*💝 Shareek E Hayaat!!* *Chand Raaten Pahle Ki Baat Hai, Mai Ne Apne Bistar Par Neend Aa Jaane Se Pahle, Apne Pahlu Me Soyi Apni Biwi Ke Chahre Ko Ghaur Se Dekha. Us Ki Pyaari Si Aur Narm O Naazuk Shakl Par Kaafi Der Tak Ghaur Karta Raha.* > *Phir Mai Ne Apne Aap Se Kaha:* Kya Miskeen Hoti Hai Ye Aurat Bhi! Barson Apne Baap Ki Shafqat Ke Saaye Tale, Apne Ghar Waalon Ke Saath Palti Badhhti Hai. Aur Ab Kahan, Ek Naa-Waaqif Shakhs Ke Pahlu Me Aa Kar Soyi Padi Hai. Aur Us Naa-Waaqif Shakhs Ke Liye Is Ne Apna Ghar Baar, Maa Baap, Waalidain Ka Laad O Pyaar Aur Naaz Nakhre, Sab Chhod Diya. Apne Ghar Ki Raahat Aur Aaraam Ko Chhod Kar Aise Shakhs Ke Paas Aa Gayi Hai, Jo Bas Is Ko Achchhe Ki Talqeen Aur Buraayi Se Rokta Hai. Ye Aurat Dil O Jaan Se Us Ki Khidmat Karti Hai, Us Ka Dil Bahlaati Hai, Us Ko Raahat Aur Sukoon Deti Hai — TaaKe Bas Is Ka Rabb Is Se Raazi Ho Jaaye, Aur Sirf Is Liye Ke Ye Us Ke Deen Ka Hukm Hai. > *Kahte Hain, Phir Mai Ne Apne Aap Se Sawaal Kiya:* Kaise Hote Hain Kuchh Log, Jo Be-Dardi Aur Be-Rahmi Se Apni Biwiyon Ko Maarte Peet'te Hain? Balke Kuchh To Dhakke De Kar Unhen Ghar Se Baahar Nikaal Dete Hain. Unhen Waapas Apne Maa Baap Ke Us Ghar Laa Daalte Hain, Jo Wo Sirf Un Ki Khaatir Chhod Kar Aayi Thi. Kaise Hote Hain Kuchh Log, Jo Biwiyon Ko Ghar Me Daal Kar Khud Doston Ke Saath Nikal Khade Hote Hain. Hotalon Me Jaa Kar Wo Kuchh Khaate Peete Hain, Jis Ka Un Ke Ghar Me Tasawwur Bhi Nahi Kiya Jaa Sakta. Kaise Hote Hain Kuchh Log, Jin Ke Baahar Uthhne Baithhne Ka Waqt, Un Ke Biwi Bachchon Ke Saath Waqt Guzaarne Se Zyaada Hota Hai. Kaise Hote Hain Kuchh Log, Jo Apne Ghar Ko Apni Biwi Ke Liye Jail Bana Dete Hain? Na Unhen Kabhi Baahar Le Jaate Hain, Na Hi Un Ke Paas Baithh Kar Dil Ka Haal Sunte Hain. Kaise Hote Hain Kuchh Log, Jo Apni Biwi Ko Aisi Haalat Me Sula Dete Hain Ke Us Ke Dil Me Kisi Baat Ki Khalish Yaa Chubhan Ho, Aankhon Me Aansoo Hon, Aur Gala Qahr Se Band Ho. Kaise Hote Hain Kuchh Log, Jo Apni Raahat Aur Bahtar Zindagi Ke Liye Ghar Chhod Kar Baahar Nikal Jaate Hain, Aur Peechhe Palat Kar Ye Bhi Nahi Dekhte Ke Biwi Bachon Par Kya Guzar Rahi Hai. Kaise Hote Hain Kuchh Log, Jo Aisi Zimme-Daari Se Bhaag Jaate Hain, Jis Ke Baare Me Un Se Roz E Mahshar Sawaal Hoga. > *Apni Maa Aur Apni Biwi Donon Ko Be-Panaah Izzat Do; Is Liye Ke Ek Tumhen Dunya Me Laayi, Aur Doosri Saari Dunya Chhod Kar Tumhaare Paas Aayi!* https://whatsapp.com/channel/0029VaRR3zV3QxRuQSHYfL3Z