🌹 *شہدائے جموں کشمیر* ✍️ *جنید صحرائی شہیدؒ — جہدِ آزادیِ کشمیر کا روشن باب* جنید صحرائی شہیدؒ کا نام مقبوضہ کشمیر کی تاریخِ حریت میں ایک روشن اور ناقابلِ فراموش باب کی حیثیت رکھتا ہے۔ وہ صرف ایک سپوت نہیں تھے، بلکہ ایک نظریہ تھے ۔ ایسا نظریہ جو ظلم ، جبر اور غلامی کے خلاف آزادی، وقار اور خودارادیت کی علامت بن گیا۔ جنید صحرائیؒ نے ایک تعلیم یافتہ اور باوقار خاندان میں آنکھ کھولی۔ ان کے والد محمد اشرف صحرائیؒ خود ایک صاحبِ کردار رہنما اور کل جماعتی حریت کانفرنس کے ستون تھے۔ جنیدؒ نے نوجوانی ہی میں یہ فیصلہ کر لیا تھا کہ وہ صرف کتابوں اور تقریروں سے نہیں ، بلکہ عمل سے جدوجہد کریں گے۔ اگرچہ جنید صحرائیؒ نے عسکری راستہ اپنایا، لیکن ان کی پہچان صرف ایک مجاہد کی نہیں بلکہ ایک باشعور ، بہادر اور ایمان سے لبریز نوجوان کی تھی۔ ان کا ہتھیار صرف بندوق نہیں تھا ، بلکہ ان کا یقین ، استقلال اور قربانی کا جذبہ تھا۔ 19 مئی 2020ء کو جب بھارتی افواج نے اُنہیں شہید کیا، تو وہ سمجھ رہے تھے کہ ایک مزاحمت ختم ہو گئی۔ مگر تاریخ نے ثابت کیا کہ جنیدؒ کی شہادت نے نئی تحریکوں کو جنم دیا۔ ان کے خون کا ایک ایک قطرہ کشمیری عوام کے شعور کو جِلا دیتا رہا۔ "غلامی کی زنجیروں کو توڑنے کے لیے صرف نعرے نہیں ، قربانی کی ضرورت ہوتی ہے" ۔ جنید صحرائیؒ کا یہی پیغام آج بھی نوجوانوں کے دلوں میں زندہ ہے ، وہ ان کے کردار میں جھلکتا ہے ، ان کے خوابوں میں بستا ہے۔ جنید صحرائی شہیدؒ ایک فرد نہیں بلکہ ایک تحریک کا نام ہے۔ اُن کا وجود اُن کی جدوجہد اور اُن کی قربانی ، تاریخِ کشمیر میں سنہری الفاظ سے لکھی جائے گی۔ وہ جہدِ آزادی کا وہ روشن باب ہیں ، جسے وقت کی گرد بھی مٹانے سے قاصر ہے۔ 🌹➖🍁➖🌹➖🍁➖🌹 *ہمیں اکیلے چھوڑ کر کہاں چلے جنید اب* *سجا کے انجمن یہاں کہاں چلے جنید اب* 🌹➖🍁➖🌹➖🍁➖🌹 *◼️ کمانڈر جنید اشرف صحرائی عرف عمار بھائی شہیدؒ* *◼️طارق احمد شیخ عرف غازی بابا شہیدؒ* *🗒️ تاریخ شہادت : 19 مئی 2020ء* *📍 مقام شہادت : کنی مزار نواکدل سرینگر*