*#قِصَصُ_التَّائِبِينَ《03》.* *#أسرار جُمعة.* *بِعنوان: [ اِرْجِعْ لِرَبِّنَا حَتَلَاقِيهِ مُسْتَنِّيَكْ ].* ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏"فَرْشِي التُّرَابُ يَضُمُّنِي وَهُوَ غِطَائِي حَوْلِي الرِّمَالُ تَلُفُّنِي بَلْ مِنْ وَرَائِي وَاللَّحْدُ يَحْكِي ظُلْمَةً فِيهَا ابْتِلَائِي وَالنُّورُ خَطَّ كِتَابَهُ أُنْسِي لِقَائِي وَالأَهْلُ أَيْنَ حَنَانُهُمْ بَاعُوا وَلَائِي وَالصَّحْبُ أَيْنَ جُمُوعُهُمْ تَرَكُوا إِخَائِي وَالمَالُ أَيْنَ هَنَاؤُهُ صَارَ وَرَائِي وَالْإِسْمُ أَيْنَ بَرِيقُهُ بَيْنَ الثَّنَائِي هَذِهِ نِهَايَةُ حَالِي، فَرْشِي التُّرَابُ فَرْشِي التُّرَابُ يَضُمُّنِي وَهُوَ غِطَائِي" مُحمد: مرحبًا بِكُم مِنْ جديد فِي برنامجنا على قناة "سبيل الهدى"، و حلقتنا اليوم عن "قِصَصُ التَّائِبِينَ" و نواصل حلقتنا و سيروي لنا الأن غسان قصة توبتهُ. غسان: فِي يوم كُنتَ فِي معصية و عايز أدخل بِالابتوب فِي مواقع ما كويسة بس فجأة الكهربا قطعتْ و اللابتوب فصل! كأنو ربنا بِقول لي لا و بمنعني. بعد مسافة الكهربا جاتْ و أنا لسه غافل و مُصر فوصلتَ اللابتوب فِي الشاحن مرة تانية بس أثناء ما أنا قاعد و بشاهد جاتْ عمتي داخلة فجأة الغرفة بدون تضرب الباب، و بقتْ تفتش جنب اللأبتوب فِي تلفونها قالت أحتمال ولدها جابوا هنا و هي ما شايفة الشغال! و أنا متوتر شديد و خُائف إنو تشوفو و أتفضح، ما لقت غرضها فطلعتْ و قفلتْ الباب و أنا أنهرتَ بِالبُكاء وراها، تسترني يارب و أنا أعصيك، تسترني و أنا فِي عز المعصية! و فِي نفس اليوم ده لقيتْ بوست مكتوب فِي السوشيال ميديا كأنو الكاتبو قاصدني كاتب : " إذا كُنتَ فِي معصية و سمعتَ صوت مِنْ الخارج و خُفتَ أن يراك أحد.. خوفك هذا أعظم مِنْ الذنب الذي تفعله؛ لأنك خُفتْ مِنْ البشر و لم تخف مِنْ رب البشر! " ومِنْ اليوم داك أعلنتَ توبتي و كان سبب توبتي "ستر الله لي" ، وصح أخدتْ وقت؛ عشان أخلي المعصية دي و كان بقيتْ أصوم؛ عشان أخليها و فعلًا الصيام كان ليهو أثر كبير و كان كل ما احس انو عايز ارجع طوالي بشغل نفسي بي أي حاجة و بقيتْ أدعي كتير إنو ربنا يبعدني عن الذنب ده؛ لأنو يا حسرتي لو مُتَ و أنا مواصل فِي المعصية دي بدون أتوب و مُمكِنْ عادي يكون سبب لي هلاكي، و حيث لاينفع الندم حينها! فبالجد ربنا ساتر عفوًا قصدي ستير؛ لأنو ساتر ما مِنْ أسماء الله الحُسنى بل أسمهُ "الستير"، ربنا ستير جِدًا و ما بفضح العبد مِنْ أول مرة، و مِنْ اليوم داك بقيتْ بِعيوني العصيتْ بيها ربنا دي بخليها تقرأ القرآن بِالساعات و بعاين بيها لي كُتب العلم. مُحمد: سبحان الستير! قصتك دي زكرتني بِالمرأة اللي أبنها سرق. غسان: بِتقول شنو؟ مُحمد: فِي واحد كان سرق و عمر بن الخطاب كان عايز يقيم عليهو الحد بي إنو يقطع يدو فقيل إنو أول مرة يسرق فعمر بن الخطاب قال لا ليست أول مرة؛ لانو ربنا ما بفضح العبد من أول مرة و فعلًا طلعت تقريبًا المرة الواحد و عشرين! غسان: فعلًا ربنا ما بشيل الستر مِنْ عبدو مِنْ أول مرة و لو شاء إنو يتفضح مِنْ أول مرة أكيد لِخير ليهو و يمكن ده يكون سبب لي توبتو. مُحمد: جزاك الله خيرًا يا غسان و نسأل الله لكَ الثبات. غسان"وهو يبتسم": أمين وياك يا غالي. مُحمد: يلا يا سامر حابين نسمع قصتك شيخنا صغير العمر كبير العقل. سامر"وهو بِبتسم": حياك الله و بياك سعيد جِدًا بِوجودي معاكُم و جزاك الله خيرًا أخي مُحمد على الأستضافة الجميلة دي. مُحمد: أنحنا الأسعد بِوجودك معانا. سامر: حبيبي و الله. تصدق يوم توبتي هي يوم وفاة أبوي. مُحمد: يازول! سامر: بِالجد، أصلًا أنا عائلتي كُلها كانت مُلتزمة اللهُمَّ بارِك الأ أنا! أمي كانت شيخة و بِتقري فِي مركز تحفيظ جنبنا وبِتسوق معاها أختي الصغيرة عمرها 10 سنوات، تصدق أختي دي اللهُمَّ بارِك بِتصلي و بِتصوم و خاتمة القرآن و بِتسمع لِلناس فِي المركز كمان! مُحمد: ماشاء الله تبارك الله. سامر: يعني بدل أنا أكون ليها قدوة كانت هي لي قدوة، و خير القدوة! فِي الوقت داك أنا عمري كان 14 سنة صح كُنتَ بصلي و كِدا لكن سريع سريع؛ عشان أبوي ما يشاكلني وقت يسالني، أبوي كان شيخ و مؤذن فِي الجامع و كونو شخص يكون مؤذن دي حاجة جميلة جِدًا و أجرها عظيم؛ لأنو هو برفع الأذان و كان فاقد بصرو ما بشوف يعني أعمى لكن كان راضي و أبدًا ما بِتسخط مِنْ الحاجة دي أو يوم قال أنا ما بشوف خلاص ما بمشي المسجد أو ما أحفظ القرآن، لا كان بعمل عباداتو و بكثر مِنْ الذكر و دائمًا بِقول "لا اله الا الله" كتير شديد و لما يلقى أخواتو يقطعوا فِي الناس أو بِتكلموا فِي مواضيع ما مِنها فائدة بقول ليهم مُش هسه أفضل بدل كلامكم ده إنو تذكروا ربنا؟ و لما شخص يسيء ليهو هو ما برد ليهو و كمان بِحِسن إليه! و أخوانو أكلوا الورثة بِتاعتو و بعد ده هو كان بِتصل ليهم؛ عشان يسلم عليهم، و وقت أقول ليهو يا أبوي أخوانك ديل أكلوا ميراثك و أكلوا حقك و بعد ده كُلو تتصل ليهم؟! بقول لي يا ولدي "مَنْ عصى الله فيك، طيعَ الله فيهُ" و أنا لي يوم الليلة بقيتْ أحاول أمشي بِنصيحة أبوي دي، و كان دائمًا بِحاول يتقي الله فِي جميع أفعال و أقوالو أبوي ده أحسبهُ و الله حسيبهُ إنو مِنْ الصالحين. مُحمد: اللهُمَّ بارِك. سامر:يوم مات الغرفة الكان قاعدين يغسلوه فيها كانت ريحتها ملانة بِالمسك! و وقت دخلتَ و قبلتَ رأسو ريحة المسك دي كانت قوية و جميلة جِدًا! و جسمو و وشو فيهُم نور أما وقت الدفن دي قصة براها! ياخ القبر ده كان فيهو نور عجيب! ربنا يرزقهُ الفردوس الأعلى و مِنْ اليوم داك أنا أتخيلتَ لو كُنتَ مكان أبوي و أنا اللي مُتَ، هل حتكون خاتمتي زِي دي؟ هل ح أموت و أنال حُسن الخاتمة؟ أتخيلتَ إنو الملائكة أخدت روحي و أنا لاهي فِي الدنيا و غافل عن الأخرة و أتخيلتَ إنو ملك الموت أخد روحي و لما يجوا؛ عشان يغسلوني خُفتَ وقت يكبوا موية كتيرة فِي وشي، وشي يسود بِسبب المعاصي! و أتخيلتَ حاجات كتيرة اليوم داك و أتوعدتَ إنو أتغير و أكون أبن صالح لي أمي و أبوي صح ما قدرتَ أكون الحاجة دي قبل موتو لكن قاعد أجاهد هسه و أتصدق و أدعي ليهو و شغال هسه أحفظ فِي القرآن و أحاول أعمل بيهو؛ عشان يوم القيامة البسو تاج الوقار أن شاء الله و قربتَ أختم بفضل الله، عسى ربنا يغفر لي و ينفعو بِالأعمال دي... "وقف مِنْ الكلام؛ لأنو العِبرة خنقتو و دموعو نزلتْ مِنهُ" سامر"وهو بمسح دموعو بِالمنديل": أبوي ده بِستاهل كُل خير، بِالجد كان نِعم الأب. مُحمد"بِتأثُر": ربنا يرحمو و يغفر ليهو و يجمعك بيهو فِي أعالي الجنان. سامر: أمين أمين. مُحمد: يا سامر، أنتَ مُمتحن شهادة سودانية صح؟ سامر: صح. مُحمد: و فِي نفس الوقت قاعد تحفظ فِي القرآن؟ سامر: أي. مُحمد: يلا فِي ناس كتيرة بِتوقف حفظ القرآن وقت المدارس و الجامعات تفتح بِحجة إنو الموضوع بأثر فِي قريتهم! هل الحاجة دي صح؟ سامر: لا أبدًا ما بآثر ما كان القران فِي شيء إلا باركه حتحس بِبركة فِي يومك و خاصة لما تبدأ صباحك بِالقران و يا سلام كان كُل يوم بعد صلاة الفجر تقرأ سورة البقرة كما قال النبي صل الله عليه وسلم إن أخذها بركة، الزول الكُل يوم ببدأ يومو بِالقران حيحس بِراحة و طمأنينة عجيبة و إنو هو أسعد واحد فِي العالم! حرفياً القرآن حيبارك ليك كُل حاجة فِي حياتك و الساعات بِتاعت الدراسة مُش بِتحس بيها قصيرة و ما بِتكفيك؟ بعد تبدأ قرأءة القرآن بِتحس إنو فِي بركة فِي وقتك و بِتقدر تنجز مهامك كُلها. مُحمد: جزاك الله خيرًا يا سامر نسأل الله المغفرة لأبيك و الثبات لكَ. سامر: أمين جمعًا يارب. مُحمد: علي لو مُمكِن تِتفضل و تحكي لينا قصة توبتك. علي: ........................ #على_الهامِشْ : _ يعني شنو التائب من الذنب كَمن لا ذنب له؟ = يعني حترجع إنسان نَقي من أيّ ذنب عملتو في حياتك، انتَ متخيل رحمة ربنا عليك؟ ربنا قال : " يَا أَيُّهَا الَّذِينَ آمَنُوا تُوبُوا إِلَى اللَّهِ تَوْبَةً نَصُوحًا" مستني شنو؟ ربنا قال توب وأستغفر وهو حيغفر "وَهُوَ الَّذِي يَقْبَلُ التَّوْبَةَ عَنْ عِبَادِهِ وَيَعْفُو عَنِ السَّيِّئَاتِ وَيَعْلَمُ مَا تَفْعَلُونَ" ربنا قال كمان أنا ح أعفو عن ذنبك ما ح أغفرو بس! _ طيب الفرق شنو؟ = الفرق إنو لما ربنا يغفر ليك الذنب بيفضل فِي صحيفة أعمالك إنمَا العفو عن الذنب يعني بيتمحي تمامًا، فربنا عفو غفور رحيم جِدًا! حتستنى شنو تاني؟ إنوي إنك تتوب و أستغفر *اِرْجِعْ لِرَبِّنَا حَتَلَاقِيهِ مُسْتَنِّيَكْ* #يَتْبَعُ ...