*خوست کې د لوى اختر دویمه ورځ هم په ارامه او‌ ډاډمنه فضا کې ونمانځل شوه* نن يکشنبه د لوى اختر دویمه ورځ د ښار واټونه، پارکونه، د ولسواليو ښارګوټي، تفريحي سيمې او غرنیزې منظرې د خلکو د پُرشوره ګڼې ګوڼې کوربه وې او‌ ولسونو له هر ډول وېرې پرته اختریزې شيبې رنګينې وساتلې. دا اختر د امنيتي ځواکونو د کلکو امنيتي تدابيرو او قوي امنيتي پلان په تطبيق سره د با ثباته امنيتي وضعيت له امله د خلکو د خوښيو وړ ګرځيدلى او خلک کولاى شي په ډاډه ﺯړه د اختر ميلې ترسره کړي. هيوادوال دې ډاډه اوسي چې امنيتي ځواکونه ستاسو د سر او مال ساتنې مسٶليت ته ژمن دي او په هر ځاى کې ستاسو پر وړاندې د ټولو ننګونکو د له منځه وړلو لپاره شپنۍ او ورځينۍ هڅې دوامداره ساتي. *خوست امنیه قومندانۍ مطبوعاتي دفتر*