*#قِصصُ_التَّائِبِينَ《05》.* *#أسرار جُمعة.* *بِعنوان: [ لاتنسى إن الدنيا فانيا! ].* ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏" جَمالُ الوُجودِ بِذِكرِ الإِلَهِ وتَصْفُو الحَياةُ بِنُورِ هُدَاهُ وتَطرَبُ نَفْسٌ لَهُ طَاعَةً وتَبلُغُ سَعْدًا إِلَى مُنتَهَاهُ فُؤادٌ شَغُوفٌ إِلَى رَبِّهِ أَحَبَّ رِضَاهُ، أَحَبَّ لِقَاهُ يَظَلُّ يَجِيءُ إِلَى رَبْوَةٍ قَرَارٍ، وَيَسْمُو، وَذَا مُبتَغَاهُ فَلَا لَهْوٌ يَثْنِيهِ عَنْ سَيْرِهِ وَلَا جَمْعُ مَالٍ تَغْشَى هَوَاهُ إِذَا مَا يُنَادِي مُنَادِي الفَلَاحِ تَرَاهُ لِذَاكَ يَحُثُّ خُطَاهُ " مُحمد: مرحبًا بِكُم مِنْ جديد فِي برنامجنا على قناة "سبيل الهدى"، و حلقتنا اليوم عن "قِصَصُ التَّائِبِينَ" و نواصل حلقتنا و سيروي لنا الأن عمنا عاطف قصة توبتهُ. عاطف: كُنتَ شغال فِي البنك و طبعًا عارف إنو فِي بنوك بِتشتغل بِالربا و كِدا و للأسف كُنا شغالين بِالربا أنحنا و بنقول ليها فوائد؛ عشان ما نحس بِالذنب و ندي الأشياء غير مُسمياتها زِي فِي ناس بِتقول لِلخمر مشروبات روحية، و لِلارتباط و العلاقات المُحرمة علاقات عاطفية، و لِلفاسقة نقول ليها فنانة و مُغنية فالأفضل نرجع كُل حاجة لي مُسمياتها الأصلية و ما نجمل الحرام ،المُهم قروشي بقت كتيرة شديد لما عملتَ سفينة و بقيتْ أنقل بيها المواشي و كُنتَ دائمًا بلقى الأية اللي بِتقول : "يَا أَيُّهَا الَّذِينَ آَمَنُوا اتَّقُوا اللَّهَ وَذَرُوا مَا بَقِيَ مِنَ الرِّبَا إِنْ كُنْتُمْ مُؤْمِنِينَ * فَإِنْ لَمْ تَفْعَلُوا فَأْذَنُوا بِحَرْبٍ مِنَ اللَّهِ وَرَسُولِهِ" و كُنتَ بقول بِقلبي وين الحرب؟ هدا أموري ماشة زِي الفُل. و عملتَ لي مرتي دهب بِالمليارات و أخواتي أشتريت ليهم كُل واحدة فيهُم عربية، بعد فِترة تعبتَ و مشيتْ المُستشفى و كانت المُفاجاة طلع عِندي كانسر! و بقيتْ قروشي كُلها أنفقها فِي العلاج لما خلصتْ و كانت جرعات الكيماوي سعرها غالية جِدًا! قروشي خلصت كلها و لما فلستَ كان عِندي جرعات لسه الحق أخدها فطلبتَ مِنْ مرتي لكن ما رضتْ و فوق ده ما وقفتْ معي ومشتْ لي أهلها و طلبت أطلقها، فضل لي أخواتي مشيتْ ليهُم برضو ما رضوا يدوني؛ عشان أتعالج فبقيت أمشي لي أصحابي و أشوف معارفي و كُلهم ما رضوا يدوني؛ لانو قالوا أنا مُستهبل معقولة مرتو عِندها الدهب ده كُلووو و أخواتو سايقات عربات و هو تاجر مواشي و ما يكون عِندو حق العلاج؟! و هنا فِي اللحظات دي ياداب حسيتْ إني مُحارب بِالجد! يعني أتخيل يجيك كانسر، تفلس و تخسر كُل قروشك، مرتك تمشي بيت أهلها وتقول عايزة تطلق، أخواتك ما يقيفوا جنبك و أصحابك يخلوك فِي عز حوجتك ليهُم فِي حرب أكتر مِنْ كِدا؟! و ياداب أستشعرتَ الأية " يَا أَيُّهَا الَّذِينَ آَمَنُوا اتَّقُوا اللَّهَ وَذَرُوا مَا بَقِيَ مِنَ الرِّبَا إِنْ كُنْتُمْ مُؤْمِنِينَ * فَإِنْ لَمْ تَفْعَلُوا فَأْذَنُوا بِحَرْبٍ مِنَ اللَّهِ وَرَسُولِهِ " بِالجد المال الحرام بهلك صاحبو و هو مِنْ أسباب عدم إستجابة الدعاء و الربا عِندو صور كتيرة مُتداولة حاليًا في زمنا دا فالزول يحاول يبتعد عن الربا بِكُل صورو و يتقي الله و ربنا أكيد حيجعل ليهو مخرج. مُحمد: جزاك الله خيرًا يا عمي عاطف و نسأل الله لكَ الثبات. عاطف: و جزاك يا أبني. مُحمد: يلا دورك يا إبراهيم، أتفضل. إبراهيم: أول كُنتَ عايش فِي الدنيا دي كأني ضامن إنو حأعيش فيها للأبد! موسيقى، عدم ذكر، ما بعمل أعمال صالحة كتيرة و عدم صلاة و غيرها مِنْ المعاصي.. يعني كُنتَ ناسي إنو الدنيا فانية و مُنغمس فيها لِدرجة بعيدة! بٍأختصار كُنتَ زول دنيا زِي ما بقولوا، و فِي يوم عمتي تعبتْ و وديناها المُستشفى عملوا ليها عملية و الحمد لله نجحتْ و قالوا تاني يوم حيخرجوها أها رجعنا البيت و تاني يوم مشينا ليها و الغرفة كانت اللهُمَّ باركِ ملانة بِالأهل و عيالها و أحفادها و حتى هي كانت كويسة و قاعدة تتونس فجأة قالت بِأستغراب : مين الناس اللابسين أبيض ديل؟ أنحنا بقينا نتلفت و كان الغريبة إنو ما لقينا زول فِي الغرفة لابس بِاللون الأبيض! تاني قالت : الله، ديل الملائكة يا أولاد أنا قاعدة أموت يلا نردد لا إله إلا الله. الناس كُلها بقتْ تردد معاها و هي بِتردد بِكُل سهولة و يُسر عكس بعض الناس لما يكونوا قاعدين يحتضروا ما بقدروا ينطقوا الشهادة، و أنا بقيتْ واقف و مصعوق و مصدوم شديد، يعني هسه ملك الموت قريب مِني لِلدرجة دي و معانا في نفس الغرفة؟! مُجرد التفكير فِي الموضوع عمل لي رُعب و حسيتْ عقلي وقف مِنْ التفكير و رجلي أتشلتْ مِنْ الحركة و أطرافي بِردت! يوم كان فٍي قمة الرُعب و مِنْ اليوم داك أنا تُبتَ، يمكن أنا كان مُحتاج فعلًا إنو حاجة تزكرني بِالموت و قد حصل. مُحمد: الله على حُسن الخاتمة! عمتك كانت بِتعمل شنو؟ إبراهيم: عمتي دي كانت زولة طيبة شديد ما بِتحقد و لا تحسد زول و كانت دائمًا بِتصلي قيام الليل، و مِنٰ اليوم داك أنا بقيتْ أجاهد إنو أخلي قلبي سليم و ما خليتْ قيام الليل يفوتني ولا يوم. مُحمد: ماشاء الله تبارك الله. إبراهيم: بارك الله فيك. مُحمد: جزاك الله خيرًا يا إبراهيم و نسأل الله لكَ الثبات. إبراهيم: و جزاك خير الجزاء. مُحمد: سعيد يا سعيد عايزين نسمع قصتك و قبل دا عايزين نعرف هل ليك نصيب مِنْ أسمك؟ سعيد: ................. #على_الهامِشْ : وأنت مشغولٌ في الدنيا وفي التفكيرِ في الذي سيأتي، لا تنسَ أنها مجرّدُ مرحلةٍ، وقد تنتهي في أيِّ لحظةٍ. فلا تُعظِّمِ الدنيا في قلبِكَ، وركِّزْ على الهدفِ. قالَ النبيُّ صلّى اللهُ عليه وسلّم: "ما لي وما للدنيا، ما أنا في الدنيا إلّا كراكبٍ استظلَّ تحتَ شجرةٍ ثمّ راحَ وترَكَها." اللّهمَّ لا تجعلِ الدنيا أكبرَ همِّنا، وارزقْنا الجنّةَ ونعيمَها. #يَتْبَعُ ...