بریلی: بغیر نمازِ جنازہ کے دفن😭 — ایک المیہ، ایک پیغام ایک دل دہلا دینے والا واقعہ... ایک مسلم بیٹی نے ہندو لڑکے سے شادی کی، اور اگلے ہی دن اس کا انتقال ہو گیا۔ لیکن جب نمازِ جنازہ کا وقت آیا تو علاقے کے کسی بھی امام نے نماز پڑھانے سے انکار کر دیا، اور وہ بیٹی، بنا نمازِ جنازہ، خاموشی سے دفنا دی گئی۔ یہ صرف ایک واقعہ نہیں، ایک تازیانہ ہے جو ہمیں جھنجھوڑ رہا ہے۔ سوال یہ نہیں کہ اس کا انجام کیا ہوا، سوال یہ ہے کہ ہم اپنی بیٹیوں کو کہاں اور کیسے کھو رہے ہیں؟ یہ سوچنے کا وقت ہے کہ ہمارے گھروں میں ایمان کی روشنی کیوں مدھم پڑتی جا رہی ہے؟ کیا ہم نے اپنی بیٹیوں کو دین سکھایا؟ ان کے دل میں اللہ اور رسول ﷺ کی محبت ڈالی؟ اگر نہیں، تو پھر ایسے حادثات صرف افسوس نہیں، تنبیہ بن کر آتے ہیں۔ خدا کی قسم، جب یہ خبر سنی تو دل کانپ گیا، آنکھ نم ہو گئی۔ خدارا، اپنے گھروں پر توجہ دیجیے۔ اپنی بیٹیوں کو دین، غیرت اور شعور دیجیے، تاکہ کل وہ فیصلے کریں تو ایمان کے دائرے میں رہ کر کریں۔ آج کا دکھ، کل کی اصلاح بن سکتا ہے — اگر ہم جاگ جائیں۔