و غيرها أهداف كتيرة. تنزيل: مُمتاز، الشخص الطموح دائمًا بيحقق نجاحات كبيرة ربنا يحقق ليك مرادك. غيث: أمين. و سالنا بعض تاني كذا سؤال و دردشنا شوية و خلصنا بعد كم يومين أديناهم رد الموافقة طبعًا بعد أستخرتَ كم مرة و بعدين أستشرتَ و توفيق زاتو قال لي أنو هو زول كويس و كِدا. و الليلة صحباتي عاملين لي قعدة و أهل العريس حيجوا و التوتر ألف! #على_الهامِشْ : أحبُّ القوامة، أحبُّ فكرة القوامة نفسها، أن يُنَزَّل أمر ربَّانيّ مُخصَّص لأجلي، مُقتضاهُ القيام على شؤوني، رعايتي، حمايتي، تأميني ماديًا ومعنويًا. أحبُّ كَوْني امرأة مُسلمة، مَحفوظة تحت مظلَّة الإسلام، لم أُترَك مُفرَدة لأعبث في الدنيا كما أشاء، وأتخبطُ بين جنباتها بلا دليل ولا هُوية، بلا مُرشد أو مُوجِّه.. بلا أب أو أخ أو زوج. أحبُّ معنى اللجوء، الاحتماء، الاستتار، التلحُّف بأحدهم، أن أسير في حِماهُ راغبة مُختارة، غير مقهورةٍ ولا مجبورة، وُجداني مُطمئن أنني أُعوِّل على سند إن مالت الدنيا لا يميل لأنه موثوق.. وإن مَلَّت الدُنيا لا يَمَل لأنه مسؤول، وأنا مسؤوليته.. أحبُّ فكرة أنني مسؤولية أحدهم. وأحبُّ للأنثى أن تستمتع بكونها أنثى تحت قوامة "رجل". _ آلاء وجيه #حوقلوا💛🌻. .*يتبــــــــــــــــــــــــــــــــــــــــــــع*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏