🥀 _*خدارا بچوں اور بچیوں کا رِشتہ دیکھتے وقت تھوڑا احتیاط کریں*_ 🥀 رِشتہ دیکھنے کا کام بڑی احتیاط سے کرنا چاہیے لیکن بعض لوگوں کا انداز سامنے والے کے لئے تکلیف دہ ہوجاتا ہے مثلاً جو عورتیں رشتہ دیکھنے جاتی ہیں کبھی لڑکی کو چَلا کر دیکھیں گی کہ کہیں لنگڑاتی تو نہیں دھوپ میں لے جاکر اس کے گورے رنگ کے اصلی ہونے کا یقین کریں گی بعض تو حد ہی کر دیتی ہیں کہ منہ کھلوا کر دانت چیک کرتی ہیں اس کے بعد بھی اتنی منہ پھٹ ہوتی ہیں کہ لڑکی کے سامنے ہی اس کے عیب گنوانا شروع کر دیتی ہیں کہ تھوڑی موٹی ہے اگر دُبلی (Smart) ہوتی تو ہم کچھ سوچتے قد چھوٹا ہے رنگ سانولا ہے تعلیم کم ہے عمر تھوڑی زیادہ ہے وغیرہ وغیرہ اس طرح کی صورتِ حال کا سامنا کبھی کبھار لڑکے والوں کو بھی کرنا پڑتا ہے رِشتہ پسند نہ آنے کی صورت میں کسی کی بہن بیٹی کے متعلق اپنی رائے کا اظہار کرنے سے پہلے ہزار بار سوچ لیجیے کہ اگر ایسا انداز میری بہن بیٹی کے لئے اختيار کیا جاتا تو میرے دل پر کیا گزرتی؟ اس لئے معذرت کرنے کا انداز بھی شائستہ اور ایسا نپا تُلا ہونا چاہیے کہ جس میں کسی کی دل شِکنی ہو نہ جھوٹ بولنا پڑے جو لوگ خواہ مخواہ نکتہ چینی کرکے اچھے رشتے ٹھکراتے رہتے ہیں بعض اوقات وہ اس حکایت کے مصداق بن جاتے ہیں کسی شخص کو ایک عرصے تک ایسی بیوی کی تلاش رہی جس میں زمانے بھر کی اچھائیاں موجود ہوں کسی نے پوچھا کیا ایسی بیوی ملی؟ اُس نے کہا ملی تو صحیح لیکن اُسے بھی ایک ایسی ہی خصوصیات کے حامل شوہر کی تلاش تھی جسے پانے میں وہ ناکام رہی یعنی پہلے اس کو کوئی پسند نہیں آتی تھی اب یہ کسی کو پسند نہیں آتا رشتہ طے کرنے سے پہلے کسی تجربہ کار شخص سے مشورہ ضرور کرلیں تلاشِ رشتہ میں سیرت اور صورت کے ساتھ ساتھ اس چیز کا خیال رکھنا بھی بے حد ضروری ہے کہ جس كا رشتہ طے ہو چکا ہو اُس کے ہاں پیغامِ نکاح نہ بھیجا جائے جیسا کہ رسولُ اللہﷺ نے فرمایا کوئی شخص اپنے بھائی کے سودے پر سودا نہ کرے اور اُس کے پیغامِ نکاح پر پیغام نہ دے مگر اُس صورت میں کہ اُس نے اجازت دے دی ہو (مسلم، ص626، حدیث:3812) اسی طرح بعض لوگ لڑکی والوں کی طرف سے رشتے کے انکار کے باوجود پیچھا نہیں چھوڑتے اس قسم کی ہَٹ دھرمی سے باز رہنا چاہیے رشتہ طے کرنے میں والدین کوچاہئے کہ اپنی بیٹی اور بیٹے کی رضامندی بھی پوچھ لیں اور ان کی مرضی کے خلاف زبردستی شادی ہرگز ہرگز نہ کریں ایسے رشتے زیادہ عرصہ قائم نہیں رہ پاتے بلکہ بسا اوقات والدین کی طرف سے اس بھیانک غلطی کا احساس اس وقت ہوتا ہے جب پانی سر سے گزر جاتا ہے *تحریر کو صدقہ جاریہ اور اللہ کی رضا کی نیت سے اپنے پیاروں کے ساتھ شیئر کیجئے ہو سکتا ہے آپ کی تھوڑی سی محنت یا کوشش کسی کی زندگی بدلنے کا ذریعہ بن جائے*