*غیبت کی عادت کیسے ختم ہوئی؟!* ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ *امام عبد اللہ بن وہب مصری کہتے ہیں کہ میں نے یہ منت مان لی کہ اگر میں نے کسی کی غیبت کی تو اس کے بدلے ایک دن کا روزہ رکھا کروں گا۔* *چنانچہ جب کبھی غیبت ہو جاتی تو میں ایک روزہ رکھتا۔۔۔۔۔۔مگر میں روزے رکھ رکھ کر تھک گیا لیکن غیبت ہے کہ چھوٹ ہی نہیں رہی تھی۔* *پھر میں نے یہ نیت کی کہ اب اگر میں نے کبھی غیبت کا ارتکاب کیا تو ایک درہم صدقہ کروں گا۔۔۔۔۔چنانچہ پھر درہموں کی محبت سے میں نے غیبت کرنا چھوڑا...* *امام ذہبی رحمہ اللہ فرماتے ہیں: بخدا علماء ایسے ہوا کرتے تھے اور علم نافع کا ایسا ہی ثمرہ اور نتیجہ ہوتا ہے!۔* (سیر اعلام النبلاء 228/9)