صباح الخير، في أيام الامتحانات، لازم تقسم المنهج على مدى الكام يوم بتوعه، أقصد أنك لازم تعمل جدول أو خطة، تكتبها بخط واضح وتعلقها في مكان ظاهر، ومتزعلش ان متلتزمتش بيها مش مشكلة، اعمل تاني وتالت ورابع، هتذاكر النهاردة الكام ورقة دول وبكره دول وتنتهي من الشابتر ده في الوقت ده .. وهكذا. . الخطط مش بس بتقسم العمل، لكن ظني أن أهميتها الأكبر هي أنها بتنبهنا لضرورة الانتهاء من حجات مهمة، أن العدّاد بيعد، وده مهم، لازم جرس أحمر يلسوعك كل شوية. . في كل الاحوال حط في دماغك ان تقديراتك دايما مثالية، بتتجاهل حجم الوقت الضايع وقدراتك على الهضم، فبتبقا الخطط مأفورة شوية، لذلك أنا كنت دايما أعتبر نفسي كويس لو انجزت تلتين الخطة اللي في دماغي، وبرتب جدولي على كده، بحيث أسيب وقت للي هيقع من الجدول ده، واللي عادة بيكون تلته، بس انت أدرى بنفسك طبعًا لذلك حط ما تراه مناسبًا بعد النظر في حجم أفوَرتَك. #منقول-فقرة اتشجع وذاكر