*د غزني ولایت د امر بالمعروف ریاست رئیس او ورسره مل پلاوي د ګیلان ولسوالۍ ته سفر وکړ.* تېره ورځ دوشنبه ۱۴۴۶/۱۱/۲۸هـ ق د غزني ولایت د امر بالمعروف ریاست رئیس محترم *حافظ مولوي محمد عالم ناصح* او ورسره مل پلاوي د ګیلان ولسوالۍ ته سفر وکړ. د یاد سفر په بهیر کې یې په یوه لویه ولسي غونډه کې ګډون وکړ او ګډونوالو ته یې اصلاحي وینا وکړه. د وینا مهم ټکي دا وو: * په ټولنه کې د امر بالمعروف اهمیت او ضرورت. * د امر بالمعروف د قانون تشریح او د هغه اهمیت. * د امر بالمعروف له ادارې سره همکاري. * د معروفاتو په اقامه او د منکراتو په ازاله کې د علماوو، امامانو، د مدارسو او مکاتبو د استادانو ، ملي متنفذینو او د ولسي مشرانو رول او مسئولیت. * د ناسمو رواجونو د مخنیوي په اړه د راغلي فرمان د تعمیل په اړه لازم اقدامات کول او خلکو ته پوهاوی ورکول. دارنګه د خلکو مشورو ته وخت ورکړل شو او په اړوندو برخو کې د لازمو کړنو اطمینان ورکړل شو. همداراز د خلکو شکایتونه واورېدل شول او د څېړنې ژمنه ورسره وشوه. یادې غونډې ته د ولسوالۍ ولسوال، د علماوو د شوری رئیس او د ولس په نماینده ګي یوه مخور سپین ږیري هم ویناوي وکړې، د یاد فرمان هرکلی یې وکړ او د امر بالمعروف له ادارې سره یې د هر ډول همکاري وعده وکړه. همداراز محترم رئیس صاحب د یادې ولسوالۍ د ټولو ادارو له مسئولینو، مجاهدینو او د امر بالمعروف له محتسبینو سره مجلسونه وکړل او ارزښتناکې توصیې یې ورته وکړې؛ چې نچوړ یې دا وو: * له بیت المال سره احتیاط کول. * د اسلامي نظام اهمیت. * د ادراتو تر منځ د ښه تعامل او د ماتحت افرادو په اړوند د مسئولیت. * د معروفاتو په اقامه او د منکراتو په ازاله کې پوره کوښښ کول. *د غزني ولایت د امر بالمعروف ریاست رسنیز دفتر.*