*#مَشْوَار _ إِلْتِزَام《18》* *#بِقلم: أسرار جُمعة 💛.* *ـہہہـ٨ــــہہہــــــہہہـ٨ــــہہہـ* ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏بنات المركز جوني و رميساء كانت معي مِنْ الصباح و ناس إرم ولارين برضو. الشغالين يدقوا فِي الدلوكة و القاعدات ينضفوا و المُوجودات فِي المطبخ بِساعدوا أمي ما قصروا نهائي! قريب المغرب بدوا لي الميكب خلصوا لي كِدا المغرب أذن قلتَ ليهم : ماشة أصلي و أجي. إرم: هسه يعني حتمسحي الميكب الشغالين فيهو مِنْ قبيل ده! صلي بعدين. تنزيل: أول حاجة الصلاة أهم مِنْ أيَّ حاجة، و بعدين متين؟ البرنامج ده مُمكِن يكون لي بعد صلاة العشاء أجمع الصلاتين يعني ولا كيف؟ ما بجي الكلام ده! و ثانيًا ما ح أمسحو ح أصلي بيهو كِدا. إرم: كيف يعني تصلي بيهو كِدا!، ما حرام لـٰكِن؟! تنزيل: طيب فِي واحدة سالتْ الشيخ ابن الباز فِي موقع إسلام ويب قالتْ ليهو : هل يجوز للمرأة أن تصلي وهي متزينة بالذهب والمكياج؟ الشيخ جاوب ليها و قال: " نعم، لها أن تصلي وهي متزينة بِالذهب، والملابس الجميلة والمكياج إذا كان المكياج نظيفاً طاهراً ليس به نجاسة فلا حرج في ذلك، لها أن تصلي مع الخشوع ومع الإقبال على الله عز وجل، الله جل وعلا يقول سبحانه في كتابه العظيم: يَا بَنِي آدَمَ خُذُوا زِينَتَكُمْ عِنْدَ كُلِّ مَسْجِدٍ [الأعراف:31] فالمؤمن مشروع له أن يصلي بزينته في المساجد بالملابس الحسنة والعمامة الحسنة، وهكذا المرأة إذا صلت في ملابس جميلة لا حرج .. إذا كانت مستورة عن الرجال الأجانب ما عندها أجانب فلا حرج في ذلك والحمد لله، والمكياج زينة لِلوجه جمال للوجه إذا كان لا يضره، يعني: مسحت وجهها بشيء مزين وينوره ولكنه لا يضره فلا بأس. إرم: أول مرة أعرف! تنزيل: عشان كِدا فِي حاجات ضرورية و الحق كُل مُسلم و مُسلمة يعرفوها زِي فقه الطهارة و الحاجات اللي بِكون يتعامل معاها فِي حياته اليومية. مشيتْ صليتْ و جيتْ لبستَ الفستان و حجبتَ الطرحة بِطريقة ظريفة. طبعًا أتحصنتَ و أمي وقت دخلتْ شافتني زغردت و حضنتي و بقتْ تبكي سعاد: ماشاء الله كبرتِ يا تنزيل بتي و بقيتِ عروس، ربنا يحفظك و يسعدك ثواني أحصنك ما تطلعي كِدا، و فعلًا حصنتني. تنزيل: اللهُمَّ بارِك، أنتِ زاتك طالعة حِلوة يا أمي. الناس وصلوا طبعًا اللمة بنات و نسوان بس، أهل العريس جوا كانوا أمو و أختو سجى، وقت طلعتَ النساوين بقوا يزغردوا و صحباتي يدقوا فِي الدلوكة و يغنوا لي و كان يوم لطيف جِدًا! .. #اليوم التالي : جوا دفعوا المهر و المبلغ ما كان كبير زِي حق الأيامات دي و حاجة مُبالغ فيها! و طبعًا الحاجة دي بناءًا على رغبتي و مُراعاة لي وضعو؛ و عشان البركة فِي حياتنا و تخفيف المهر مِنْ أسباب البركة فِي الزواج. فـ الناس بقوا يقولوا لي ده شنو عرس الرخصة ده؟ لـٰكِن ما أشتغلتَ بيهم الأهم أنو أنحنا مُتفقين حتى أبوي فِرح مِننا شديد و برضو تاني مِنْ الحاجات الشجعتني أني شوفتَ بوست لي صفية مُصطفى بِتحكي فيهو قصة عرسها، قالت : " تقدروا تاخدوا خطوة شُجاعة وتعرِّسوا بدون ما تعملوا عِرس؟! نحنا عملنا كده! أكتر من شهر عدَّا وما قادرة اعبِّر أو اكتب عن محطة من أهم محطات حياتي ولحظة اتمنيت ليالي طويلة إنها تجي وربنا يجبر فيها بي خاطري وينوّلني مرادي ويجمعنا على خير! قبل سنة لما لاقيت محمد، كانت من أول الحاجات اللي اتفقنا عليها إننا عايزين نعرّس بس بدون ما نعمل عرس. لأسباب كتيرة من أهمها إننا كنا طالبين البركة من ربنا في حياتنا ومن أول عتبات البركة دي هي تقليل المهر لأجل تكثير البركة مصداقًا لقول النبي ﷺ "أقلُّهُنَّ مهرًا أكثرُهُنَّ بَرَكة" والمهر ما هو بس اللي بتكتب في القسيمة وإنما كل الترتيبات اللي تسبق الزواج داخلة فيهو فما كنتَ راغبة فيها أو في الحقيقة ربّيت نفسي تربية عديل وجاهدتَ شديد عشان أقدر اوصل مرحلة أكون فعلًا لمن أقول إني ما عايزة أعمل عرس أكون مقتنعة بي كده! زي كل بت كان نفسي اعمل خطوبة وألبس دبلة ويشاركوني الفرح كل البحبّهم زي كل بت كان نفسي احجز صالة وألبس زفاف وأشوف روحي أحلى عروس وسط صحباتي وزي كل بت برضو كنتا اكيد ح افرح لو جابو لَي سَد مال يملا عيني قدام أهلي وهدايا تفرّحني ويغلّفوها لَي في أحسن المحلَّات لكن لأنه ده ما الهدف من الزواج، ولأنه برضو بسبب الوجاهات المجتمعية دي والعادات والتقاليد الكتيرة وما تدّيك الدرب دي هي المخلّية الشباب يخطبو بالسنين وما يخطو خطوة الزواج لأنها صعبة ومُكلّفة ومحتاجة راس مال من العُمر والقروش وغيرو! .. وهنا محمد كان مُصِر إصرار شديد إننا نكون خير قدوة لي أصحابنا في المجتمعات الطوعية+مجالس النور باعتبار إنها هي اللي جمعتنا وإنو بي خطوة زي دي مننا الناس ممكن فعلًا تتشجَّع وتاخدها خطوة جادة في تيسير موضوع الزواج ده دعيت ربنا كتير إنو ييسر لينا خطوة الزواج المُبَارك اللي يرضي ربنا ويرضينا نحنا من بعد رضاهو! كنتَ حقيقة متخوفة من ردة فعل أهلنا على القرار ده وبرضو ما أنسى إنو الدعاء هنا كان حاضر بقوّة إنو الكُل يكون سعيد بي اجتماعنا وزواجنا أكتر من كونهم منتقدين لفكرة الاكتفاء بي العقد وإلغاء المناسبة والحمدلله لقينا قبول تام ودعوات طيبة من الجهتين أهلي وأهل محمد -واختصارًا لي تفاصيل كتيرة قَد أحكيها بصورة منفصلة إن شاء الله في منشورات تانية بحيث يستفيدو منها البنات تحديدًا في إنهم كيف يفرحو بالبسيط والقليل وتكوني جميلة بي المُتاح- خلوني أقول إنو زواجنا كان عبارة عن: (عقد في الجامع بي بلح ومهر=5 ألف)! ومكالمات من اخواتي واخواني يباركوا لينا فيها عشان كل زول فينا بعيد عن التاني، ودعوات كثيرة طيّبة مِن أحبابنا وممن لا نعرف، صُداق مسمى بيننا قيمتهُ 5 ألف، ومجموعة من كتاب حصن المسلم هديتو لرفيقات المجالس اللَّاقيتهم وملأ السرور قلبي! وبركة رجوناها من الله بدلًا عن زخم العادات والتقاليد وتعقيدات المجتمع، وإيثارًا للبركة بدلًا عن صالة الأفراح وفستان الزفاف، واستبدالًا لكل تفصيلة ماديَّة كانت لتكونَ سببًا في تأخير الزواج في الأيام الصعبة دي لأن نلتقي على خير، فالحمدلله الذي أتمَّ لنا أمرنا، والحمدلله المُنعِم، والحمدلله اللي ملأ قلوبنا بي فرح أنسانا بيهو كل أيام الفقد والتفرُّق والعناء، والحمدلله اللي رزقنا البركة وطيب الشعور، وملا قلبنا بي الرِّضَا.. اللهمّ بارك لنا وبارك علينا واجمع بيننا أبدًا في خير، ما شاء الله لا قُوَّةَ إلا بالله وختامًا.. يا رب كل اتنين ساعيين لي الحلال يا رب تتِم ليهم أمرهم وتجمعهم من بعد شتات وترزقهم البركة " و قالت :........... #على_الهامِشْ : اعطوهن مع مهورهن : وفاء الوعد ولين الطباع وحسن الصحبة والتزموا بأن لا تطفئوهن، ولا تحزنوهن وأن تبقوا على الميثاق #هللوا💛🌻 .*يتبــــــــــــــــــــــــــــــــــــــــــــع*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏