پی ڈی ایم گورنمنٹ میں غیر ضروری تعطل کے شکار لڑم ٹاپ اور شوڑشنگ جاکڑ بابا روڈز کی تعمیر کا ٹینڈر جاری۔ایشین ڈویلپمنٹ بینک کے تعاون سے ان سڑکوں کی تعمیر بین الاقوامی معیار کے مطابق کی جائے گی، جس سے خطے میں ترقی اور سہولت کے نئے در کھلیں گے۔ چئیرمین عمران خان اور وزیر اعلیٰ علی امین گنڈاپور کے ویژن کے مطابق عوامی مفاد کے تمام منصوبے پایہ تکمیل تک پہنچائے گے۔ مزکورہ منصوبے کے تحت دیر لوئر میں مجموعی طور پر 48 کلومیٹر طویل سڑکیں تعمیر کی جائیں گی، جن میں سے 20 کلومیٹر سڑکیں تحصیل ادینزئی میں مکمل کی جائیں گی۔ 12.7 کلومیٹر طویل لڑم ٹاپ روڈ پر 70 کروڑ روپے لاگت آئے گی، جبکہ شوڑشنگ جاکڑ بابا روڈ پر 52 کروڑ روپے خرچ کیے جائیں گے۔ٹینڈر دستاویزات جمع کرانے کی آخری تاریخ 23 جون مقرر کی گئی ہے۔ اس کے بعد اسکروٹنی کا عمل مکمل کیا جائے گا اور جلد ہی تعمیراتی کام کا باقاعدہ آغاز ہوگا۔ یہ منصوبے نہ صرف علاقے میں زمینی رابطوں کو بہتر بنائیں گے بلکہ مقامی معیشت، روزگار، تعلیم اور صحت کے شعبوں پر بھی مثبت اثرات ڈالیں گے۔ عوام کو بہتر سفری سہولیات، تجارتی سرگرمیوں میں اضافہ اور سیاحت کے فروغ کے امکانات بھی روشن ہوں گے۔