*#قِصَصُ_التَّائِبِينَ《06》.* *#الاخيـــــــــــــــــــــــــــــرة.* *#أسرار جُمعة.* *بِعنوان: [يلا نتوب].* ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏سعيد: قبل التوبة أسمي كان "سعي" حرف الدال بِعتبرو كان ما موجود؛ لأنو ما كُنتَ فعلًا سعيد كُنتَ عايش فِي ضنك و ضيق عجيب! فِي يوم سمعتَ درس عن التوبة و أثر فيني جِدًا و بقيتْ أتقرب مِنْ ربنا مِنْ اللحظة ديك و لما بقيت أبتعد عن المعاصي و أجاهد فِي الطاعة حسيتْ بِلذة القرب مِنْ الله و ياداب لقيتْ حرف الدال و أسمي بقى"سعيد" و بقى لي نصيب مِنْ أسمي. مُحمد: نسأل الله أن يديم عليك هذا الشعور و تكون دائمًا لك نصيب مِنْ أسمك. سعيد: اللهُمَّ أمين. مُحمد: جزاك الله خيرًا يا سعيد ونسأل الله لكَ الثبات. سعيد: و جزاك الجنة. مُحمد: مازن الإعلامي. مازن"وهو يبتسم": يا أهلين. مُحمد: أها الناس دي مُتشوقة تسمع قصتك و أنا أولهُم طبعًا. مازن: جِدًا. أصلًا أنا مِنْ الخرطوم و وقت الحرب طلعنا، أسأل الله أن يرجع الأمان و السلام لِلسودان. الكُل: اللهُمَّ أمين. مازن: يلا بعد طلعنا مِنْ الخرطوم مشينا بيت خالي و قعدنا معاهُم فِترة، فِي يوم قاعد جنب الباب بتاع ناس خالي جاتْ بت و شاغلتها و ده كان برنامجي ثابت كُل يوم بقعد جنب الباب و بشاغل بنات الناس و ناسي إنو عِندي أخت و إنو ربنا أمرني بِغض البصر و كان لدرجة فِي وحدات مِنْ يشوفوني بغيروا الشارع، أصلًا لا عِندي شغلة ولا مشغلة شغل ماف و جامعة مُقفلة و ما شغالين أونلاين و التلفون أتشفشف فِي الطريق وقت جايين لي ناس خالي يعني فاضي بِكُلو، أها فِي يوم قاعد أشاغل فِي بت جاتْ أختي طالعة مِنْ البيت و شافتني! و أنا أتوترتَ شديد وخجلتَ و خفتَ تكون سمعتني و فعلًا حصل الخايف مِنهُ و طلعتْ سمعتْ! "هسه أنتَ خجلان؛ عشان أنا شُفتكَ فما بالك بعدين وقت تقيف بين يدايَّ الله و يسألك؟ " قالت لي الجملة دي بس و دخلتْ أنا بقيتْ قاعد فِي مكاني و الجملة قاعدة تتكرر فِي أضاني "هسه أنتَ خجلان؛ عشان أنا شُفتكَ فما بالك بعدين وقت تقيف بيت يدايَّ الله و يسألك؟ " "هسه أنتَ خجلان؛ عشان أنا شُفتكَ فما بالك بعدين وقت تقيف بيت يدايَّ الله و يسألك؟ " الجُملة بس شغالة تتكرر لي و كُنتَ سرحان و خاتي عيوني فِي الأرض و بعاين فِي الفراغ أختي دي بقيتْ ما بقدر أعاين ليها زاتو و بحاول أتحاشى إنو ألقاها فِي البيت و كم يوم و أنا شغال أفكر فِي الموضوع ده، و فِي يوم كُنتَ نايم فِي السرير و سرحان فِي السقف جاتْ أختي قالت لي يا مازن بدون أعاين ليها قُلتَ ليها أي. أصلًا كيف أقدر أعاين ليها بعد الحصل ده و صورتي قدامها بقتْ مُشوهة و مهزوزة قِدامها؟! قالت لي : مازن، أنتَ ما كُنتَ كِدا قبل تدخل الجامعة! و بعتقد السبب لي تغيرك دا أصحابك الصاحبتهم فِي الجامعة الصاحب ساحب وهم مع الزمن بقوا يغيروك و يسحبوك لي طريق الضلال بدون ما تحس وأنا بعرفك يا أخوي و عارفة إنو جواك خير، مازن.. مازن"بِحُزن": أي يا مُزن. مُُزن"و الدموع فِعيونها": أنا عايزة أخوي الزمان. كلماتها وقعتْ فِي قلبي، و مِنْ اليوم داك أنا بقيتْ أجاهد إنو أرجع لي مُزن أخوها القديم و أحسن كمان. بقيتْ أمشي المسجد و صلواتي كُلها هناك و بديتْ حِفظ القرآن و ختمتو بِفضل الله و مُزن كانت بِتسمع لي أصلًا هي كان نزلتْ مركز تحفيظ وقت جينا بيت ناس خالي و ختمتْ ولاحظتَ هي زاتها بعد الحرب أتغيرتْ شديد و التزمتْ، فعلًا الحرب دي كانت لي خير! و صاحبتَ لي شباب كُتار مُلتزمين اللهُمَّ بارِك لقيتهُم فِي المسجد و فعلًا كانوا نِعم الصُحبة، بِأختصار أختي كانت سبب لي هدايتي. مُحمد: اللهُمَّ بارِك ربنا يحفظكم لِبعض. مازن: اللهُمَّ أمين. و فِي موقفين حصلوا معي و مِنْ الوقت داك ألتمستَ التغير الحصل فيني. مُحمد: و اللي هم؟ مازن: قبل أتغير كُنتَ قاعد جنب الباب زِي عادتي، جوا بتين ماشين فِي الطريق مِنْ شافوني واحدة قالت لي صحبتها براحة "أعوذ بالله". قالت ليها : مالك شُفتِ شيطان؟ قالت ليها : الولد القاعد برا داك هسه يضايقنا لفي لفي أرح نمشي بِالشارع التاني. و غيروا شارعهم و مشوا بِمسافة واحدة تانية لكن أبعد، يعني أتخيل تكون مؤذي لي درجة زول يغير أتجاهو؛ عشان أنتَ موجود! مُحمد"وهو بِضحك": كُنتَ عامل ليهُم رُعب قُلتَ لي. مازن: شديييد، ربنا يغفر لي. مُحمد: و الموقف التاني؟ مازن: الموقف التاني بعد أتغيرتَ كُنتَ ماشي على المسجد و نفس البتين ديلاك كانوا مارات لكن غضيت بصري سريع مِنهُم، الرجعتْ صحبتها اليوم داك قالت ليها : أقرصيني سرريع. قالت ليها : مالك يا بت؟ قالت ليها : بس أقرصي أنتِ. بعد قرصتها قالت ليها : يعني أنا ما قاعدة أتخيل! قالت ليها : فِي شنو أحكي؟ قالت ليها : الهسه مر بجنبنا و غضي بصرو ما عاين لينا دا الضيف القاعد بيت ناس عمو سعيد و كُل الوقت بكون قاعد برا البيت داك و يوم قُلتَ ليكِ نغير الشارع؛ عشان هو موجود، عرفتِ؟ قالت ليها : أي عِرفتو سبحان الهادي! و كُل واحدة بقتْ تضرب كف على كف و تقول سبحان مُغير الأحوال! و كملوا طريقهم. مُحمد: سبحان الهادي بِالجد. مازن: الحمد لله على نِعمة الهداية و أسأل الله أن يهدي جميع شباب المُسلمين و يعينهُم على غض البصر و يرزقهُم زوجات صالحات مُصلحات. الكُل: أمين. مُحمد: نورتونا جًِدا يا شباب أسأل الله أن تكون قِصصكم هذه عِبرة و عِظة لِجميع الناس و سبب لي هدايتهم وأن يثبتكم على دينه، فجزاكم الله خير الجزاء وبارك الله فيكم ونفع بكم. الكُل:اللهُمَّ أمين. مُحمد"وهو بِقبل على الكاميرا": أعزائي المُشاهدين، حا قد وِصلنا إلى نهاية حلقتنا التي كانت بِعنوان "قِصَصُ التَّائِبِينَ" و نرجو أن تكونوا قد أستفدتم و تحصلتم على معلومات جديدة و مُفيدة و أسأل الله العظيم رب العرش العظيم أن تكون هذه الحلقة سبب لي هدايتكم و رجوعكم إلى الله، ف أنتظرونا فِي لقاء قادم سبحانك اللهُمِّ و بحمدك أشهد أن لاإله إلاأنت أستغفرك وأتوب إليك. *النهــــــــــــــــــــــــاية*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏