የአብሮነት መድረክ- በሮሊንግ ስቶክ ኢትዮ ጅቡቲ ባቡር ካሉት በርካታ የሥራ ክፍሎች መካከል አንዱ በሆነው የሮሊንግ ስቶክና ሜንቴናንስ የሥራ ክፍል ( የባቡር ጥገናና ስምሪት የስራ ክፍል) የሰራተኞች አብሮነት መድረክ ተካሂዷል:: በመድረኩ የሮሊንግ ስቶክ ባለፉት አምስት ወራት ያስመዘገባቸው ስኬቶችን ይበልጥ ማሳደግ የሚቻልባቸው ሃሳቦች ተነስትዋል:: የስራ ክፍሉ ከነበረበት የቁልቁለት ጉዞ በመውጣት አስተማማኝ የከፍታ ጉዞ እያደረገ እንደሚገኝ የስራ ክፍሉ ሠራተኞች ተናግረዋል:: በኢትዮ-ጂቡቲ ባቡር የኦፕሬሽን ታሪክ ለመጀመሪያ ጊዜ አጠቃላይ የባቡር ሞተርን እና ፉርጎዎችን በተሳካ ሁኔታ ጠግነው ለአገልግሎት ብቁ ከማድርግ ጀምሮ በርካታ ስኬቶችን በማስመዝገብ ለሎጂስቲክስ ዘርፉ መሳለጥ አይነተኛ ሚና መጫወታቸ ተብራርቷል:: ለተመዘገበው ስኬት ዋና ስራ አስፈፃሚ ክቡር ታከለ ኡማ (ኢንጂነር) ለሰጡት በሳል የስራ መምሪያና ላደረጉት የቅርብ ድጋፍና ክትትል ሠራተኞቹ ምስጋና አቅርበዋል:: በዕለቱ የተለያዩ ስፖርታዊ ውድድሮችና የዕውቅና መርሀግብር ተካሂዷል::