عارف ده ايه؟ دول شوية مشايخ أطباء ومهندسين ومدرسين واداريين وناس كده شالوا الدعوة وهم شباب لغاية لما شابت لحاهم في العلم والدعوة وادارة الدعوة شيوخ وشباب دارسين الواقع ومتابعينه بشكل جيد جدا ناس اتمرمطت في السجون واتمرمطت تعامل مع الجهات المختلفة في الدولة واتمرمطت تعامل مع الجماعات المختلفة خصوصا جماعات التكفير والعنف المهم دول حوالي ٦٠٠ واحد كده مجتمعين من أسوان لاسكندرية ومن سيناء لمطروح دول اسمهم مجلس شورى الدعوة السلفية كيان دعوي زي أي مؤسسة دعوية أو جماعة دعوية الكيان ده بيتناولوا فيه قرارات مصيرية كل واحد بيقول رأيه وأدلته ويدلي بالمعلومات اللي عنده أو في منطقته ويقترح ويعقب على القرارات الأخرى وفي النهاية بينزل تصويت على الآراء والجميع بيلتزم بالقرار حتى لو خالف هواه بل ويدافع عن القرار كما لو كان هو صاحب القرار ده اسمه عمل جماعي وأي مؤسسة ناجحة فيها آلية لاتخاذ القرار أنت بقى سميه تحزبا تعصبا سمه كما شئت لكنهم يتقربون الى الله بذلك عند نزول الملمات والقرارات المصيرية لا محتاجين بيعة ولا حد فوق القرار ولا حد بسنط من المركب كان فيه ناس حاولت تدخل ولم تستطع التأقلم فقفزوا من المركب وكونوا مراكب أخرى لا بأس كونوا كيانات أخرى وسموها كيفما شئتم طالما فيه منهج منضبط وبتاخدوا قراراتكم باجتهاد فلا بأس بقول الكلام ده ليه؟ لأن فيه ناس متخيلة أنه قراره أو رؤيته أو اللي هو شايفه هو الصح دوما وهو لم يدرس لا علم شرعي ولا يعرف الواقع ولا عنده خبرة في شيء انت متخيل ناس في مجلس الادارة بيتابعوا ملفات وأحداث خارجية عارفين ايه اللي بيحصل في السودان تفصيلا وايه اللي في ليبيا وفي سوريا وفي غ ز ة وبيتابعوا الناس هناك فضلا عن معرفتهم الشديد بالواقع هنا وموازين القوى فين ومواقع التأثير فين . فالناس دي بتاخد القرار بدراسة وتعب واستشارة واستخارة،وفي النهاية بيقول دا اجتهاد قد نخطيء ونصيب فيه. فلما تيجي تردد كلام واحد أجنبي عن هذا الواقع المتشابك وبينظرلك أنت تعمل ايه وتروح فين ويشوه صورة هؤلاء العلماء وطلاب العلم فاعلم أنك على خطر ومحتاج تراجع قراراتك وانطباعاتك وتتجرد من الهوى لله وحده كان زمان طلع أخ اسمه رضا صمدي تايلاندي وقاعد ينظر للشباب في مصر ويدفعهم للعنف عمل زي اللي بيعمله حسام عبد العزيز دلوقتي فالشيخ المقدم رد عليه بما قلته لك الناس دي يا اخواننا لا شاركوا في دماء بل شاركوا في حقن الدماء ولا ركنوا للظالمين بل حاولوا تقليل الظلم ولا سعوا للفساد بل لا زالوا يصلحون نصحوا الاخوان قبل السقوط ونصحوهم قبل الغرق وعبروا بالدعوة أمواج الفتن المتلاطمة أنا أعلم أنك قد لا تستوعب الكلام وقد تفعل كما يفعل العاجز قليل الحيلة يستهزيء تارة بالكلام وتارة بالايموشنات لكن صدقني لو تعلمت وفهمت واطلعت وسمعت ستتغير وجهة نظرك وعلى الأقل ستعذرهم