*یمن پر اسرائیلی جارحیت، دو بندرگاہوں کو شدید میزائیل اور فضائی حملوں کا نشانہ بنایا* یمنی ذرائع نے ملک کے مغربی بندرگاہوں حدیدہ اور صلیف پر اسرائیل کے میزائیل اور فضائی حملوں کی اطلاع دی۔ صنعاء - غیر ملکی خبررساں ایجنسی کے حوالے سے اعتماد نیوز کے مطابق، اسرائیلی رژیم نے یمن کے مغربی ساحل پر واقع دو بندرگاہوں حدیدہ اور صلیف کو فضائی حملوں کا نشانہ بنایا۔ یہ خبر ایک ایسے وقت میں سامنے آئی ہے جب اسرائیلی ٹی وی چینل 13 نے دعویٰ کیا تھا کہ اسرائیلی فوج نے مغربی یمن کی تین بندرگاہوں حدیدہ، صلیف اور راس عیسیٰ کو حملوں کا نشانہ بنایا ہے۔ غاصب صہیونی رژیم کے ریڈیو اور ٹیلی ویژن نے بھی رپورٹ دی کہ مغربی یمن پر فضائی حملے جاری ہیں اور الحدیدہ اور الصلیف کی بندرگاہوں کو نشانہ بنایا گیا ہے۔ صیہونی ٹی وی چینل 12 نے ایک سکیورٹی اہلکار کے حوالے سے بتایا: "اب تک حدیدہ اور صلیف کی بندرگاہوں کو درجنوں میزائلوں سے نشانہ بنایا گیا ہے اور آپریشن میں 10 جنگی طیاروں نے حصہ لیا۔" یمن پر اسرائیلی جارحیت کے ممکنہ جانی و مالی نقصان کے بارے میں ابھی تک کوئی رپورٹ شائع نہیں کی گئی۔ تاہم سوشل میڈیا میں زیر گردش تصاویر میں یمنی بندرگاہوں سے دھواں اٹھ رہا ہے۔" https://whatsapp.com/channel/0029VanFZjs2ER6hj6ghlA2S