عرفات کے میدان میں جب سورج اپنے عروج پر ہوتا ہے، تو زمین پر ایک ایسا اجتماع ہوتا ہے جو کسی اور موقع پر نظر نہیں آتا۔ رنگ و نسل، زبان و قبیلے کی تمام حدیں مٹ جاتی ہیں، اور صرف ایک شناخت باقی رہتی ہے — بندگی کی۔ یہاں ہر آنکھ اشکبار ہے، ہر دل خدا کی طرف مائل، لاکھوں انسان ایک ہی لباس میں، ایک ہی فریاد لیے، ایک ہی رب کے حضور جھکے ہوئے ہیں۔ نہ کوئی بڑا ہے، نہ چھوٹا۔ نہ بادشاہ کا رتبہ ہے، نہ فقیر کی محرومی۔ سب برابر، سب محتاج، سب دعا گو۔ عرفات کا یہ منظر انسانیت کی اصل تصویر ہے — ایثار، خلوص، محبت، عاجزی، اور خدا سے تعلق۔ یہ مقام صرف ایک عبادت کی جگہ نہیں، بلکہ روح کی تجدید، دل کی صفائی، اور بندے کے رب سے قرب کا مقام ہے۔ یہاں آنے والے جانتے ہیں کہ دنیا کی دوڑ، مال و زر کی کشمکش، نام و نمود کی چاہ، سب کچھ یہیں رک جاتا ہے۔ باقی بچتی ہے صرف ایک صدا: "لبیک اللھم لبیک" ایک ایسا نعرہ جو روح کی گہرائیوں سے نکلتا ہے اور آسمانوں تک گونجتا ہے۔ قاضی