*#مَشْوَار _ إِلْتِزَام《25》* *#الاخيـــــــــــــــــــــــــــــرة* *#بِقلم: أسرار جُمعة 💛.* *ـہہہـ٨ــــہہہــــــہہہـ٨ــــہہہـ* ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏تنزيل: الغلطان فِي القصة دي هي أصلًا فِي حاجات ما ينفع البت تتكلم فيها مع راجلها، يعني ما معقولة تحكي لي صحبتها عن راجلها الطيب و معاملتو حِلوة و زول كاريزما و جنتل مان و ما عايزة صحبتها تحبو؟! أو تحكي لِراجلها عن صحبتها الجميلة، الخلوقة، المؤدبة، الكُلها أنوثة، الأمورة و ما مُتزوجة كمان و عايزة أنو ما يحبها؟! أكيد هو مِنْ طلقها أول خيار حيجي فِي راسو صحبتها الجميلة ديك يعني ما معقولة أنتِ تجملي صورتها فِي راسو و تحكي صفاتها الكُل راجل بِتمناها و تفتكري أنو الموضوع عادي و هو عكس كِدا تمامًا! لازم ما تحكي لي راجلك عن صحبتك نهائي ولا لي صحبتك عن راجلك حتى لو مِنْ باب الفضفضة. و فِي حديث منهي شرعًا عن عدم وصف المرأة إمرأة أخري لزوجها ؛ لأنو ممكن يطلقك عشان يعرس البت الوصفتيها! أو ممكن يكرهك و يقارنك مع صحبتك ، قال النبي صلى الله عليه وسلم: "لاَ تُبَاشِرِ الْمَرْأَةُ الْمَرْأَةَ؛ فَتَنْعَتَهَا لِزَوْجِهَا: كَأَنَّهُ يَنْظُرُ إِلَيْهَا" فلا يجوز للمرأة وصف محاسن امرأة ومفاتنها أمام زوجها أي فتصف نعومة بدنها، ولينة جسدها، لزوجها، كأنه ينظر إليها، فيتعلق قلبه بها، ويقع بذلك فتنة، و النهي ليس مختصًا بالزوج وحده، وإنما هو عام للرجال، وحكمة النهي هي خشية الفتنة بِالموصوفة، أو تطليق الزوجة زِي ما هسه حصل لي صحبتك دي طلقوها و بقي ليها حار و خشمها بقى ملح ملح. و ما معنى إنو ما توصفي جمالها معناتو توصفي قُبح فيها أو كِدا؛ لانو كِدا غيبة و الغيبة مُحرمة، وقد عرّف النبي صلى الله عليه وسلم الغيبة بذكر الشخص بما يكره. فعَنْ أَبِي هُرَيْرَةَ أَنَّ رَسُولَ اللَّهِ صلى الله عليه وسلم قَالَ: أَتَدْرُونَ مَا الْغِيبَةُ؟ قَالُو: اللَّهُ وَرَسُولُهُ أَعْلَمُ، قَالَ: ذِكْرُكَ أَخَاكَ بِمَا يَكْرَهُ، قِيلَ: أَفَرَأَيْتَ إِنْ كَانَ فِي أَخِي مَا أَقُولُ؟ قَالَ: إِنْ كَانَ فِيهِ مَا تَقُولُ، فَقَدْ اغْتَبْتَهُ، وَإِنْ لَمْ يَكُنْ فِيهِ، فَقَدْ بَهَتَّهُ. صحيح مسلم. و تاني حاجة غلط المُطاعنات أنو تعملي فِي الأستوري و تكتبي كلام ما يليق أو تحكي لِلأهل كلهم وتبشعي بيهو فِي أي مكان! وين العُشرة؟ معقولة حياتك معاهو دي كُلها ما شفتِ مِنهِ حاجة كويسة؟ ماف داعي بعد الطلاق الناس تحكي المشاكل و الحاجة الحصلت ليها طلقتها؟ أمسك عليك لسانك و ما تقول صفاتها و فعلت و عملتْ. طلقتيهو؟ قصدي طلقك.. أمسكي عليكِ لسانك و ما تقولي صفاتو و فعل و عمل. و أصلًا الأخلاق بتظهر فِي النهايات و بعد الخلافات أما فِي البدايات كلنا خلوقين. فاتن: صح. رهف: حرفيًا. رفا: قلتِ إنو فِي حاجات ما ينفع البت تتكلم فيها مع راجلها تاني زِي شنو؟ تنزيل: تاني من الحاجات الما ينفع تحكيها ، سلبيات او عيوب عندها يعني تقول ليهو الحاجة الفلانية دي ما عاجباني فيني سواء فِي جسدها و شكلها أو صفاتها يعني تقول شايف الحبة القامت لي في وشي دي أو تقول ليهو أنا بسيء الظن فِي الناس و غيرو.. و هو ما بكون منتبه ليها هي ياداب كِدا بِتخلي يركز و برضو ما تحكي مشاكل أهلها؛ لانو بعدين لاقدر الله اتشاكلوا يقول لي أحمدي ربنا أنا أحسن مِنْ أخوكِ الفعل كدا كدا و أحسن مِنْ ود عمك العمل كدا و كدا و ما ينفع تحكي عن الماضي لو كُنتِ فِي علاقة غير شرعية و أستغفر الله ما تحكي أبدًا! و فِي نهي شرعًا عن هتك الستر ما دام تابت توبة صحيحة فالتوبة تمحو ما قبلها، والتائب من الذنب كمن لا ذنب له، و ما يلزمها إنو تكلم الخاطب أو أهلها أو راجلها بما وقعت فيه من الحرام، بل لا يجوز ليها إنو تفضح نفسها وعليها إنو تستر على نفسها لقول رسول الله صلى الله عليه وسلم: "... أَيُّهَا النَّاسُ قَدْ آنَ لَكُمْ أَنْ تَنْتَهُوا عَنْ حُدُودِ اللَّهِ، مَنْ أَصَابَ مِنْ هَذِهِ الْقَاذُورَاتِ شَيْئًا فَلْيَسْتَتِرْ بِسِتْرِ اللَّهِ، فَإِنَّهُ مَنْ يُبْدِي لَنَا صَفْحَتَهُ نُقِمْ عَلَيْهِ كِتَابَ اللَّهِ" رواه مالك في الموطأ. ربنا سترك ليه أنتِ ترفعي الستر ده؟ غلط، أوع تسمعي كلام الأفلام و المسلسلات و إنو لازم تقولي و نبدأ على نضافة و الكلام الخارم بارم ده و لو كنتِ مخطوبة قبلو و هو خطبك و بعدين سالك مِنْ السبب إنو لي خليتيهو؟ قولي ليهو ماف نصيب بس و أوع تحكي حاجة تاني. و ما ينفع تكتمي فِي نفسها و شغل التلميحات داك و تقول الحق هو يفهم، يعني تقول ليهو شفت ود ابن خالتي العمل لي مرتو كدا و مرت صحبك قالت لي إنو صحبك كل شهر في المرتب بطلعها و لمن قروشو كتيرة بشتري ليها دهب عبري ليهو عديل و قولي ليهو أنا عايزة الحاجة الفلانية بطريقتك دي لا حيفهم لا شيء و بعدين تزعلي ليه؟ لا ثواني تزعلي من شنو و انتِ ما قلتِ ليهو أنا عايزة؟ شغل التلميح ده ما ينفع. أتونسوا معي شوية و طلعوا بعد شكروني و قالوا لي تاني عايزين كُل فِترة نعمل قعدة جَبنة فِي بيت واحدة و تدينا نصائح. صراحة حبيتْ القعدة جِدًا ما فيها لا قالوا لا قلنا و أتكلمنا عن حياتنا و حاجات تخصنا و حاولنا نصلح مِنْ نفسنا و نعاين لي عيوبها أفضل من نعاين لي عيوب الناس. رتبتَ البيت و بعد مسافة جا غيث، عملتَ ليهو عصير و سالتو مِنْ الشغل كيف و أحوالو؟ و الحمد لله قال كويس. مشيتْ رجعتَ الكباية المطبخ و رجعتَ لقيتْ حاجة مُغلفة فِي السرير و بِفوق ليها وردة، عاينتَ ليها و بعدين عاينتَ لي و قُلتَ ليهو : دي لي أنا؟! قال لي : أي، لي مرتي الدائمًا واقفة جنبي. و قال لي : أفتحيها. فتحتها بِحماس و طلعتْ الهدية كِتاب "أنتِ أيضًا صحابية" لـِ أدهم شرقاوي! تنزيل: ياخ الكتاب ده أنا تعبتَ؛ عشان القاهو و فتشتَ كتير ما لقيتو قالوا لي ما مُتوفر هنا الا برا السودان. غيث: أي وصيتْ صحبي يجيبو لي معاهو كان جاي مِنْ السعودية. تنزيل: الله، ليه تعبتَ نفسك كِدا؟! غيث: ماف تعب كُلو يهون عشانك. حمدتَ ربنا على نِعمة الزوج الصالح و الوفي و الكريم و بِقدر تعب زوجته. غيث: الليلة عايزك تعايني لي نفسك بعيني أنا، و فِي نص فِي الكتاب ده موجه ليكِ أنتِ خصيصًا. تنزيل: بِقول شنو؟ غيث: هذه أنتِ! لقد اعتدتِ أن تنظري إلى نفسكِ بعينيكِ أنتِ فتعالي أُريكِ نفسكِ بعينيَّ أنا! مما جاءَ في خبر خلق أُمنا حوَّاء أنَّ الله تعالى لما خلقَ آدم عليه السلام وأسكنه الجنَّة استوحشَ فأخذ سبحانه قطعةً من ضلع آدم قطعة قريبة جدًا من القلب وخلقَ له منها حوَّاء لتؤنسه! هذه أنتِ! المرأة التي لا تكون الجنة بدونها جنَّة! أنتِ الأم التي جعل الله تعالى الجنة عند قدميكِ! وأنتِ الزوجة التي لا يكون الرجل رجلاً، إلا إذا أكرمكِ! وأنتِ البنتُ التي جُعلتْ حجاب أبيها من النار! وأنتِ الأختُ التي وصْلُها عبادة! وأنتِ العمّة التي توضعُ تاجًا على الرأس! وأنتِ الخالة التي قال عنها النبيُّ ﷺ: الخالة بمنزلة الأم! وأنتِ الجارة التي تُصان كأنها عِرض وأنتِ المسلمة التي كانت تُحرَّكُ لأجل كرامتها الجيوش أُهينتْ مرةً أمرأة مسلمة فصرختْ: وامعتصماه! فبلغتْ تلك الصرخة المعتصم فجهَّز لها جيشًا أوله عندها وآخره عنده! أنتِ الحضن الحنون الذي نأوي إليه هاربين من مشقة الحياة، وأنتِ الكتف الذي لا نستغني عن الاتكاء عليه رغم رقّته! وأنتِ العكّاز الذي لا نستغني عن الاستناد عليه رغم نعومته! وأنتِ مصنعُ الرجال ومهد الأبطال لستِ ضلعًا قاصرًا أبدًا، ولا مخلوقًا ضعيفًا يستحقُّ الشَّفقة، أنتِ نصف المجتمع! وأنتِ التي تلدين، وتربين النصف الآخر، كل رجلٍ جاء إلى الدنيا، كان يومً جنينًا في بطنكِ يأكل من صحتكِ وعافيتكِ! كل مَلكٍ، أو زعيم، أو مفكر، أو ثري، أو ناجح كان يومًا قطعة لحم صغيرة بين يديكِ! كل نبيٍّ أنتِ ربَّيتِه، وكل عظيمٍ أنتِ صنعتِه، فارفعي رأسكِ عالياً! *النهـــــــــــــــــــ💛ـــــاية*‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏