የባቡር ትራንስፖርት ደህንነትን ለማረጋገጥ በየደረጃው ከሚገኙ የህብረተሰብ ክፍሎች ጋር ተከታታይነት ያለው ውይይት፣ ምክክርና ግንዛቤ የማሳደግ ስራን አጠንክረን እየሰራን እንገኛለን፡፡ ይህን ተግባር ከአርብቶ አደር ዜጎቻችን ጋር በተከታታይ እያከናወንን ነው፡፡ የኢትዮ ጅቡቲ ባቡር ትራንስፖርት መሠረተ ልማቶችን በባለቤትነት መንፈስ በመጠበቅ ራሳቸውን ብሎም ንብረቶቻቸውን ከባቡር አደጋ እንዲጠብቁ ሰፊ ግንዛቤ እየተሰጠ ነው፡፡ የማህበረሰብ አቀፍ ግንዛቤ ማስጨበጫ የስራ ክፍል (Community Engagement Department) በአማርኛ፣ አፋን ኦሮሞ፣ በሶማሌና በአፋር ቋንቋዎች ትምህርትና ግንዛቤ በመፍጠር ትስስራችንን እያጠነከረ ይገኛል፡፡